تورس
يسعد لي مسسآكم
اخــوكم .. في بدايه طريقهـ .. ابششركم تخرجت وتوظفت وراح اباشر عمااا قريب ..
لكن مكان الدوام بعيد عن البيت ،، من غرب الرياض لأقصى شرق شرق الرياض تحديداً حول تفتيش خط الشرقيه ..
واخووكم .. خــآس بسياااره ورته الويل 6 سنوات .. وكل يوم بورشه ،، وياريتها معروفه عشان تعرف تصلحها .. الا فيها شويه تعقيد ودايم الإختلاف بخراابااتها اللي قروشت حيااتي ،، < قلت لهم قصه حيااتك ..
مالكم بالطويله ،،
المهم ،، انــآ اعششق الهوندا من يومها .. سياره صبوره ،، سياره قطعها الداخليه ذات جوده عاليه ،، شبابيه ،، لطييييفه جدن ،، والأهم ،، اي عطل فيها تصلحه لمره وحده وتنسااااهـ <
امااا التوورس ،، شكلها يجذبني ،، لكن حجمها شوي لكم عليه ،، وسمعت ان مشاكلها كثيرهـ ،، + مراتبها الداخليه صغيره جدن مقارنه بحجمها ،، <
فاا ابي شوركم ،، مع العلم اني عندي خبر ان الهوندا راح تتغير في 2013 وهذا اللي مخليني متردد ..
للعلم ( رجلي حاااره جدن )
تورس
كلهم حلوات ماشاء الله
المشكله الاكورد راح تتغير كليا السنه القادمه ان شاء الله
التوروس راح يصير لها فيس لفت خفيف
التوروس يعيبها قطع الغيار اغلى من الاكورد بكثييير .. اضعاف مضاعفه
ارشح التوروس.. دام رجلك حاره ..
التورس 6 سلندر بتخدم رجلك :d
ومواصفاتها حلوه وشكلها جذبك
اما الاكورد ما اقول الا انها ممكن تطيح من عينك بعد الشكل الجديد والا تقول ليتني انتظرت كم شهر لين تنزل
ارشح التورس
توريس
اخوي معاه تورس والله ماشاء الله حلوه جدا ومريحه بالخط والعزل ابداااع يكفي القزاز طبقتين
مو عشان معي اكورد راح اقولك خذها .. انصحك بالتورس سياره فخمه مهي شبهه
لكن عشان تقتنع اكثر انصحك تجربها استاجرها او سوي تست درايف بالوكالة اذا كان فيه
ولكن عشان مانهضم حق الاكورد برضوا الاكورد حلوه وسياره شبابيه
لكن عيبوها كثيره خصوصا الديكور وعزمها السيء
لكن خدوووووووووووومه وماتطلب ماشاء الله والحمدلله ماني ندمان عليها
اخوي انا بمدحلك الاكورد راح تكد معك بأذن الله خمس سنوات والشي الثاني القطعه ركب وانسا
وبزحمة الرياض ماتعاني وتكييفها جدا ممتاز
التورس ما ادري عنه انا اتكلم من تجربه فقط
انا ارشح الاكورد بس عاد يبغالك تخف رجلك
وتحافظ ع الموتر اذا بتطبق توكل ع الله واذا لا شوف لك سياره قطعها رخيصة علشان اذا عدمتها تقدر تصلحها بسهوله
لاتاخذاكورد
لانها ببساطه بتتغير وبتندم ندم قد شعر راسك
الأمريكي بشكل عام خدوم خصوصا ً على طرق السفر وبما انها راح تكون محرك v6 فهذا الشيء يساعد المحرك على الراحة بعكس محرك l4..
انا اذكر لك السبب محرك l4 لما تمشي إلى 120كم/ساعة كم الضغط راح يكون؟
جواب: مابين 3 إلى 3,5 (تجربة شخصية)
لكن لما تجي للمحرك v6 راح يكون الضغط اقل بكثير مما كان عليه محرك l4..
