الموضوع: استفسارات سريعه

التلميع ابدا ما يضر السيارة لكن لاتكثر منه يعني مرة في السنة تكفي

لكن لاجل تحافظ على اللمعة لاطول فترة ممكنة تسوي شي اسمه طبقة حماية فوق البوية تسويها بعد التلميع على طول

افضل طبقة حماية على السيارة هي من شركة ماجوايرز

اسم المنتج كولور اكس color x رائع جدا ويسوي طبقة حماية فوق البوية

قبل فترة ما غسلت سيارتي مدة شهرين وصايرة السيارة شبهة وتوقعت اني لما اغسلها راح القى البوية متأذية لان كان فيه اوساخ كثير على البوية مثل براز عصافي اوراق شجر وسوائل ناشفة ما ادري ايش هي توقعت تنغسل السيارة من الاوساخ وتروح الاوساخ وتلحقها البوية معها لكن الحمدلله غسلتها ولا كان اي شي انكب عليها كله لان الله هو الحافظ ثم المنتج اللي اسمه color x اسويه مرة كل 4 شهور ورائع تماما

علبتهم القديمة كانت كذا




علبتهم الجديدة هي كذا

المشاركة الأصلية كتبت بواسطة فـــيـــصـــل..607..

^

حلو جدااا والله

يعني الحين انا احب المع السياره عند البيت بولش وقطن ...تقدر تقول قاعدة مش حالك

لكن ما احط عليها طبقة حماية

تنصحني فيه وكيف استخدمه بعد البولش على طول ؟

لمع في التلميع الساطع بالمكينة حقتهم

يحطون مادة تلمع البوية هي تسوي تنظيف وتسوية للبوية تصير كان الحديد مصنوع باللون هذا

بس قول له لاتحط مادة حماية

بعده روح البيت وحط من المنتج هذا على كامل السيارة بس ابتعد عن الربلات حقت الباب يعني حط على البودي الحديد والمراية والصدام مدة نصف ساعة الى ساعة بالكثير وبعده امسحها بقماش قطن ولا تغسل السيارة 3 ايام وخلاص حط هذا المنتج مرة كل 4 شهور او كل 6 شهور انا الحين لي 9 شهور تقريبا ما غسلت وباقي تحس فيه شوي حماية على البوية

عموما بعد ما تغسلها بعد 3 ايام من تحط المنتج راح تلقى ان الموية ما تجلس على البودي نهائيا تنزل على شكل قطرات واذا جت غبرة فقط ادعس على 100 يروح الغبرة من سيارتك لان شحناته الكهربائية ما تجذب ذرات الغبار فعلى طول تروح الغبرة من السيارة بعد ما تمشي بسرعة