الموضوع: كذااااااب من قال الأكورد مافيها عزم

المشاركة الأصلية كتبت بواسطة بلال العلمي

موديل 2012 للاسف قوتها 178 حصان واللي المفروض انها توازي قوة السوناتا الامريكية اللي نازلة عندهم بقوة 200 حصان وحتى السوناتا عندنا نازلة بقوة 177 حصان مع انه مافيه جهة رسمية هنا في السعودية تحدد الاحصنة مثل جمعية السيارات الامريكية

توقعت تويوتا تعطينا 240 حصان كاقل تقدير في الكامري اربعة سلندر لكن الباقي على نيسان وهوندا

2012 فيه منها 200 حصان ولكن الهايبرد

انا اشوف القوة الحصانية مناسبة صراحه لسيارة 4 سلندر

بس صعبة و انا اخوك انها توصل الى 240 حصان على 4 سلندر

المشاركة الأصلية كتبت بواسطة silver aurion

صحيح 157 حصان ( موديل 2011 و تحت )

2012 اصبحت 170 مدري 175 والله ما اذكر بس حولها و المكينة 2.5 :d

المشاركة الأصلية كتبت بواسطة بلال العلمي

موديل 2012 للاسف قوتها 178 حصان واللي المفروض انها توازي قوة السوناتا الامريكية اللي نازلة عندهم بقوة 200 حصان وحتى السوناتا عندنا نازلة بقوة 177 حصان مع انه مافيه جهة رسمية هنا في السعودية تحدد الاحصنة مثل جمعية السيارات الامريكية

توقعت تويوتا تعطينا 240 حصان كاقل تقدير في الكامري اربعة سلندر لكن الباقي على نيسان وهوندا

اذا على كلامكم يا اخواني فمعناها هنا مصيبه لا مو مصيبه الا كارثه وش كارثه الا نوويه
اذا الاكورد فاشله بمعنى الكلمه والكامري افضل بمراحل منه اذا كلامكم صحيح ان الكامري 157
والسبب هنا يعود الى ان الكامري بقوه 157 توازي سرعه وتسارع الاكورد اللي مكينتها 178 حصان

يعني لو جبنا كامري 178 حصان وحطيناها مع الاكورد وش بتسوي في الاكورد !!!!!

طاحت من عيني وبقوه الاكورد

وكبرت في عيني وبقووووه الكامري ( 157 حصان وتهبل في 178 حصان مصيبه ياناس )

المشاركة الأصلية كتبت بواسطة بلال العلمي

وجهة نظر؟؟؟

المقاطع اللي حطيتها لك فيها بوضوح ان الكامري ابطأ من الاكورد وشوف التسارع من 0 الى 100

وثاني شي تاكد ان اللي يقاومون ويقولون بطيئة سيارتنا تلقاها واصلة 190 الف من اول سنة لها وما قد غير لها بواجي ولا فلتر بنزين ولا فلتر هواء ولا زيت قير وبكل بساطة يتقاومون فيها ويقولون بطيئة

مع احترامي الشديد لك استاذي بلال العلمي انت استاذ وعندك خبره في كثير من المجلات في السياره بس هنا عز الله انك جبت الطامه

يالغالي انا موتري توه يمشي 80 الف وموديله 2009 يعني مر عليه 3 سنوات فاكه وكاله على يدي ماساقه احد غيري سواقتي له مناسبه لا هي اللي تخصي الموتر ولا هي اللي تنشط الموتر وصياناتي لها باستمرار ولو تلاحظ مواضيع فيها استفسارات عن الصيانه واتبع الجدول الموجود في الوكاله في الاشياء اللي تتغير ومع هذا يا بلال الكوامري تلعب فيني بالخط وبالقومه التماتيك والقير وعلشان ماتقول انك ماتمشي والله اني امشي الاكورد على الفصله 217 ويبقى الكامري قدامي

قبل شوي بالصدفه والله وقفت عند الاشاره وجنبي اكوردين من شكل 2006 او 2007 يعلم الله ويشهد علي اننا نشد واطلع عليهم فكيف الناس تقول الاكورد قوي واذا قلنا لهم 2008 قالو 2007 هو القوي !!!!
يا اخ بلال يطلع علي الكامري وانت تقول الكامري تسرعها بطي صدقني يا بلال ولا تزعل مني انت مخدوع في قوة الاكورد نعم صحيح انت عندك الخبره اللي اكثر من اغلب الاعضاء بس صدقني انك مخدوع في قوة الاكورد

المشاركة الأصلية كتبت بواسطة بلال العلمي

كيف تغييرك لزيت القير؟؟؟؟


هل تغيرها كل 40 الف او انك ما غيرتها الى الان؟


والمقاطع اللي انا سردتها لك للاكوردات هي ستوك يعني ما عليها اي تعديل وشوف الثواني اللي تجيبها

خلال كم ثانية تجيب سيارتك من 0 الى 100؟

اول تغييره لها على 60 الف وهذا كلام الوكاله وكلامكم حتى انتم يوم اسالكم وبعدها تتغير كل 40 الف ؟؟ صح كذا ولا لا

بالنسبه للستوك انا ماقلت شي انا موتري ستوك ونفس تسارعهم وموتري والمواتر اللي بالمقاطع تجيب ال 100 بـ 9 او 10 ثواني لاكن تراك حاط مقاطع لكوامري مخصيه لو تجيب كوامري حالتهم مثل حالت الاكوردات اللي حاط مقاطعهم بتشوف فرق راح ابحث اذا حصلت حطيت واذا ماحصلت هي وجهة نظر واعتقد يا بلال انك مقتنع فيها بس من حبك للاكورد مانت قادر تعترف :(

تشرفت بالنقاش معك اخ بلال