أرشح لك فور تورس..
l4 = محرك 4 سلندر
v6 = محرك 6 سلندر
:(
توكل على الله وخذ فورد توريس وعن تجربه شخصيه لمده ثلاثه اشهر والسياره عمليه جدا وعيبها الوحيد غلاء قطع الغيار .
سبحان الله وبحمده سبحان الله العظيم
أرشح فورد تورس بقوه أو اصبر لما ينزل أكورد 2013 لكنها مطوله شوي
يعني بعد سنه تقريبا
شوووووكرن على كل من علللق ،،
بإمكااني اصبر سنه ع الأكورد ،، لكن فعلاً عزمهـآ يضيق الصدر ..<
التورس .. اهـ يالتوووورس ،، ماذبحني منها الا مرااتبها الصغيرهـ ..
لا تنسون اني بقعد بالسياره يومياً لا يقل عن ساعه ونص < مشاوير الدوام بس
+ ان طوولي علللللله ،،
سافرت عليها سيااره جدددن راسيه وسماعاتها اليييمه لكن تتعب الفخوذ ..
مرتبه الهوندا قاسيه شوي .. لكن منااسبه .. مع الوقت الواحد يتعود عليها
والله ياخوي ارشح التوورس
انا شفت مراتبها جدا عاديه :|
جتني فترة قاعد اجرب سيارات كثير في الوكالات رحت جربت الاكورد 2012 ستة سلندر تجربة قيادة وعلى خط طويل والسيارة راسية جدا على 218 راسية بشكل خيالي ولو تمشي جنب شاحنة ما تهز او تنحرف عليك السيارة
بينما جربت التوروس فيها مواصفات خيال لكني طويل مثلك ولو جلست في التورس ما تكفيني نهائيا يعني لو اجلس ورى راحت علي زاوية الكراسي الخلفية بزاوية 90 درجة يعني مافيه راحة وفوق هذا راسي لازق في السقف ومافيه مساحة للاقدام في التوروس للي في الخلف واللي في الامام اي دب صعب انه يجلس فيها بسبب تضييق الديكور عليك
الاكورد اوسع الى الان من الداخل كعرض ومساحة للاقدام لكن الكراسي قاسية شوي
التوروس تخاف وانت ماشي على170 وتخاف وانت تسوق على خط طويل انك تغير المسار من الوسط لليسار مثلا وانت على سرعة اعلى من 150 وكل التورسات اللي جربتهم في الوكالة وكلهم فل كامل رباعي
عكس الاكورد تقدر تغير مساراتك وانت مبسوط
العزل في الاكورد مو مثل التوروس وهذا شي طبيعي في فئة الاكورد لكن الثبات والقوة هي في الاكورد اكثر من التوروس
الوسع في الاكورد اكبر من التوروس وافضل قطع البودي في التوروس اغلى من الاكورد بكثير وراح تهبل فيك ابسط صدمة عكس الاكورد
عموما انت قاعد تقارن فئة عالية بفئة اقل وهذا ما يجوز :d
غش عيد من جديد
بس الاكورد الجاية موديل 2013 بتكون مختلفة تماما ولاحظ المنافسة شرسة في الفئات هذه لاحظ السوناتا هي من فئة الاكورد بس شوف المواصفات والضخامة صارت مقاربة للتوروس بل افضل في الانسيابية ومواصفات جيدة لفئاتها وشوف اللي من فئة التوروس اللي هي الازيرا كيف مواصفاتها ووسعها الداخلي وجنونها
الهوندا ماهي نايمة
عموما اذا هي هي الـ CRV اللي بتنزل عندنا اعطيك اياها ملثمة حاليا
وهذه الداخلية لها
فكيف تتوقع الاكورد ؟؟؟؟؟؟
قريبا اكيورا فخر صناعة هوندا الامريكية على هوندا العربية
اكيورا RLX 2013
