تعليق النور العاااااالــــي ,,,

**زعيم الشوق** · 31-08-2011, 07:37 AM

السلام عليكم ,,

كل سنه وانتم طيبين انشاء الله ,, عيدكم مبارك ,,

اكورد 2007 عندي مشكله بالنور العالي يعلق رحت لأكثر من مهندس كل واحد يقول

شغله واحد يقول غيره علبه الفيوزات الخارجية والثاني يقول هذي مشكله في نفس اليد الثالث يقول

كتاوت والله اني محتااار اتمنى اي احد كانت عنده نفس المشكله يفيدني وابي اعرف كم سعر

علبه الفيوز الخارجيه ,, وشكـــراً ,,

**وهــم ..!** · 31-08-2011, 08:35 AM

اتوقع انه من الفيوز أو علبة الفيوز ( أذكر واحد قالي عن ذي المشكله ) انا قد علق علي مرتين قبل مده .. وأتمنى احد يفيدك ويفيدني لأن اذا ماكانت من الفيوز وكانت شيء سهل أسويها مره وحده

**زعيم الشوق** · 31-08-2011, 09:03 AM

ياليت والله ياخوي وهــم لأني اظن ان سعر العلبه مايقل عن 2000 ريال ,,

**H S N** · 31-08-2011, 09:04 AM

وعليكم السلام

وانت بخير

المشكلة من علبة الفيوزات وتتغير على الضمان اذا كنت ماشي اقل من 120 الف
الحل الثاني تركب كتاوت

**زعيم الشوق** · 31-08-2011, 09:15 AM

طيب اخوي h s n صارت معاك المشكله من اول ؟؟؟

عندك فكره كم سعر العلبه بالوكاله ؟؟؟؟

انت تقول حل ثاني كتاوت ؟؟ وضح الله لايهينك ؟؟؟

**alkasr777** · 31-08-2011, 09:33 AM

سعر العلبه أتوقع 12000 ريال

إذا ما خانتني الذاكره

أنا حصلت لي نفس مشكلتك بس تركتها اسبوع و راحت

و لا رجعت و تقدر تحل مشكلتك بتركيب كتاوت بـ 60 ريال

**زعيم الشوق** · 31-08-2011, 09:36 AM

يعني اتوكل على الله واركب كتاوت ,,

**accord790** · 31-08-2011, 09:37 AM

هاذي المشكله سببها علبة الفيوزات (حل مؤقت اضرب علبة الفيوزات على طول يطفى النور)

انا صارت لي وحليتها بالكتاوت ولها اكثر من 6 شهور ولله الحمد بدون تعليق

سؤال / انت مركب عصا النور اللي فيه فاصل كشافات؟

**H S N** · 31-08-2011, 09:57 AM

المشاركة الأصلية كتبت بواسطة زعيم الشوق

طيب اخوي h s n صارت معاك المشكله من اول ؟؟؟

عندك فكره كم سعر العلبه بالوكاله ؟؟؟؟

انت تقول حل ثاني كتاوت ؟؟ وضح الله لايهينك ؟؟؟

صارتلي وركبت كتاوت وراحت الحمدلله
ما اذكر سعرها بس بالاااااف واذا كنت ماشي اقل من 120 الف تتغير بلاش في الوكالة
حل ثاني يعني اذا مابتغير العلبه خليها وركب كتاوت محلات الزينه ماشاءالله زي النمل فجدة انا ركبتها فكيلو 2 شغل اليماني الصراحه ما اعجبني بس الى الان النور الحمدلله شغال مزبووط

**آكـوردآويـ 2007 ـ ~** · 31-08-2011, 11:45 AM

( : هلأ بـٍكـً .. ~ وًكـل عـًآم ونــٌت بـٍخير

تفــًضِل أنَ شـأء الله قـدًرتـ ~ آفيـدكـًَ .. ~*

vv
v

حل مشكلة تعليق النور العالي..

**بلال العلمي** · 31-08-2011, 05:34 PM

عيب مصنعي

اذا سيارتك ما تعدت 120 الف كيلو روح الوكالة يبدلون علبة الفيوزات ويركبون لك ظفيرة مطورة لاج يروح العيب هذا

**Silver Aurion** · 31-08-2011, 10:49 PM

المفروض ان عيب مصنعي ما يقترن بعدد الكيلومترات و يكون مفتوح

في حال ثبت انه بالفعل عيب مصنعي و الوكيل مجبر على تغير القطعة على طريقة ( استدعاء )

**alkasr777** · 31-08-2011, 10:58 PM

^^^

أقول ما عندك أحد بس

تلقاه بالموت اقتنع يخليها عيب مصنعي

و عارف ان مو كثير اللي صايره معهم و ما راح يخسر كثير ولا كان حط طرمبة الدركسون عيب مصنعي و راح يخسر كثييير

بس تلاحظون شيء ان علبة الفيوزات طااااق سعرها فووووق عشانها عيب مصنعي
و نفس الشيء لي الدركسون طاااق سعرها بحدود 1200 و هو يروح يجي هووووز

الله ينتقم منه النصااااب :(

**بلال العلمي** · 01-09-2011, 03:46 AM

المشاركة الأصلية كتبت بواسطة silver aurion

المفروض ان عيب مصنعي ما يقترن بعدد الكيلومترات و يكون مفتوح

في حال ثبت انه بالفعل عيب مصنعي و الوكيل مجبر على تغير القطعة على طريقة ( استدعاء )

الكلام هذا ما كان موجود قبل كذا يعني لو تمشي السيارة مليون كيلو عادي كونه استدعاء تدخل السيارة على طول بس شركة عبدالله هاشم سكرتها بشيئين وهو الاولى ان الاستدعاء تكون داخله فيه السيارات اللي تحت 120 الف كيلو وايضا الاستدعاء تكون السيارة مواضبة على الصيانة بشكل مستمر

السبب :

هو ان فيه ناس في الوكالة كانوا يخدمون اخوياهم كثير وكانوا يغيرون اي شي على الضمان حسب المزاج وبدون رقابة مو حسب التلفيات يعني مثلا يجيك واحد يضبط خوي له داخل الوكالة ويغير له الهوبات مع الفحمات تحت بند الضمان وايضا يغير له المساعدات تحت بند الضمان واشياء كثيره اغلب الاوقات ما تكون تالفة واللي يصير ان الرجيع في بند الضمان يروح لليابان وهناك يتقرر اذا كانت الوكالة بتاخذ مبلغ القطعة اللي غيرتها وايضا قيمة شغل اليد فاللي صار ان المصنع في اليابان رفض دفع مبالغ ضخمة جدا لاشياء تبدلت تحت بند ضمان المصنع واللي طلع انها مو تالفة وبالتالي خسائر للوكالة نفسها وتحملها بنفسها تكاليف هذه التلفيات ولاجل كذا بنود الضمان ينخاف فيها في الوكالة

اما حكاية الاستدعاء فالمصنع معطي مسافة مفتوحة حتى انه مستدعي سيارات من عام 2000 الى 2001 بخصوص عيب مصنعي في الايرباق فهل معقول تلقى سيارات في الموديلات هذه تحت ممشى 120 الف لكن اللي صاير لكن المسألة فقط مزاج لاغير

**foawaz** · 01-09-2011, 07:36 AM

سلام اخوي انا صارتلي نفس المشكله ونفس الكلام قلولي... ورحت لمهندس اعرفه وشغله منتاز قال علبت الفيوز بس غاليه عليك ركب كتاوت خارجيه وركبت والحمدلله ماشي معاي مثل الحلاوه لهاا ست شهور وبسم لله ماشي لله