السلام عليكم ورحمه الله
اليوم ياشباب انا موضوعي لا اطلب فيه حلا
لاني واجهت المشكله وحللتها
وحبيت افيد اخواني بالمنتدي

حصل اني يوم كنت في جده كنت ماشي علي السياره 6000 وفواصل وقلت خلني اغير زيت
والسياره كان صوتها ناعم وعادي بالرغم اني كنت معطيها العين الحمرا وفي بعض اللحظات اثناء سفري من جده الي تبوك ما اعشق من الرابع الي الخامس الا بعد 219 كم /س
المهم اني غيرت الزيت من نوع كاسترول 10w30 والسيفون شريته من وكاله هوندا طريق المدينه وغيرت الزيت ونظفت فلتر المكيف والبنشري نظف فلتر الهواء ورجعه
بعد ماطلعت من عنده مالاحظت شي لاني كنت امشي بهدوء وماكنت ادعس
ثاني يوم طلعت اتمشي ودعست شوي ولا اسمع صوت بعد مايعدي الضغط 3 كاني مركب فلتر رياضي وصوت السياره كان مرتفع مع وجود صوت اقرب الي (برررررررروم ) مع الدعس
طنشت الموضوع لاني كنت باتمشي ولما رجعت تبوك مع ان الصوت كان مزعجني علي السرعات العاليه
قلت خلني اشوف هالعله
وكنت شاك ب 3 أشياء
1 ـ الزيت غير اصلي وكنت اتاكد كل يوم من اللزوجه وعدم النقص كل يوم وطلع سليم
2ـ الشكمان فيه تنسيم بسيط لاني اكلت مطب جاامد وكشفت عليه وطلع سليم
3 ـ فلتر الهواء
وفعلا طلع المشكله من فلتر الهواء الغطاء حق الفلتر فيه تنسيم وموراكب صح بالرغم انه من الشكل الظاهري انه راكب تمام
وبين لما دعست للسياره وهي واقفه كان يطلع صوت غريب جداا من جهه الفلتر
واشوف الفلتر والا في مديل 2008 وما فوق يركب بواسطه ثلاثه كلبسات حديديه ترفع لاعلي للفك وتنزلها لاسفل للقفل
ولكن ليست هذي المشكله
يوجد سنتين بلاستيكيه في الجهه اليمنى لغطاء الفلتر يجب ان تدخل في مكانها ثم تقفل بالكلبسات
واللي حصل معاي ان الاخ البنشري لم يدخل السنتين البلاستيكيه وصار تنسيم وهو اللي طلع الصوت هذا
وقلت فرصه اغير الفلتر حق الهواء مرره وحده
واشتريته من الوكاله ب 126 ريال وركبته وطبقت تركيب الغطاء بالطريقه الصحيحه
والحمد لله رجعت السياره ناعمه مع الدعس واختفي الصوت نهائيا

وشكرااا لكم علي تحملي كثره الكتابه ولكن حبيت اشرح الموقف كامل بالتفصيل
ليستفيد منه الاعضاء ولا يقعوا فريسه الورش بمفهوم غير وغير وغير وتكون المشكله بسيطه