والله انك كفوووو وباذن الله تطلع بنتيجه
وتفيد الاعضاء كلهم بخصوص هالعيوب المصنعيه اللي هشومي مايبي يعترف انها عيب
الله يجزاك خير وموووووووووفق ان شاء الله
والله انك كفوووو وباذن الله تطلع بنتيجه
وتفيد الاعضاء كلهم بخصوص هالعيوب المصنعيه اللي هشومي مايبي يعترف انها عيب
الله يجزاك خير وموووووووووفق ان شاء الله
طبعا ااخر التطورات .. ان يوم الخميس الصباح صورت فيديو المكينه والصوت يشتغل ووواضح
وقلت قبل مارسل لشركه الام خلني اشوف فرع خريص الرئيسي لان واحد من الاخوان قالي المدير متساعد هناك .. قلت مو مشكله
رحت وكلمت المدير داوود مصري الجنسيه ...
قلت له انا سيارتي ماشيه 34 الف وفيها الصوت :o من طرمبه الدركسون مع العلم ان صيانه 10 و 20 و 30 مالها اي علاقه من طرمبه الدركسون ولو ان الطرمبه مفكوكه ولا شي كان قلنا يمكن يلغي اللضمان لاكنها من المصنع نفسه .
وثاني حاجه انا مو بالرياض وماحطيت صيانه في المنطقه تبعي معقوله اسافر عشان اسوي صيانه ليه ماوفرتو لي صيانه طيب .. << طبعا صرفتها
. بشوف وش نهايتها معكم ياتشملونها على الضمان يابراسل شركه الام . قال خلاص تبي تراسل راسل .. قلت اوك ماعندك مشكله بس قولي لي فيه رفض ولا قبول بموضوع الضمان اذا كان رفض راسلت :p
قال ممكن انا اعطيك استثناء اختم على الكرت تعهد اذا ماجيت الصيانه يروح الضمان
قلت حلو اختم قال اوك تعال السبت قلت ماعندك مشكله << طبعا انا ابغاه يختم عشان اصورها وارسلها لشركه الام واقولهم باي حق الوكيل يلغي الضمان .. والضمان نفسه جاي من المصنع ( شركه الام ) .. :p
طلعت من الرفع ودقيت على المدير السابق الي في فرع الخالديه .. قلت له هاه وش صار جاك رد سيارتي على الضمان ولا لا .؟.
قالي خلاص تعال مبروك جا موافقه تعال جيب سياره بس الله يخليك سوي صيانه مره ثانيه << وانا اقوله طيب ميخالف ..
ف وديت سيارتي يوم الخميس فرع الخالديه صيانه والحين بيغيرونها على الضمان ...
لاكن الاميل الشكاوي والرقم موجودين عندي .. وانا ماعندي مانع اقدم للاعضاء اذا هم حابين اوصل اصواتهم لشركه الام بخصوص طرمبه الدركسون .. بشرط الدعاء لي بالتوفيق ..
فـ .. المطلوب من الاعضاء تعملون لي ملف word او اي ملف
يكون فيه الاسم والرقم الجوال ورقم الهيكل والمشكله مثلا طرمبه الدركسون ..
ويفضل انه يصور المكينه فيديو واهي شغاله وصوت الطرمبه فيه ..
واذكر فيه احد الشباب هنا بالمنتدي راح تكلم مع وزاره التجاره هنا ولا نفع الله يجزاه خير..
وانا مستعد اسانده بالشي هذا .. لاكن زي ماقلت لكم ابي يكونو مثلا 50 شخص عشان المشكله تكبر :o ونشتكي على الوكيل من كل اسلوب قدمه للعميل هنا ...
ابيه عربي مافيه مشكله الملف وانا ا ترجمه وارسله للخارج ..
في انتضاركم ياشباب
( فتسدير ) هذا العضو ولا يهونون باقي الاعضاء مميز ويستاهل تكريم من جميع الاعضاء وبالاخص من مشرفين المنتدى.
ارفع لك القبعة لك تقدير واحترام واعجاب. لو كل سعودي مثلك ما كان عرفنا في حياتنا نصاب امثال الوكلاء النصابين اللي يستنزفون المستهلكين.
تحياتي تقبل مروري
إن شاء الله يكون رد الشركة الأم لصالح العميل ..
طيب انا بديت اسمع صوت طقه من جهة الكفر الامامي الي في اليسار لما اطلع على مطب
بالرغم من السيارة ماشيه 40 الف ي\وماادري من ايش الصوت ذا بالرغم من اني ياكثر المطبات الي اكلتها !!!!!!!!!!!!
للرفع للفائده
للرفع للفائده
انتا بطل
روح الله يجزاك خير
ويوفقك في الدارين
اهم شي علبة الدركسون من 12002 وانتا طالع
و علبة الفيوزات وتعليق نور العالي في الموديلا القديمة 2003-2007
جزاك الله خير
عندي طرمبة الدركسون والدودة و كراسي المكينة كلها فيها عيب مصنعي
وكل ما أروح الوكالة يقولولي القطع غير متوفرة إلى أن انتهى الضمان وجيتهم و قالولي ضمانك انتهى وما استفدت من الضمان ولاشيء حسبي الله و نعم الوكيل مع اني كنت مواظب على جميع الصيانات من 1000 إلى 80000 كيلو يعني كمان زايد على الضمان لأن ضمان الموديلات القديمة إلى 60000 كيلو
أستغرب عدم تثبيت الموضوع للآن !!!!!
