الأختلافات في الأكورد 2012 - إستفسار مهم

**Blackberry** · 28-08-2011, 10:19 PM

بسم الله الرحمن الرحيم

السلام عليكم و رحمة الله و بركاته

قبل كل شي كل عام و انتم بخير و سالمين من الشر إن شاء الله

يا جماعة الخير .. أنا أشتريت أكورد 2012 قبل فترة بسيطة

طبعا الموتر للآن ما وصلني

بس حبيت أستفسر منكم لأني سمعت بعض العيوب في الموتر

من طرمبة دركسون .. وعدم ثبات (حذف يمين و يسار)

و أقلقني هالشي بصراحه , مع اني مقتنع بالموتر أولا و بالهوندا ثانيا

و هل فيه نصايح تنصحون فيها أول ما استلم الموتر إن شاء الله

شاكر لكم و مقدر جهودكم

جزاكم الله خير :o

**م ل ك 2008** · 28-08-2011, 11:24 PM

مبروووووووووووووووووك عليك الموتر
الله يعطيك من خيره ويكفيك شره

انت الان جرب الموتر وان شاء الله مافيه عيوب بس اهم شي حافظ على الموتر بالنسبه للطرمبة الدركسون لاتلف الطاره اخر شي ولاتلف وانت واقف ولاتزود زيت الدركسون الابالوكاله ومن ناحية الثبات انا اشوفه ماشاء الله ثبات ورساوه ممتازه والحذفه خل عيار الهواءكله 30 وان شاء الله امورك تمام

واي خدمه انا حاضر

**احبك يالاكورد** · 28-08-2011, 11:29 PM

الموتر روووووووعة وانا اخوك عليك بالمبارك

مافيه موتر مافيه عيوب اكيد كل المواتر فيها عيوب حتى اللكزس بكبره

ممكن طرمبة الدركسون يعاني منها اصحاب الاكورد لكن هالخراب بسيط جدددا ومايكلف الا صلاح دودة وسعرها حدود 500 ريال وان طلعت لك بتطلع بعد سنتين الى ثلاث واعرف ناس كثيرين معهم اكوردات ولا خرب ممعهم للحين ماشاء الله

بخصوص الحذفه كان الموتر يحذف رح للوكالة يصلحونها ع الضمااااااان وباذن الله مايصير فيها شيء

بالتوفيق لك وخير مااخترت

**ҳ̸Ҳ̸ҳ̸ خــالــد ҳ̸Ҳ̸ҳ̸** · 29-08-2011, 02:30 AM

اول شي الف الف مبروك الموتر وكل عام وانت بخير وعيدك مبارك

أخوي انا مثلك معي 2012 بخصوص علبة الدركسون تم معالجتها في المصنع في

امريكا بخصوص الحذفه الايمن والايسر ما لاحظت فيها هذي الحذفه بس خلي هواء

ضغط الكفرات مسوي الافضل يكون 32 مثل ماهو مذكور في الكتيب السيارة

بخصوص التمرين الف كيلو السرعة مع المكيف تكون 80 كيلو متر بدون مكيف 100

والله يعينك على التمرين يتعبك شوي

طبعآ البنزين يكون أخضر 91

تابع هذا الموضوع ضروري

||| سيارتك جديدة ؟؟ توك شاريها تفضل؟؟ بتشتري سيارة؟ ||| - منتدى محبي سيارات هوندا

**راعي هوندا99** · 29-08-2011, 03:35 AM

بالنسبه للطرمبة الدركسون لاتلف الطاره اخر شي

ودي أعرف الناس من فين تجيب الكلام

ياخوي أنا قريت دليل المالك مو كاتبين لا تلف الدركسون للاخير

أنت سوي حاجتين مكتوبة في دليل المالك وان شاء الله مايسير الا الخير

1_ لا تقفل السيارة والطارة لافه على الاخير
2_ لا تعبي غير زيت هوندا وبسسسس

**bnsvip** · 29-08-2011, 04:02 AM

انتبه لا تغلط نفس غلطتي
سيارتي شريتها جديدة 2012 من المعارض بالنسيم , وبعد ما خلصت 1000 كلم وديتها الوكالة للصيانة, وطلبوا دفتر الضمان....

