السلام عليكم حبايبي



بحكم ان اليوم عيد حبيت اهنيكم اولا فيه واقول كل عام وانتم بخير وصحه وسلامه والله يعيده علينا وعليكم ونحن وانتم باحسن حال ..

بصراحه شفت قبل فترة ان سيارتي يبي لها تلميع يعني عقب الورش والغثا والبهذله اللي صارت

فقلت تستاهل الهنادي نلمعها ..

المهم وديتها لاحد محلات التلميع المشهورة والممتازة وسويت تلميع كامل داخلي وخارجي

ولا انسى انهم لمعو المكينه ودققو على المكينه ..

اخذت السيارة الساعه 3 فجر العيد والامور تمام التمام

وصلت البيت وخليت الشباك مفتوح علشان تنشف المراتب لانها مخمل

نجي لزبدة الموضوع ..

بعد التهاني والتبريكات اصرت الاكورد الا انها تعايدني والله يستر من هالعيديه :d :-

الساعه 8 صباحا شغلت السيارة ولاحظت انها تنفض نفض عجييييب والامبير يلعب بشكل مو طبيعي

والنفضه تزيد مع دعسة البنزين

بصراحه انهبلت مدري وش اسوي

المشكله الورش مسكره ومحدن فاضي يشيك عليها

فياليت يا حبايب تشوفون لي حل لاني بسافر عليها بعد 3 ايام وصعبه اروح وهي كذا

اللي له تجربه او صارت له لا يبخل علي ..

لكم شكري مقدما

وكل عام وانتم بخير