من بين السيارات اللي جربتها السوناتا 2011 طبعا تاجير لانه ما فيه في الوكالة ولا حبة كلها راحت بالكراتين :d
السيارة غير راسية تماما في السرعات ابتداءا من 140 وفوق وخطرة جدا
السيارة جميلة وواسعة لكن يعيبها العزل ويعيبها المحرك سيء في التسارع لان الاحصنة لك عليها شوي
وجربت الازيرا والسيارة ماهي جيدة في الاداء نفس السوناتا وجربت الكادينزا ونفس الشي
طبعا جربت البي ام دبليو الفئة الخامسة 2011:d
جتني حالة نفسية وصرت اتخيل منظر الجلد حولي والديكور حتى صرت الدنيا كلها
يعني تركبها جلد هنا وجلد هناك وجلد تحت وتحس الجلد من النوعية والخامة الاكوس من الكويسة تحسها كذا مصنوعة من جلد انسان
لاحظت رساوة الاكورد مقاربة لرساوة البي ام دبليو بصراحة لكن اللي يختلف في البي ام هو نسبة العزل المجنونة
جربت الاودي A6 طبعا صارت تنزل ستة سلندر خلاص والسيارة من ركبتها الين نزلت وانا المحرك يقول عطني ولا يهمك فما انتبهت لاي شي لا للعزل ولا للصوت ولا للتنسيم بس انتبهت للعداد كيف ينط على 150 ويرجع يصير 0 وينط مرة ثانية 160 ويرجع يصير 0 كذا بلمح البصر يعني
طبعا نظام الاودي يختلف فوق نظام المساعدات المختلف والمشابه للاكورد لكن اكثر تطور ودفع رباعي تصير الحكاية كلها قوة تدعيس
استغليت فترة رمضان في النهار واجازات ونصف الشعب نايم وجلست اجرب على راحتي تحس ان اهل الرياض يهاجرون على الظهر
قريبا اكيورا فخر صناعة هوندا الامريكية على هوندا العربية
اكيورا RLX 2013
فيديو يقارن بين الاكورد 2009ستة سلندر فل نفقيشن و تورس فل اوبشن 2010
النتيجة = شوفو الفيديو
[ame=http://www.youtube.com/watch?v=wGD3HemtulA]Can Taurus Whip Accord? '10 Ford Taurus v '09 Honda Accord - YouTube[/ame]
ليش سيارات الفورد ضيقة ما ادري ليش ؟ ؟ ؟ ؟؟ ؟ ؟ ؟ ؟ ؟ ؟ الى بكرة وانا ؟؟ ؟ ؟ ؟؟ ؟ ؟ ؟ ؟ ؟
انا ارشح الاكورد لانك راح تآخذ فئة الوسط من السيارة وليست الفل اوبشن فمافيها المواصفات الي تخليك تترك رساوة الاكورد ووسعها وخدمتها
انصحك في الاكورد موتر روووعه
التورس كبيره على غير سنع والله مادخلت مزاجي
.....اكـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــورد ......
تورس 2011 فئاتها و اسعارها
الفئه الأدنى SE و سعرها تقريباً 91 الف ريال و هي متوفره بدفع أمامي فقط . النصف فل SEL دفع أمامي بـ 96 الف و دفع AWD بـ 104 الآف . الفل كامل LIMTED دفع أمامي بـ 142 الف و دفع AWD بـ 146 الف و فئه الـ SHO تجي فقط نظام دفع AWD و على كلام موظف المبيعات كان سعرها 159 الف
للعلم بالشي :
نظام الدفع AWD مو دفع رباعي نفس اللي يجي بالجيوب و غيرها اللي هو 4WD
الـــ AWD و 4WD والفرق بينهم ان الــ AWD يكون دفع رباعي مستمر ويكون الدوران 50% للعجلات الخلفية 50% للعجلات الامامية ( تختلف النسبه من سيارة لإخرى ).
