الاكوردv6 اثقل من الاربعة سرندل مالسبب*

**دواس الضلماء** · 10-09-2011, 08:21 PM

السلام عليكم اخوني الكرام ورحمة الله وبركاته
كما نعلم ان الاكوردv6 اثقل من ال4 سرندل
ال v6 وزنها 1640 كلج
ال4 سرندل 1500 كلج على حسب علمي
الفرق بين الفئتين 140 كيلو جرام. السؤال هل الفرق هذا كله في المكينه غير معقول
هل الشاص والحديد اثقل ب v6 او ماذا
انا جاي من الوكالة قبل شوي وسالت الموضف عن النقطة هذي لكن ماعطاني علمٍ بين يعني قام يمثمث
ابغا إجابة واضحة تدعني لا اسأل مرة ثانية

**دنيآ الغرور** · 10-09-2011, 08:34 PM

اجمع فرق وزن المكينة + القير + بقية التجهيزات الخاصة بالالتين ..

ومع الشكمان الاضافي

**دواس الضلماء** · 10-09-2011, 08:47 PM

مشكور علا الرد لكن 140 كيلو مهي بسيطه
وش قصدك بالتجهزات الخاصه
وهل الشاص والحديد يفرق

**بلال العلمي** · 10-09-2011, 09:06 PM

هي المحرك والقير فقط

**Aldarweesh** · 10-09-2011, 09:50 PM

المكينة اكيد بتفرق شي
انا بصراحة مو مستغرب من الـ140

**f a w a z** · 10-09-2011, 09:59 PM

المكينه

القير

الشكمان

**دواس الضلماء** · 10-09-2011, 10:40 PM

طيب لو نبي نقسم الوزن علا ماذكرتو مكينه وقير بصير ضغط كبير علا المساعدات والكفر اللي قدام مهي معقوله
وبالنسب للشكمان ما اضنه بيكون ذاك الثقل
ولازم يكون فارق الوزن هذا موزع علا كامل السيارة*

**أكــــــــــورد11** · 10-09-2011, 10:46 PM

انا في نظري الفرق بين الاربع سلندر والسته فرق سلندرين وكل سلندر له وزنه معناه ان وزنه اكثر

**قلبي حبك** · 10-09-2011, 11:18 PM

بالعكس انا توقعت الفرق اكثر من 140 كيلو

زين اللي طلع الفرق بس 140

**بلال العلمي** · 11-09-2011, 12:04 AM

الوزن بين الاكورد بين الخلف والامام متقارب جدا

الاربعة سلندر اقرب انها تكون متساوية لكن الستة سلندر فقط يثقل شوي من الامام

لكن 140 كيلو ماهو ذاك الوزن الكبير

**دواس الضلماء** · 11-09-2011, 01:19 AM

ياناس أنتو ليش متساهلين بال 140 كيلو المكينة لحالها اعتقد ماتاصل 140 كيلو
كيس الاسمنت وزنه 50 كيلو يقطع قلبك اذا شلته والا انا غلطان

**بلال العلمي** · 11-09-2011, 01:21 AM

المشاركة الأصلية كتبت بواسطة دواس الضلماء

ياناس أنتو ليش متساهلين بال 140 كيلو المكينة لحالها اعتقد ماتاصل 140 كيلو
كيس الاسمنت وزنه 50 كيلو يقطع قلبك اذا شلته والا انا غلطان

:d

كم وزنك؟؟؟؟؟؟

**دواس الضلماء** · 11-09-2011, 01:24 AM

كيس وربع

**فـــيـــصـــل..607..** · 11-09-2011, 01:33 AM

هههههههه
يخوي 140 كجم عاديه جداا

انت تدري لو إنك لاعب حديد يعني بقوة انسان تستطيع إنك تلعب الرفعه الميته او اسفل الضهر 140 كجم

يعني 140 زيادة على سياره ماراح تأثر وانا اخوك
طيب مثلا لو ركب معك واحد معطيه ربي صحه ومتين يعني وزنه 110 ببتأثر السياره وبتتكسر؟

انا مسافر من الشرقيه لمكه ومعي واحد وزنه 115 وعادي مافي مشاكل واحلى سوالف

**بلال العلمي** · 11-09-2011, 01:33 AM

المشاركة الأصلية كتبت بواسطة دواس الضلماء

كيس وربع

لو يركبون فيها 5 اشخاص ضعف وزنك ما صار في السيارة اي شي

والمكينة والثقل اللي فيها عادي جدا

يعني لو مثلا الاربع سلندر

الوزن الخلفي 50% والامامي 50%

مع الستة سلندر يصير

الوزن الخلفي 45% والامامي 55%

مو ارقام دقيقة لكن قريبة وهذا الشي موجود في اغلب سيارات العالم حتى اللي تشتغل بالدفع الخلفي منها تلقى بعضها اثقل من الامام

