عاشق اكورد الجديد واستفسار

**ابوالباسل** · 28-08-2011, 02:57 AM

شباب
السلام عليكم ورحمة وبركاته

باركولي

اخوكم اشتر اليو م هوندا اكوردفل اربعه سلندر (2008 ) وانظم الى عشاق هوند اورد

ولدي استفسار ياليت تجاوبوني عليه قبل ما يودع الجربوكس

السيارة اذا كانت واقفه وشديت في القومة النمره تتغير عند خمسة ونص في عداد الهواء
المهندس يقول التغير المفروض يكون عند ثلاثة ويقول في مشكلة في الجربوكس وديها الوكالة والله فجعني وطير الفرحة .
انا مادري هل هي طبيعي ولا في مشكلة وايش الحل
وياليت تدلوني على ورش متخصصه في هوندا في مكة وجده
ارجو ان تقبلوني في المنتدى وتحيااااااااااااااااااااااااااااااااااتي

**MyStErIoUs-87** · 28-08-2011, 03:20 AM

وعليكم السلام ورحمة الله وبركاته ..

هلا بكـ أخوي .. وحياكـ الله معانا .. ألف مبروكـ عليكـ السيارة .. الله يعطيكـ خيرها ويكفيكـ شرها ان شاء الله ..
حبيبي .. حسب ما فهمت من كلامكـ إنكـ بتحرق في القومة .. ولا أنا غلطان ؟

إذا كنت بتحرق في القومة معناها انت ناوي تنكب السيارة من بدري :d فأول نصيحة لكـ إبعد عن الحرقان .. ماهو طيب للزيت ولا للمكينه ولا لأي شي في السيارة اذا تبغا الصراحة !!

والشي الثاني .. اذا انت بتحرق .. فشي طبيعي ان التنمير يتأخر معاكـ .. السيارة بتعطيكـ عزم وتنطلق .. والتنمير يتأخر الين تريح السيارة وترفع رجلكـ عن دعسه البنزين شوية .. أو الين يوصل عداد الـ RBM لمستوى عالي بعدها تنمّر معاكـ .. حتى ممكن تتجاوز الـ 5 ونص وتوصل للون الأحمر !!

وأتوقع المهندس اللي انت سألته كان يتكلم عن التنمير في الوضع الطبيعي .. مش وانت حاااارق بالسيارة

أتمنى أكون أفدتكـ .. وبالتوفيق يارب ..

**ابوالباسل** · 28-08-2011, 03:45 AM

اشكرك اخي على سرعة التجاوب
المهندس هو اللي وقف السيارة ثم شد على السيارة في القومه ( حرق السيارة ) وكان قصده انه يتاكد من سلامة الجربكس ولما غير السيارة النمرة عند خمسة ونص قال المفروض تغير النمره عند ثلاثة فيه مشكلة في الجربكس
انا متاكد انه يقصد عند الحرق
ولا اخوك ماله بحرق السيار وحرق الفلوس
اكرر شكري

**alkasr777** · 28-08-2011, 05:02 AM

المهندس اللي رحت له منسم و ما يفهم شيء :d

بس إذا تبغى ترجع تغيير نمر السياره زي الوكاله

افصل البطاريه ساعه و رجعها

**Accord F15** · 28-08-2011, 05:41 AM

الله يهديك بس اليارس ما تبدل نمره عالثلاثه ومستحيل الاكورد تبدل نمره عالثلاثه ليه والله لو انها تصك الميه بـ 20 ثانيه ما تبدل عالثلاثه وروح سلم عاللي ركب معك وافتى لك وقله يشوف هالمقطع

[ame=http://www.youtube.com/watch?v=Jvfse9O-cyY]2008 Accord acceleration - 33.3 - تسارع آكورد 2008 0-200 - YouTube[/ame]

اذا شاف المقطع وخلص قله هب خبزه :d

**ابوالباسل** · 28-08-2011, 08:43 AM

شكرا شباب
شكلي بروح اشوته وفقع وجهه

وياليت تدلوني على ورش متخصصه في الهوندا تكون في مكه وجده

انتظركم

**MyStErIoUs-87** · 28-08-2011, 02:56 PM

-
إذا تبغا ورشة متخصصه في هوندا .. عندكـ ورشة الجزيرة في شارع البلدية ( موقع الشارع شمال شارع غرناطة ) ..
المسؤول عن الورشة هو مدير الصيانه في أحد فروع هوندا في جده ( شكير ) ..

راسلني ع الخاص اذا بغيت رقم جواله ..

بالتوفيق للجميع يارب