المفروض يثبت و يوضع فوق في لائحة الإعلانات
اخوي زي ماذكرت انا مستعد اوصل اصواتكم لاكن ابيكم كمجموعه ..
عشان لما يكون مثلا 50 شخص غير عن شخص واحد !! بالنقطه هذي ممكن نثبت اننا مظلومين من الوكيل نفسه لما نتواصل مع الشركه الام
وانا ارسلت للمباشر خاص وصاحب الموضوع المثبت حق طرمبه الدركسون .. والى الان ماوصلني رد منهم .
لاني ابي الملف يكون فيه ارقام الهيكل والاسم والمشكله وانا براسل الشركه ..
معليش لأهل الخبرة كيف أعرف إن سيارتي فيها مشكلة الدودة أو طرمبة الدركسون؟؟ يعني هل فيه أصوات معينة تطلع ولا فيه ثقل ولا إيش القصة ؟؟ حد يفيدنا الله لا يهينكم..
فتسدير الله يوفقك دنيا واخره قول امين عسى الله يجعل بوجهك الخير ويرحم والديك المهم طلب بسيط لاهنت انت الان حليت مشكلتك صح؟ ابغاك ماتيأس كمل شغلك وراسلهم كأنو ماصار شي لسيارتك اوكي عشان لو ردو عليك وحلو المشكله بعد كذا اصواتنا كلها معااك بليز اوكي تحياتي لك
اخوي انا ماعندي حجه عشان اراسلهم خصوصا ان موضوعي انتهي الحمد لله وطلعت سيارتي من الوكاله وصار الخراب مو من طرمبه الدركسون صار من طرمبه المويه الي تحت الشداد حق الدركسون
قبل ماروح الوكاله رحت لكم ورشه وقالو لي طرمبه الدركسون وواحد الشداد
الا ورشه في الصناعيه الخرج القديمه قالي في طرمبه المويه وقالي سعرها ب 150 وشغلي ب 100
ولما رحت لاوكاله قالو طرمبه الدركسون شوي ركبو ماظبطت بعين ركبو الشداد ماظبط
شوي ركبو طرمبه المويه وظبط
طلع حتي الوكاله والله ماعندك احد
بس :o الورشه قويه والله مشالله .. شكلي بتعامل معاه مستقبلا
وين دنيا الغرور .. ارسلت لهم على الخاص بس ماردو علي .. عشان نساعد الاعضاء يمكن تنجح الطريقه !! واوصل اصواتكم لشركه الام ..
التعديل الأخير تم بواسطة فتىسدير ; 20-09-2011 الساعة 11:28 AM
من رأيي تسوي موضوع مستقل في قسم الصيانة
و أي واحد عندو خلل مصنعي و الشركة (عبدالله هاشم) ما رضيو يصلحوها يسجل اسمو و رقم الشاسيه و المشكلة و الإيميل
و كدا نجمع أكبر عدد ممكن من الأعضاء الغلبانين زيي:(
up up up
up up up
عفوا على التاخير كيف طلع من طرمبة المويا وش دخلها في الموضوع ارجو التفصيل منك وياريت على الخاص والعام للفائده
يا شباب بخصوص النوافذ لاحظتها وأنا أمشي على الخط طالع من الرياض للشرقية ومخلي النافذه الي جنبي نص مفتوحة .... لاحظتها انها تهتز .....!!
هل هذا طبيعي أو أوديها الوكالة يصلحونها ...؟
وهل يصلحونها لي ع الضمان والا على حسابي ...؟
سيارتي ماشية 9000 ..
أنتظر الإفادة
الموضووووووووع شيق جدا جدا
اتمني منك ياصاحب الموضوع تواصل شكواك للشركة الام
حنا معك الاخوان بالنادي هنا كلهم بيرفعون بمشاكلهم من الوكيل وكل شخص بيوثق مشكلته بس نبي صمله وشدة حيل
والله يجزاك خير يافتي سدير
شكرا على مرورك وشكرا على الدعوه .
راجعو موضوعي الحديث ..
http://www.hondaarabia.com/club/t53872/
اذا الدعوهه فيها أسعار قطع الغيار الناااار
انــآ معككَ
وأبشر بـ اللي أقدر عليه ..
جزاك الله خيـر .. اي والله القطع ناار .. لاكن انا لو بطلب بطلبها من برا .
بالنسبه لي انا سويت الي علي ياغالي وشفها بموضوعي الثاني
http://www.hondaarabia.com/club/show...937#post571937
اذا كان عندك مشكله او كذا سو لك رساله وارسلها للاميل المتواجد اعلاه .. وشكرا
ما يضيع حق وراه مطالب
مواقع النشر (المفضلة)