والله يابعد قلبي السرعة نتيجتها مولمة عشان كذا انا اقول خليها لاتصلحها ترى 160 كفاية :d
السلام عليكم ..
عندي الموتر ماشاء الله من 0 الى 160 مافيه رجة ... وبعد 160 تجي رجة بس أحسها في دعاسة البنزين أكثر من اني احسها بالدركسون !
الكفرات جديدة ماشي عليها 10 الاف بس ... والجنوط كان عندي جنط فيه ضربة خفيفة .. وكانت السيارة ترج من 100 الى 120 ومن 140 وطالع ... بس بعد ماعدلت الجنط ورصصته راحت الرجة ... بس ضلت رجة 160 وفوق !! ورحت ورشة شيك على العكوس وقال لي العكوس سليمة !!
يعطيكم العافية
والله يابعد قلبي السرعة نتيجتها مولمة عشان كذا انا اقول خليها لاتصلحها ترى 160 كفاية :d
الكفر لازم كل فترة ترصصه موشرط انك ماشي 10000 بس وانتبه من السرعة
والله ياعزيزي هالمشكلة عقيمة جدا وواجهتها من شريت السيارة
تروح وترجع مدري كيف!
واحيانا تظهر عندي على سرعة منخفضة من 100-130 وبالامس لاحظتها على 160
ورصصت اكثر من مرة بدون فايدة والموتر فاصحه كل شي جديد
السرعة ماهي مضرة لك بل الطريق ونوعه والسائقين الاخرين هم المضرين لك وقت السرعة لان الهوندا اكورد مصممة للسرعات العالية
لكن الرجة اللي عندك هي من الكفرات فقط لا غير رصصها مضبوط وتضبط امورك
قريبا اكيورا فخر صناعة هوندا الامريكية على هوندا العربية
اكيورا RLX 2013
يعطيكم العافية ..
انا رصصت الكفرات الامامية .. وراحت الرجة من 0 -160 ...
هل احتاج ارصص الكفرات الخلفية وهل لها علاقة بالرجة بعد ؟
انا ضد كلام مراقب قسم الاكورد شلون السرعة ماهي مضرة لو كانت مو مضرة مكان شفت الحوادث على الخطوط السريعة وراح اضرب لك مثال لو انت تمشي 120 وضرب عليك كفر هل التحكم راح يكون نفسه وانت تمشي 180 اترك الجواب لك :oلاتسرع فالموت اسرع
المانيا تهتم بمواطنيها مثل ما دولتنا تهتم بمواطنيها وفي المانيا الطرق السريعة مفتوحة السرعة ومع ذلك نسب الحوادث لدينا اكثر من اللتي لديهم
تدري ليش؟
السرعة امنة وكونك تمشي بسرعة 200 او 300 كانك تقود طيارة لكن لو مافيه لغة تفاهم بينك وبين الطيار الاخر طبعا لازم يصير تصادم مثل حادثة تصادم الطائرة السعودية زمان
لكن لو فيه لغة تفاهم والكل متفق على لغة معينة اثناء القيادة فالكل امن باذن الله
بالنسبة لان الكفر ينفجر على سرعة 180 اعرف ان السبب هو انخفاض ضغط الاطار والسبب هو الاهمال في الغالب يعني لازم يشيك على الاطار كل صباح ويشيك على الضغط وغير كذا يتاكد اذا فيه مسمار او لا بشكل مستمر حتى اثناء السفر واثناء التوقف في المحطات
الكفر ما ينفجر اذا ضغط الاطار ممتاز ابدا
المشكلة في السرعة ان السائقين الاخرين ما يفهمون ولا يهمهم ماتوا او لا وايضا الطرق غير مهيئة ولا هندستها ما تسمح بذلك لكن السرعة بحد ذاتها ابدا غير مضرة باي شكل من الاشكال ولكم في المانيا اجمل مثال
قريبا اكيورا فخر صناعة هوندا الامريكية على هوندا العربية
اكيورا RLX 2013
انا اذا مشيت فوق ال 180 مافيه ولا شيئ بس مجرد اني اضغط فرامل الدركسون فيه رجه تحس ان الكفر بينفقع عليك
بس غيرت علبة الدركسون والحين ماشي معي زي الحلاوه
جرب يمكن يكون معاك العلبه نفسي والحمد لله انا ما اسرع الى اذا جت الحاله
شوف يامراقب الاكورد انا معاك بالي قلته قلبا وقالبا لكن راح اسالك سوال وش السيارة السيارة عبارة عن مجموعة من القطع الاكترونية والكهربائية وغيرها فهل تضمن حياتك على هاذي القطع وتضمن بعد على ان ماراح يصير فصل او التماس باحدها وباعطيك مثال بسيط سمعنا من قبل كذا اسبوع راعي الاند كروزر الي كان ماشي تقريبا 200 وكان مثبت السرعة ولاقدر بعدها يفصل المثبت لكن الحمد لله بتوفيق من الله ثم من امن الطرق ولا كانت النتيجة وخيمة يعني لو كان مثبت السرعة 120 وقتها يقدر يتحكم وبكل سهولة
مشكلتك يامن الكفرات الخلفية او الهوبات الخلفية شيك ع الثنين
كون الرجة في دعسة البنزين
ياخوان شيكت على الكفرات جميعها ورصصتها .. مازالت الرجة موجودة ..
وشيت على التواير مافي محبلة وجديدة مافيها شي ...
ياليت تفيدوني لاني مسافر بكرة :(
انا مثلك نفس اللي حصل لي واحد عندنا الله يهديه مسوي حفره على شكل المطبه لاجل الناس يهدوا وما يسرعون الا وانا اجيك داقها سالفه مع خويي وانا امشي 40 واطيح فيها وترج السياره رج المهم قلت خلني اسوي ترصيص ولما رصصت قالي البنشري تعال شوف الجنط هذ منطعج وتذكرت سالفة الحفره هههه
المهم سوا للجنط المنطعج ترصيص ولا نفع بعدها ركبت السبير لان الفل يجي نفس الجنط مايجي اسود
واركبه والحمد الله من احسن مايكون بس هذي اخر الحلول بالتوفيق يالغالي
والله لوترصص لليل ماينفع <<<سيارتي اكورد 2011 وانت سيارتك 2007 غير الجنط افضل لك قالي راعي المخرطه الجنط صايرعندك بيضاوي مايجي مستوي انت غيره وادعيلي..
بدلت الجنط الي عدلته وركبت السبير مكانه .. ومازالت الرجة موجودة لاكن بشكل أخف
لو رحت الوكاله قلت له عندي مشكله بعد ١٤٠ بيقولك مالنا شغل
قوله ١٢٠ وتحت
شوف الهوبات
و الرجه 160 ممكن من العجل الي ورا
و كراسي المكينه
و اتاكد ان مفيش فره محبله حتي لو الكوتش جديد ممكن متخزن او عيب مصنعي
مواقع النشر (المفضلة)