سحب المقص استفسااار

**تحكمني قناعاتي** · 26-08-2011, 05:18 AM

السلام عليكم

شباب حبيت استفسر

انا كليت مطب على 120 المطب كان قوي بصراحة

المهم انا رحت لميزان وشيكت على الموتر لقيت الكفر اللي يسار طالع من فوق وراجع على ورا طبعا المسافة اللي بين الكفر والرفرف فرق بينه وبين الكفر الثاني( السليم) بعدين سويت سحب وكبس للمقص
الحمد لله الكبس كان شغلهم فيه تمام بس المشكلة السحب
اول الكفر المضروب كان المسافه بين الكفر والرفرف اقل من الكفر السليم لكن الحين اكثر يعني الكفر تقدم بزياده
سالت العامل قالي عادي لازم فرق مايجي زي بعض
فحبيت اسالكم هل كذا
عادي ولا لازم يكون نفس المسافه

واسف على الاطاله وانتظر الاجابة

**K H A @ L I D** · 26-08-2011, 05:48 AM

خويي جاتو صدمه من الامام وراح كم ميزان كل واحد يقوول شئ

انا نصحتو انو يغير المقص وماشاء الله رجع احسن من اول

انته كنت تشيك على المقص قبل السحب

**تحكمني قناعاتي** · 26-08-2011, 06:07 AM

هلا اخوي

ايه انا قبل السحب شيكت عليه كان راجع مره وكان الفرق واضح وكنت احس بحذفه يسار بعد المطب

الحين سحبو المقص وخفت الحذفه بس اللي مجنني انه قدمه زياده يعني اول فرق لورا والحين فرق لقدام

**تحكمني قناعاتي** · 26-08-2011, 07:21 AM

تكوووون ياشباب ابي اعرف الفرق طبيعي ولا ارجعله لانه معطيني ضمان شهر

**هاي الشرقية** · 26-08-2011, 09:32 AM

شوف يابعد قلبي انا صار لي حادث وسويت سحب وتبي الصراحة وزنية الاكورد غير كل السيارت يعني لو تجيب اكورد وتطلع من الخلف تلاحظ ان الكفرات من فوق داخلة جوى واتحدى اي ورشة تردها وكالة الزبدة اذا كان الفرق مو كبير ولا اثر بالسيارة وانت تمشي فخلاص ماعليها الا العافية بس اذا كانت تحذف ارجع له وقوله سوي افضل ماعندك واهو ترى صادق لازم فيه فرق مستحيل ترجع زي اول
مع تحيات هاي الشرقية يارب متى اصير مشرف:o

**تحكمني قناعاتي** · 27-08-2011, 12:17 AM

مشكوووورررين على الرد

والفرق تقريبا اصبع واحد
مثال(كفر ثلاث اصابع وكفر اصبعين)

ياشباب شرايكم الفرق طبيعي ولالا لان بصراحه حقين الميزان نصابين يعني لو اروح لواحد ثاني اتوقع بيقول لي يبغاله تصليح لان اكثرهم همه الفلوس

**accord790** · 27-08-2011, 03:12 AM

انا جربت جميع انواع السحب وعند اكبر محلين مختصه ( العضيب - المجد)

وصار لي نفس اللي صار لك واكتشفت في النهايه ( اختصار للوقت والجهد ويكون شكل السياره افضل )

غير المقص السفلي وارتاح ... قيمته في الوكاله 600-650 ريال

*

**تحكمني قناعاتي** · 28-08-2011, 05:28 AM

مشكور اخوي وماقصرت

**MTS** · 28-08-2011, 08:22 AM

وديها الوكاله احسن

**بلال العلمي** · 29-08-2011, 05:45 PM

غير المقصات افضل لك من السحب لان السحب ما عمره يتعدل اصلا لو تروح لليابان وكذا يفكون المقص ويعدلونه تعديل كامل وكانهم يسمكرونه ويطابقونه مع الاصل اذا رجع بنفس القياسات او لا وكذا تضبط مو مثل اللي في الصناعية يربطون لك سلاسل وما ادري ايش ويسحبون لك سحب

الافضل تغيره وريح بالك تماما