مشاكل كهربائية في هونداء اكورد 2002 اريد حلا

**مروان الدوسري** · 14-09-2011, 03:05 PM

السلام عليكم

شباب سيارتي طفشت منها كانه فيها جني

احيانن اجي اشغل السيارة تشتغل لكن عزم ما في وكل لمبات الطبلون شغاله خاصة لمبت القير d4 تولع وطفي ولمبت N شغاله وفي لمبه على يسار الطبلون لونها برتقالي كأنها طرمبه شغاله

تطفيها وتشغله نفس الشي لكن لو تطفيها لمدة ساعة وتشغلها تشتغل طبيعي واحيانن ما تشتغل ابد واشيلها بسطحها اوديه الورشة تشتغل طبيعي

قالوا ممكن التماس كهرباء فكوو الطبلون وشيكوو على الاسلاك وغيرت الحساس الخلفي وفي حساس الى يجي في المكينه ما ادري ايش اسمه غيرته بعدها اشتغلت السياره شهرين طبيعي وامس تمشي ما فيها عزم حتى في مطبت بالشارع ادعس بنزين ما فيها حيل تعديها

الورشة يقولي السيارة شغاله طبيعي وخليتها عنده يومين يروح ويجي فيها ما فيها شئ

**بلال العلمي** · 15-09-2011, 01:52 AM

هل حفلة الاضواء وقفت ؟؟؟

وهل المشكلة الحالية فقط ضعف العزم؟؟؟

**محمد عمر** · 15-09-2011, 09:31 AM

ديتها تشييك كمبيوتر 100 ريال ويطلع المشكلة لأن المشكلة أكيد في الحساسات . وترى d4 لمن يكون شغال على طول معناته عندك حساس في الجير بكس خربان قيمته 600 ريال من الشركة

**هاي الشرقية** · 15-09-2011, 12:19 PM

شوف يابعد قلبي شيك عليها كمبيوتر مثل ماقال اخوي محمد واذا قال كل شي سليم وجهة نظري بهالوضع البيع افضل انا احس جاتها عين نفس واحد من اخوياي كان معاه كابرس اساس 2004 وصل معاه ولد كان واقف بالخط يقول بس نزل ومن يومها ماشفت خير وبالاخير باعها

**مروان الدوسري** · 15-09-2011, 10:59 PM

شيكت كمبيوتر ما طلع فيها شئ

من زينها علشان يعطونها عين

**مروان الدوسري** · 15-09-2011, 11:00 PM

ممكن الحساس الى تقول عنه لاني كنت موضب القير من سنه

**بلال العلمي** · 16-09-2011, 02:29 AM

المشاركة الأصلية كتبت بواسطة مروان الدوسري

ممكن الحساس الى تقول عنه لاني كنت موضب القير من سنه

اي مشكلة في الحساس راح يطلع في الكمبيوتر

لكن ما اجبتني هل حفلة الاضواء وقفت عندك؟؟؟؟

**مروان الدوسري** · 16-09-2011, 10:45 PM

المشكل صار لها سنة
احيانن تمشي طبيعي السيارة وفجأة كل لمباة الطبلون شغاله

اوقف السياره اطفيها وشغلها تشتغل طبيعي ، دائماً اذا غسلت السيارة في المغسلة

لمبت البريك تولع انزل الهاند وارفعه تظل شغاله بعد نصف ساعه من الغسيل تطفي

احيانن تمشي معي السيارة شهر شهرين مثل الحلاوه وترجع نفس المشاكل

كل ورش هوندا بالخضريه يعرفوني آخر حل حجزت موعد عند الوكالة يوم الاحد

اليوم طلعت مشكله غريبه تحت اذا ضربت بريك يطلع صوت زنه من تحت

لكن الصوت يروح ويجي احيانن اضرب بريك ما يطلع الصوت واحيانن يطلع

**مروان الدوسري** · 27-09-2011, 02:17 PM

بعد حل حوسه كلها والوكالة ما عرفوا لها وفحص كمبيوتر

وديته بورشة بالخضرية طلعت المشكلة في الورشة ما طفيت السيارة فحصوها بالكمبيوتر وتطلع المشكلة من مفتاح السيارة طلع لهم الكبيوتر error key.. جبت المفتاح الاسبير وجربته وشتغلت السيارة ما فيها شئ . قلت اتاكد جربت المفتاح الاصلي ومشيت بالسيارة شوي وتولع اللمبات وجربت الاسبير ومشيت بالسيارة ما طلع شئ والمشكلة في برمجة المفتاح مدري ايش خربه مع اني استعمله من اول ما طلعت السيارة بعد ما خسرت عليها ضفيره وبطاريه ودينمو وحساس خلفي وووو طلع من المفتاح ..

**عاشق للهوندا 07** · 27-09-2011, 02:35 PM

غيرهـ بحول 500 ريال لانه احتمال يكون طاح عليك او شئ !

**أكورداوي** · 27-09-2011, 02:58 PM

الحمد لله انه من المفتاح مو شي معقد .. يعني حتى لو خسرت على اشياء ثانيه مالها علاقه بالموضوع لكن اهم شي ترتاح نفسيا ,,

**nasser1430** · 27-09-2011, 03:04 PM

ما كنا نتوقع تطلع المشكلة من برمجة مفتاح ... صدق بعض الخرابات تجيب الصمرقع

لكن الحمد لله إنك عرفت المشكلة ... والله سبحانه وتعالى يجعل ما خسرته كفاره ... و يعوض عليك

آمــــــــــــــيــــــــــــــن