هل فلتر الهواء التجاري سبب في ارتفاع صوت المكينه

[fahad mobark]

غيرت فلتر الهواء قبل فتره من عند بنشري . يقول البنشري انه اصلي ولكن بعد ماركبته احس ان صوت السياره في حاله التسارع صار اعلى
هل المشكله في الفلتر ؟

[H S N]

اول شي تاكد من الغطاء مقفل مزبوط كذا واحد في المنتدى يرتفع الصوت عندهم وفي الاخير يطلع من التركيب

[هيموالمسعودي]

نصيحة لوجه الله


غيره


والله التجاري ممكن اركبه في اي شئ


الا الشغلات اللي لها صلة بالمكينة




انتبه ترا فيه فرق كبير

[بلال العلمي]

هو ركبه غلط علشان كذا يطلع صوت ل

لكن الفلتر التجاري يخلي ذرات الغبار والوسخ تدخل للثروتل بدي ولداخل المكينة فانصحك تاخذ اصلي من الوكالة اللي فيه طبقة صمغية وتبدله كل 20 الف كيلو

[القايله]

لو ركبه صح راح يطلع صوت مليون بالميه لازم الاصلي بنسبه للفلتر

[nasser1430]

الاشياء المهمة زي الفلاتر ... ( فلتر مكينه ، فلتر قير ، فلتر هواء ، فلتر بنزين ، فلتر مكيف ... وفيه فلاتر ثانية ) هالقطع بالذات مهمة جداً جداً جداً .... وبنالسبة للحقين المشاحم وتغيير الزيت ... يقول إنه أصلي وما يندرى وش ذمته .

لكن نصيحة لوجه الله ... والنصيحة عامة لكل ... القطع الأصلية صحيح إنها سعرها دبل الدبل بالنسبة للتجاري بس تريح رأسك وعمرك و صرفك للفلوس يعني تشتري تجاري وترجع تشتري أصلي ... يعني الواحد يبغى يوفر شوي وتجي بالعكس .

رح على طول على الوكالة أو موزع معتمد موثوق ... وطق لك أصلي وريح موترك ورأسك ... وسلامتكم .

[MTS]

وانا مع القايله ركب الاصلي احسن لك

[Accord-abady]

ركب الاصلي وتلاحظ انه مع 40 إلى 60 صوت اسيارة يرتفع ركبت التجاري واحتجلي انظف الثروتل وعلى الطريق عزمها قل ركبت الاصلي ونظفت الثروتل 100%100

[فتىسدير]

انا كان يطلع عندي الصوت لاجيت ادعس بقوه ورووووووووووووووووم كذا الصوت كاني مركب دبه سباقات

في الاخير طلع من فلتر الهوا ماركب زين ..

ركبه بالطريقه الصحيحه وشف

[هاي الشرقية]

اكيد اهو السبب

[جاكي2]

صارت معاي
ونزلت موضوع فيها
والسبب ان الفلتر مو راكب مزبوط من الجهه اليمنى
تحديدا في السنتين البلاستيكيه
تدخلها اول بمكانها الصحيح
وبعدها تطبق الفلتر وتقفل الثلاث كلبسات الحديد
وان شاء الله راح تنتهي المشكله
بس انصحك تغير الفلتر باخر اصلي من الوكاله
وسعره الان 126 ريال بعد الزياده الجديده

ولتاكد من المشكله
شغل السياره وخليها بوضع الانتظار اما على p أو على r
وادعس بنزين الي ان يصل الضغط الي 5 أو 5.5 يعني للاخر
راح تسمع صوت من الفلتر زي الانفجار الصغير يصدر من جهه الفلتر
هذا صوت التنسيم اللي في الغطا