*
*
*
السلام عليكم
كـل عــآم ونتم بـ خير
اخواني معي اكورد 2007 مشاية 76500 وصراحة يوم من الايــآم غسلتها عند محطة الادريس وشغلهم كان حلو السيارة ما شاء الله فله .. شمعه .. منورة
ماهي ذي المشكلــة المشكلــهـ جــآ واحد مقرود مطفي النور وينحتها ذيكـ العين الي ماقد شفت مثلها انا مشيت الموضوع احسبه كلامـ بس ولكن المفاجئة اني بعد ماخلصت كنت ماشي 100 قدامي اشارة وبهدي الا لايوجد شي اسمه فرامل للاسف الفرامل ماعاد تمسك ونا باللحظة تذكرت المقروود وادبل وادبل وللاسف مافيه اي حل الا الجلـنط ( الهاند بريك ) والا السيارة هجت اول مرة ولكن تعرفون اخوكم طاره >> واضح ههه
ورسيت السيارة والمفاجئة الاشارة الي قدامي قفلت و اسَير على واحد موقف راعي اوبترا وطبعا كــآن فيه شي اسمه صدام في موتري >> خلصت الفلــمـ هههه
والمفاجئة قبل شوي ماشاء الله خليتها تحتمي وكل شي طبعي بعدين تحولت من هنادي 2007 الى دنة 96 في الصوووت والرجة والتفتفة والله قبل ما اشوف ذاك المقرود كانت السيارة ماشاء الله قمة النظافة والهدوء يعني كانت بالعربي وكالة ولكن قدر الله وانعبطت عين والحين تركبها كأنك راكب دنة فلذلك وبعد الاطالة ابي اي واحد يتبرع ويدلني على اي مكان او ورشة يفحصون السيارة من الى حتى ياشيخ يشيكون على هوا الكفرات ونسيت بالنسبة للكفرات انفقع معي كفرين مالي مركب الـ 4 جدد قبل شهر .. نرجع للموضوع يعني ابي اروح افحص الموتر من الى كومبليت المكينة وكراسي المكينة والهوبات وكراسي القير والكويلات والبواجي والرديتر والكهرب وكل شي تكفون يالربع افزعوا لي بمكان متخصص في الي ذكرته علما اني ساكن بالرياض وبالتحديد شرق الريــآض ... واسف على الاطالة والفلم الهندي بس من الغبنة والله معقولة فيه ناس تحسد العالم على حلالهم لاحول ولا قوة الا بالله
:(:(
مواقع النشر (المفضلة)