تفاجأت بأن دفتر الضمان غير موجود بالسيارة ....!!!!!!؟؟؟

وبعد شيل وحط مع الوكالة والحصول على موافقة من فرع جدة تم اصدار دفتر الضمان

فأحرص على وجود دفتر الضمان

اتمنى اني قدمت لك فائدة ولو بالقليل

تحياتي

**بلال العلمي** · 29-08-2011, 04:15 AM

مبروك للي اشتروا 2012 مافيها عيوب في الطرمبة حتى الان في موديلات 2012 ومافيها عيوب في الركب

يعني سيارة خالية من العيوب تماما كعادة هوندا دائما اخر موديل مافيه عيوب ويسوون استدعاء للسيارات اللي قبل اخر موديل في الجيل في حال وجود عيوب لاجل كذا مافيه عيوب مصنعية في موديل 2007 غير الطرمبة والفرامل ومافيه عيوب مصنعية في موديلات 2012 نهائيا لا من الطرمبة ولا الفحمات يعني اشتري وانت متطمن باذن الله وكعادتي انتظر الدفعة الاخيرة من 2012 لاجل الاصطياد :d كما فعلت مع موديل2007 باذن الله

**Blackberry** · 29-08-2011, 06:38 AM

الله يجزاكم خير ماقصرتو على الإفادة

الله يبارك فيكم جميعا و يعطيكم العافيه

**مستر أكورد** · 01-09-2011, 05:33 PM

السلام عليكم ورحمة الله وبركاته ... أحبتي في الله كل عام وأنتم بخير
بصراحة أنا أستفدت كثير من تعليقاتكم ونصائحكم وأنا عضو جديد بالمنتدى وأتمنى أكون خفيف الظل ...
وأحب أقول لصاحب الموضوع الله يعطيك خيرها ويكفيك شرها ...
وأنا إن شاء الله ناوي على الهوندا الجديدة 2012 والحمد لله رب العالمين

**twaq** · 03-09-2011, 02:16 AM

الف مبروك والله يعطيك خيرها

**أكــــــــــورد11** · 03-09-2011, 05:51 AM

الله يعطيك خيرها ويكفيك شرها وسؤال للاخ بلال انا عندي موديلها 2011 ماشكيت منها ولله الحمد بس في احد شكى منها!!!

**Blackberry** · 03-09-2011, 06:07 AM

الله يعطيكم العافيه و يتمم لكم على خير المسألة مجرد استفسارات لا اكثر و لا اقل
و الشباب ما قصروا جزاهم الله عنا خير

**بلال العلمي** · 03-09-2011, 08:01 AM

المشاركة الأصلية كتبت بواسطة مبارك عبدالله

الله يعطيك خيرها ويكفيك شرها وسؤال للاخ بلال انا عندي موديلها 2011 ماشكيت منها ولله الحمد بس في احد شكى منها!!!

البعض اشتكى من اصوات الركب السفلية في موديل 2011 لكن مافيه ذا الصوت في موديل 2012

**ashraf rashid** · 03-09-2011, 02:22 PM

مبروووووووووووك

**م ل ك 2008** · 03-09-2011, 02:34 PM

المشاركة الأصلية كتبت بواسطة راعي هوندا99

ودي أعرف الناس من فين تجيب الكلام

ياخوي أنا قريت دليل المالك مو كاتبين لا تلف الدركسون للاخير

أنت سوي حاجتين مكتوبة في دليل المالك وان شاء الله مايسير الا الخير

1_ لا تقفل السيارة والطارة لافه على الاخير
2_ لا تعبي غير زيت هوندا وبسسسس

ياخوي انت كلامك متناقض تقول الناس من وين يجيبون الكلام

وانت كاتب لاتقفل الطاره على الاخير

**راعي هوندا99** · 03-09-2011, 02:46 PM

ياخوي انت كلامك متناقض تقول الناس من وين يجيبون الكلام

وانت كاتب لاتقفل الطاره على الاخير

أخوي من شريت الهوندا وأنا ألف الطارة على الاخير + أبشرك عندي سيارة 91 ودايم الف الطارة للاخير والحمدلله الى الان مافيها الا العافية

انا اللي أقلك قريته في دليل المالك اني الف الطارة على الاخير وأقفل السيارة عليها وأخرج هذا يخرب العلبة والشركة ادرى بسيارتها

**بو دانة** · 03-09-2011, 03:31 PM

افعهم ي تسويه تحط جلاد حمايه لواجهة السياره والليتات والكشافات والمرايات لانه لوحاشتك غبره وانت مو حاطهم بتندم يوم لاينفع الندم

**تروووكـ** · 03-09-2011, 09:39 PM

مبروووكـ الموتر

وانا مثلك شريت اكورد 2012 اسود والحمد لله الوضع تمام م فيها حذفه وماشي الحين 2800 لاحذفه ولا اصوات بس كأنه ثقيل الموتر :d يمكن مو متعود

**عآشق الخرج** · 04-09-2011, 05:39 PM

الله يبارك لك في الموتر ....ونصيحة تعبيها بنزين 95 ...