اما الــ 4WD يكون بثلاث خيارات مع جير لتشغيله مع 3 خيارات لتحديد القوة المطلوبة
ولا يوجد فرق كبير بينهم الا ان الــ 4WD يستعمل اكثر في الرمل لان انت اللي تقرر القوة المطلوبة مثلا تريد HIGE او AUTO او LOW وطبعا لكل موضع استخدامه الخاص
المواصفات الأساسيه
المحرك 3.5 لتر بـ 263 حصان * محرك 6 سلندر 3.5 لتر بتقنية الايكوبوست ويولد 355 حصان وعزم 350 رطل ( خاص بموديل SHO الرياضي ) . ناقل حركه اوتو بـ 6 سرعات مع وحدتين نقل حركه مثبته بالدركسون نظام فرامل مانعه للإنغلاق ABS نظام مفتاحي MyKey والذي يسمح للصاحب السياره ببرمجة سرعة السياره وصوت المسجل عند اعطاء السياره للاخرين نظام SAFETY CANOPY للسلامه مع 5 ستائر هوائيه جانبية نظام AdvanceTrac للتحكم الإلكتروني بالثبات وسائد هوائيه جانبيه للمقاعد الأماميه بلوتوث + مثبت سرعه نظام مراقبة السيارة ( زيت , ماء , ضغط إطارات , مؤقت الرحلات ) التحكم بالمرايا الجانبيه كهربائياً * نظام النقطه العمياء الالكتروني على المرايات الجانبيه . نظام مثبت السرعه بتقنية الرادار ويقوم النظام اتوماتيكيا في حال استعماله بمراقبة سرعة السياره الاماميه وتقليل السرعه او زيادتها اتوماتيكا حسب سرعة السياره الاماميه Adaptive Cruise Control نظام السينيك الصوتي ( تقدر تركب عليه جوال نوكيا , بلاك بيري , سامسونج , و غيرها ) جنوط 19 مع إطارات قود يير ( الـستاندر جنط 18 ) نظام Easy Fuel ويتميز بأن تانكي البنزين بدون غطاء ويقوم النظام باغلاق نفسه داخليا تخشيبه + اربع حساسات خلفيه صيانه مجانيه لما صيانة الـ 64 الف طبعا كل 8 الاف صيانه و كلها مجانيه ما تدفع ريال إمكانية الدخول عن طريق 5 ارقام سريه على البابو تتميز الـ ليمتيد بـ:
نظام صوتي بـ 6 سماعات و 6 سيديات + نظام صوتي من شركة سوني بـ Sub Waver شاشه ملاحه تدفئه المقاعد + مقاعد جلد دخول ذكي للسيارة فتحه سقف دعاسات الفرامل والبنزين تتحرك الكترونيا إضائه داخليه يتم تغيير اللون حسب مزاج السائق ( احمر و اخضر و برتقالي و ازرق ناعم و بنفسجي و ازرق ثلجي و ازرق )عيوب السيارة من وجهه نظري :
