ضــمآن ابو هاشم ( الرياض ) استفسار ..

**آكـوردآويـ 2007 ـ ~** · 31-08-2011, 10:57 AM

السلام عليكم وكل عام ونتم بخير

يالغاليين انا معي اكورد 2007 ماشية 76000 وشوي شاريها من زميل بالعمل وهي ماشية 10000 مطلعها باسمه من الامارات ومواصفاتها نفس الي يبيعها بوهاشم 100 % والي معروف عندنا ضمان الهوندا عند عبدالله هاشم من 120.000 وتحت مدري هل يشملها ضمان الوكالة ولا لا اذا اوديها عندهم اتمنى ان شاء الله انكم تفيدوني ..

تقبلوا تحياتي اخوكمـ : آكـوردآويـ 2007 ـ ~

:d:d

**King** · 31-08-2011, 02:06 PM

سواء كان يشملك او مايشمل الضمان انتهى, والمعروف عندنا الضمان 60,000 كيلومتر او 3 سنوات فقط!.

ضمان كراسي المحرك إلى 120,000 ألف كيلومتر
ضمان مشاكل الكهرباء إلى 120,000 ألف كيلومتر

إذا السيارة مافيها مشاكل اترك عنك الوكالة ماوراهم إلإ النصب والجشع..

اي قطع تحتاج تغييرها خذها من محلات قطع الغيار (او من الوكالة إذا تبي تريح ضميرك) وغيرها بأقرب ورشة كلها 15-20 ريال وصلى الله وسلم على نبينا محمد..

**بلال العلمي** · 31-08-2011, 05:44 PM

المشاركة الأصلية كتبت بواسطة آكـوردآويـ 2007 ـ ~

السلام عليكم وكل عام ونتم بخير

يالغاليين انا معي اكورد 2007 ماشية 76000 وشوي شاريها من زميل بالعمل وهي ماشية 10000 مطلعها باسمه من الامارات ومواصفاتها نفس الي يبيعها بوهاشم 100 % والي معروف عندنا ضمان الهوندا عند عبدالله هاشم من 120.000 وتحت مدري هل يشملها ضمان الوكالة ولا لا اذا اوديها عندهم اتمنى ان شاء الله انكم تفيدوني ..

تقبلوا تحياتي اخوكمـ : آكـوردآويـ 2007 ـ ~

:d:d

يشملها ولا تقول انها من الامارات :d

**nasser1430** · 31-08-2011, 08:39 PM

معليش أخو ( بلال ) مسألة إنه لا يقول إنها من الامارات ... فهالشيء يكشفونه عن طريق السستم يعني رقم شاصيه السيارة راح يبين معهم على طول إذا كان ( سعودية أو خليجية أو أياً كان ) .

وعلى فكرة دفتر ضمان ( عبدالله هاشم ) مكتوب فيه إن السيارة اللي مختوم عليها وكالة عبدالله هاشم هي اللي ساري عليها الضمان ... وما عدا ذلك لا ... وهذا الشيء مسجل بالخط العرض في الدفتر .

لكن لا يمنع الواحد يحاول معهم إذا كان الواحد محتاج إنه يوديها للوكالة ... موفقين إن شاء الله .

**مصعب بلال** · 31-08-2011, 09:26 PM

المشاركة الأصلية كتبت بواسطة nasser1430

معليش أخو ( بلال ) مسألة إنه لا يقول إنها من الامارات ... فهالشيء يكشفونه عن طريق السستم يعني رقم شاصيه السيارة راح يبين معهم على طول إذا كان ( سعودية أو خليجية أو أياً كان ) .

كلامك سليم

انا سيارتي اماراتية وديتها الوكالة وهي ماشيه 80 الف لتغيير زيت الجربوكس
السوداني طلب لاستمارة واعطيته الاستمارة
جلس يبحث في الكمبيوتر ويبحث ويبحث بعدين قال يازول عليك الله ماظهرت لي السيارة :d

قلتله هذا خليجيه مش من عندكم
قال هاه
وجلس يتشاور مع الموظف الثاني على اساس يقبلونها عندهم او لا

وسأل موظف آخر خبره كان ماسك الحسابات
قال هذي تفتحلها ملف جديد عندنا وتدخل الصيانة عادي

فتحنا الملف واخذ المعلومات كاملة وغيرت الزيت والحمد لله الامور ماشيه

**King** · 31-08-2011, 11:28 PM

^^
كلامك صحيح وهذا يشمل جميع السيارات سواء جايه من امريكا او غيرها, لكن الكلام هو على الضمان او لا..

ضمان كراسي المحرك والظفيرة وغيرها من مشاكل السيارة (عيوب مصنعية) في هذه الحالة ماراح يقبلون إلا السعودية فقط وهذا معروف..

لكن إذا تبي تسوي صيانة تقدر ويرحبون فيك لأنهم راح يسرقونك مبالغ طائلة!!. (كل واحد عقله في راسه يعرف خلاصه)

**آكـوردآويـ 2007 ـ ~** · 01-09-2011, 12:24 AM

مشكورين يالغاليين على الافادة .. طيب آخوي كنق انا اعتقد ان كراسي المكينة انتهت لان السيارة بها نفضة وهي واقفه او على d لو r وتزيد مع المكيف تتوقع انها من الكراسي .. ؟

**King** · 01-09-2011, 02:25 PM

كراسي المحرك تعتبر شبه إستهلاكية, الهزه او النفضه ماتثبت ان الكراسي متضرره ممكن يكون سبب ثاني يخليها تسوي كذا.

1.بواجي
2.تنظيف الثروتل بدي
3.فلتر الهواء
4.بطارية

لذلك الافضل تشيك عليها عند احد الورشات المعروفة او إلي تثق فيها وتشيك على الاشياء هذه..

**آكـوردآويـ 2007 ـ ~** · 01-09-2011, 09:55 PM

مشكـور اخوي كنق وتعبناك معنا ..
بالنسبة للبواجي مغيرها قبل شهري او شهرين اصلية والطارية قبل شهر اسيديلكو ..
باقي اشوف فلتر الهوا اذا مو منه يمكن الثروتل ..