ارتفاع الحرارة

**هاي الشرقية** · 11-09-2011, 12:16 PM

اخواني اليوم الساعة 11 كنت انتظر واحد من اخوياي عند بيتهم تقريبا عشر دقائق وكنت جالس اطقطق على البي بي وشوي صدفة لاحظت ان الحرارة وصلت النصف

اول مرة تصير معاي طبعا جاني خويي قالي تعال ريح وخليها تبرد ماادري وش السبب بليزززز

**alkasr777** · 11-09-2011, 12:20 PM

شيك على المراوح و على ماء الرديتر شوف وضعهم و رد لنا خبر :d

و إذا رجعت شغلتها راقب الحراره كل شوي عشان لو ارتفعت توقف السياره و تطفيها

**هاي الشرقية** · 11-09-2011, 12:41 PM

عندي سوال ليش الوليف مايجي من وراه الا الهم :dطيب باشيك ورد لك خبر بس ماقلت لي تبي ارد لك على الفيس بوك ولا التويتر ولا البي بي ولا الايميل ولا الجوال وبالحمام الزاجل هههههه احس اني انهبلت مع الحرارة

**خارج عن السيطرة** · 11-09-2011, 12:45 PM

من خلال خبرتي المتواضعة :oفي السيارات القديمة أسباب إرتفاع الحرارة وساخة في الليديتر يحتاج تسيخ أو تهريب من الخرطوش ( فوق - تحت) أو المراوح أو طرمبة المويه أو رأس المكينة .
والله يعينك إن شاء الله تكون المشكلة بسيطة .

**كوورد** · 11-09-2011, 12:47 PM

اذا ارتفعت الحراره لا تطفيها بسرعه رش الرديتر مويه واذا نزلت الحراره طفيها
لانه خطر تنشعر راس المكينه لاطفيتها وهي حاااااره
وشيك على المراوح والله يسهل عليك

**foawaz** · 11-09-2011, 02:02 PM

يااااخوي هذي صارتلي وطلع دينمو المروحه دورانه بطي

**هاي الشرقية** · 11-09-2011, 02:06 PM

فديتكم على الردود وانشاء الله راح اشيك عليها واعطيكم خبر ربي مايحرمنا من هالمنتدى الرائع والي راح يكون اروع اذا صرت مشرف:d

**هاي الشرقية** · 12-09-2011, 08:29 AM

والله ياخوان البارحة شيكت على كل شي وطلعت المكشلة مثل ماقال اخوي فواز دوران الدينمو حق المراوح كان شوي بطي بس قالي الميكانيكي ماراح تطلع مع هالمشكلة الا اذا وقفت وقفة طويلة ولا مع المشي ماراح تطلع وطلع صادق جربتها البارحة وكانت تمام السوال كم سعر دينمو المراوح وهل يباع لحاله وشكرا
يعيال ترى المشرف العام يقول مافيه ترقيات يعني رددوا ياليل ماطولك :d