# الفرق كبير بالسعر بين الـ SEL و LIMTED يصل إلى 42 الف ريال >> فيها كامري أو اكورد 2007 نظيفه
# الـ SEL ماتتوفر فيها فتحه سقف .
# الـ SEL ما تشيل إلا سي دي واحد
# الـ SEL و LIMTED ما يجي النور زينون
وهذي بعض المعلومات
التعديل الأخير تم بواسطة ملك قوقل ; 10-09-2011 الساعة 11:11 PM
سبحان الله وبحمده سبحان الله العظيم
هلا فيك اخوي
انا عندي اكورد 2010 واخويه عندو تورس 2010 ليميتيد فل اوبشن
والله الاكورد ماتجي جمب التورس شي فخامه وثبات وعزل وشكلها جذاب وتكفيك المواصفات الشاشة والحساسات من كل جهة والله شي جميييييل
واضن انهم غيرو الاسطبات الخلفية للتورس خلوها شرايح
وارشحلك التورس والله يكتبلك اللي فيه الخير
بالنسبة للمساحة الداخلية شوف المقطع هذا في التوروس
[ame="http://www.youtube.com/watch?v=t-VeYcEjgkY"]Ford Taurus Road Test - YouTube[/ame]
وايضا هذا
[ame="http://www.youtube.com/watch?v=YIw40EMdn0M"]2010 Ford Taurus SHO2 - YouTube[/ame]
لا يوجد مساحة للخلف ولا للامام
كله مملوء بالديكور فقط فقط
الاكورد 4 سلندر على سرعة 200 يكون الضغط على 4 RPM بعد اقفال الكلتش
الاكورد 6 سلندر على سرعة 200 يكون الضغط على 4 RPM بعد اقفال الكلتش
الاكورد جميعها 5 غيارات فقط
التوروس 6 غيارات لاجل كذا الضغط فيها منخفض
قريبا اكيورا فخر صناعة هوندا الامريكية على هوندا العربية
اكيورا RLX 2013
وفي النهاية هي ذوقك وهي على حسابات السوق الان اصبحت مختلفة
تذكر في عام 2003 لما نزلت الاكورد ذاك الوقت كانت قمة المواصفات اللي هو تكييف منفصل لليمين ولليسار وقير مع انظمة GLC و engine brake assist والطبلون ليزر مع انظمة فرامل متطورة وكان محركها جبار في ذاك الوقت وولا واحد من الشركات المنافسة كانت تنافسها في المواصفات وتزيد عليها تقنية دركسون VGR
و6 سيديات
في عام 2006 قدموا اللمبات الشرايح الخلفية وفي ذاك الوقت ما كان فيه سيارة تستعمله وايضا ومانع الانزلاق اللي في اغلب السيارات اليابانية ما كان موجود كان موجود على الالماني والاوروبي واللكزس وتقنية DRIVE BY WIRE اللي يغنيك عن الثروتل بدي القديم التقنية
في عام 2008 ما قدموا من المواصفات الكثير فقط زيد عليها الضخامة المرعبة مع الـ mp3 وايضا اضافوا مثبت السرعة على اقل فئة موجودة وايضا زادو قوة المحرك في ذاك الوقت كان الشي المرعب لهوندا وتويوتا في حرب المواصفات كانت نيسان التيما وفي الواقع هي اول من بدأت الحرب اصلا بلوتوث ودخول ذكي وما ادري ايش
فانت توقع الكثير في عام 2013 من هوندا اكورد
ولو تشوف الهوندا اكورد الاوروبية والمواصفات اللي فيها راح تشيب
لعلمك اذا التوروس فيها رادار يراقب السيارة اللي قدامك فاعرف ان الاكورد الاوروبية فيها نظام يراقب السيارة اللي امامك وايضا يراقب الطريق ويلف الدركسون بدلا منك يعني السائق الاوتوماتيكي يعني تقدر تلعب مع طفلك او تذاكر وانت ماشي لانك راح تكون راكب
قريبا اكيورا فخر صناعة هوندا الامريكية على هوندا العربية
اكيورا RLX 2013
وللمعلومية اخي المشاكل اللي رصدت على التوروس فردية
البعض اشترك في توقف عمل المروحة الامامية والبعض صوت طقة في الجلنط
وفيه عيب وهو ترشيح الزيت من حول راس المكينة ما ادري هل حلوه الى الان او لا
غير هذه المشاكل مافيه والاغلب ما واجه مشكلة فنية مثل المذكورة فوق بس هي فردية واشترك عدد منهم في كل منها على حدى
قريبا اكيورا فخر صناعة هوندا الامريكية على هوندا العربية
اكيورا RLX 2013
اخوي بلال لاحظ في المقطع الثاني تلاقي الكرسي راجع الى اخر شي والحد المتوسط لاي مقعد هو الكتف الفاصل بين البابين ولاحظ مسار الكرسي في الامام ستجد ان اكثر من 20 سم ظاهر
سبحان الله وبحمده سبحان الله العظيم
مواقع النشر (المفضلة)