**دواس الضلماء** · 11-09-2011, 01:54 AM

والله يالربع انا ودي اشتري v6 وانا ماني راعي سرعات ويوم شفت وزنها اثقل توقعت ان شاصها اقوا وهذا اللي رغبني بالفئه هذي. وحطمني زياده أني اليوم بالوكاله من يوم شفت علامة v6 بالخلفيه رحت اركض يمها وركبت وبغيت ارقد فيها وحطيت يدي على زر المرتبه وتحركت واستغربت مافصلو بطاريتها غريبه وعلى طول رحت اشغل النور ابي استمتع بالزنون واغلبكم عرارف نورها انصدمت ان نورها عادي مو زنون وسالت الموضف ليش نورها عادي قال كل 2012 نورها عادي صراحه صدمة*

**JREIH** · 11-09-2011, 04:50 AM

وزني كيسين الا ربع :d

**Aldarweesh** · 11-09-2011, 06:26 AM

انا الا معاي 2008 ستة سلندر امريكية ماجا معاها زنون
اتوقع لان 2012 في موصفات الامريكية فمافيه زنون للاسف الشديد

**بلال العلمي** · 11-09-2011, 07:44 AM

المشاركة الأصلية كتبت بواسطة دواس الضلماء

والله يالربع انا ودي اشتري v6 وانا ماني راعي سرعات ويوم شفت وزنها اثقل توقعت ان شاصها اقوا وهذا اللي رغبني بالفئه هذي. وحطمني زياده أني اليوم بالوكاله من يوم شفت علامة v6 بالخلفيه رحت اركض يمها وركبت وبغيت ارقد فيها وحطيت يدي على زر المرتبه وتحركت واستغربت مافصلو بطاريتها غريبه وعلى طول رحت اشغل النور ابي استمتع بالزنون واغلبكم عرارف نورها انصدمت ان نورها عادي مو زنون وسالت الموضف ليش نورها عادي قال كل 2012 نورها عادي صراحه صدمة*

لانها في امريكا اصلا ما تنزل بزينون

واللي جاية امريكية تماما

وللعلم يا شباب نظام tpms يعمل فيها بس جيبوا حساسات الكفرات وبرمجوها على كمبيوتر السيارة وخلاص

**دواس الضلماء** · 11-09-2011, 08:34 AM

Tpms وشهو تراي والله ماعرفه

**بلال العلمي** · 11-09-2011, 08:58 AM

[ame=http://www.youtube.com/watch?v=sboL8oQdZmw]Honda Accord: How to use the TPMS system - YouTube[/ame]

**دواس الضلماء** · 11-09-2011, 09:28 AM

يابلال ماخوذك هذا قام يرطن والله مدري وش يقول مافهمت الا كلمة تاير والضاهر انه يعلمك بالكفرة هي منسمه والا انا غلطان

**Camry V6** · 11-09-2011, 09:37 AM

انا اشوف انه فرق طبيعي

لأنه بيكون في المحرك و القير و العضلات و الشكمان

**Silver Aurion** · 11-09-2011, 09:53 AM

حط ببالك غير عن المكينة

هو الكنداسة + البيب تبعها مدري العامود ( والله مدري وش يقولون له ) :d

هذه لحلها تصك لك كيس :d

و كمان عندك رشاشات الموية للشمعات نقول هذه تقريبا كيلو مع الدينمو و التمديدات :d

و عندك بعد الزينون اعتقد اثقل من اللمبة العادية بكم غرام :d

و حط ببالك المحولات الاثنين يمكن نص كيلو :d

و عندك سلندرين زيادة و كل سلندر نقول 20 كيلو ( مدري ترا من راسي خخخ )

ها ازيد ولا خلاص :d

**دواس الضلماء** · 11-09-2011, 10:07 AM

انا ما اقول ان الوزن مو طبيعي انا اقصد ان الزيادة هذي مو معقول انها بالمكينة والقير بس والعضلات هي هي الا العكوس والفحمات حسب اعتقادي
معليش انا طولتها عليكم واشكركم على سعة بالكم علي
اذا ماعندكم مشكلة خلونا ناخذها بتفصيل اكثر
كم وزن مكينة ال4 وكم وزن مكينة ال6
وكم وزن قير ال4 وكم وزن قير ال6
ام التعقيد صح
والله ماني معقد وسريع الفهم بس هالمره عجزت استوعب