دليل المالك يقول بنزين 91 وأعلى ..يعني كل ماكان أعلى كان أفضل ...ويحذر من أنه يكون أقل من 91 ..

لذلك أنا أعبيها أحمر 95 وهو الأفضل ..السيارة مو ناقصة بنزين أخضر ويثقل عليها زيادة

**بلال العلمي** · 04-09-2011, 07:38 PM

المشاركة الأصلية كتبت بواسطة راعي هوندا99

أخوي من شريت الهوندا وأنا ألف الطارة على الاخير + أبشرك عندي سيارة 91 ودايم الف الطارة للاخير والحمدلله الى الان مافيها الا العافية

انا اللي أقلك قريته في دليل المالك اني الف الطارة على الاخير وأقفل السيارة عليها وأخرج هذا يخرب العلبة والشركة ادرى بسيارتها

فيه ناس تلف الطارة على الاخير وتخرب معهم الطرمبة او ترشح بعد 60 الف الى 70 الف

وانا ما الف الطارة على الاخير نهائيا وانا ماشي او الف بل بالعكس تبقى ربع لفة الين توصل الاخير وبدأت الطرمبة ترشح على ممشى 100 الف كيلو وهذا انجاز يعتبر

منظومة موديل 91 تشبه المنظومة حقت 2003 - 2012 لكن الفرق هي في حجم اللفات وايضا حجم ضخ الزيت وقوة الضخ علشان كذا موديلات 2003- 2012 اسهل في اللف من موديل 91

**راعي هوندا99** · 05-09-2011, 12:16 AM

فيه ناس تلف الطارة على الاخير وتخرب معهم الطرمبة او ترشح بعد 60 الف الى 70 الف

وانا ما الف الطارة على الاخير نهائيا وانا ماشي او الف بل بالعكس تبقى ربع لفة الين توصل الاخير وبدأت الطرمبة ترشح على ممشى 100 الف كيلو وهذا انجاز يعتبر

^^
أحوي اذا أنت تعبي زيت هوندا وعلى الحد ماكس غريبة !!!! انها تخرب !!

ودليل المالك مو مكتوب لا تلف الطارة على الاخير

طيب السفيك ليش ماسمعنا أحد يشتكي من الطرمبة بتاعها ؟؟

منظومة موديل 91 تشبه المنظومة حقت 2003 - 2012 لكن الفرق هي في حجم اللفات وايضا حجم ضخ الزيت وقوة الضخ علشان كذا موديلات 2003- 2012 اسهل في اللف من موديل 91

حجم اللفات في 91 أكبر وعن تجربة وبالنسبة لثقل الطارة متقاربة >> السيارة مو هوندا

__________________

**دواس الضلماء** · 08-09-2011, 10:44 AM

بالنسب لعلبة الدرقسون اقولكم ياناس الاكورد نضام الدرقسو نضام متطور كما تلاحضون ثباتها مع المنعطفات وتلاحضون كيف انه اثقل من السيارات الثانية يعني يستاهل من يعتني فيه
مثل ماقالو الاخوان باللغة العامية لا تعسر الموتر باللفه ولا تطفي الموتر والدرقسون لاف تسويلي فيها تستعرض ولاتزيد الزيت عن الحد المطلوب
انا اتكلم من واقع تجربه انا موتري ماعمري وقفته لاف والحمد لله وبفضله ماعندي مشكله
ولد عمي معه 2008 اجد من موتري وانضف لاكنه شكله معجب بالجنوط وما يوقف الا لاف الدرقسون ووقع الفاس بالراس*

**بلال العلمي** · 08-09-2011, 02:55 PM

المشاركة الأصلية كتبت بواسطة راعي هوندا99

**بلال العلمي** · 08-09-2011, 02:59 PM

عموما الاكورد الجاية بتكون كهربا مثل ما نزل السيفيك الجديد 2012

وبتكون نفس الاكيورا الدركسون يجيك بمساعدة كهربائية

فيه انتقادات على مستوى العالم في الموضوع هذا على نظام الهوندا وهو انه سهل جدا جدا جدا جدا

يعني وانت واقف تلفه لفة قوية يقعد يلف من سهولته الين يوصل حده

فيه ناس تبي قيادة رياضية يعني يناور يدعس والبعض يجهز خططه من الان لاجل يسرق بعضها لاجل ينطل عليها

لكن المسألة انك ما راح تحس بالدركسون ابدا لذلك ما راح تدري في اي وضعية هي الكفرات الحين لانه متغير فما راح تقدر تسوي تقدير لحالة الالتفاف

بس اللي يبي يسوق بهداوة وروقان فليبدأ يمرن اصبع يده الصغير لانه راح يلف فيه ما راح يحتاج يده كلها