الموضوع: يقول خلل مصنعي (وعزة الله انه تسذوب الشريطي)

السلام عليكم
ممكن الصوت من طرمبه الدركسون

وهل يزيد مع لف الدركسون

شيك على غطا فلتر الهوا يمكن مو راكب مضبوط

المشاركة الأصلية كتبت بواسطة آكوردآوي معتق

آلسسسسسلآم عليكم

مسآكم الله بالخير جميعاً

يآآخوآن انا قبل كم يوم شريت آكورد 2008 وفيهآ صوت مع الدعسه يوم سالت الشريطي مادري صاحب السياره قالي انه خلل مصنعي واسال مجربين قلت آمنآ بالله ورحت فحصت ولا لقيت فيهآ خلل لا في المكينه ولا القير ولله الحمد (بس كرآسي مكينه) , المهم بعد فتره الصوت هذآ صار كنه في راسي ولا اعجبني الكلام قلت لخويي عطني موترك بجربه موتره 2009 وجربته ولا فيه هالصوت .

آلحمدلله ع كل حآل

وصف آلحآله (للتوضيح) :
سلمكم الله لمن اكون داعس ع الابنص بهدآوه مايطلع الصوت ابد بس لمن ادعس الابنص بقوه اوكآمل يطلع هالصوت يعني لمن يوصل الضغط حق المكينه بين 3 و4 وطالع صوت قوي ياشباب كانه صوت دباب وربي ,
مثال للصوت (غرررررررررررررررررر :d)

*للمعلوميه :

1/الصوت مايطلع والسياره واقفه
2/الصوت من الجهه اليسرى من عند السوآق

تكفون اللي عنده حل او مرة عليه هالمشكله يفيدني :(

**المشكله الثانيه :

كراسي المكينه ليش غاليه :d

هههههههه آمزح بس السوآل اذا كرسي المكينه منكسر وانت واقف في طلعه ووالسياره كانت فالـpوحطيت على آلـ r يطلع صوت طقه ...؟

وسلآمتكم

هذا اكيد فلتر الهوا مو راكب زين وبالنسبه لكراسي المكينه كيف حكمت انها منكسره وبعدين وانت على الطلعه وانت واقف اكيد ماسحبت جلنط قبل لايكون على الp

قبل تدخل في التقنيه شيك على الاشياء المتفكفكة من صدام اوصواميل مرتخية او يمكن كرسي المكينة بس

شيك على فلتر الهوا وركب اصلي

كويس انك وضحت الصوت

غطا ء الفلتر مو راكب زين
ركب القطعه البلاستيكيه بمكانها
وهذا موضوعي شيك عليه وتنحل المشكله

http://www.hondaarabia.com/club/t49995/

ربي يسعدكم جميعاً

جآكي الله يسعدك بجرب انشالله وآعطيكم خبر واذا ماظبط بغير فلتر الهوآء واشوف لاني ماادري هو اصلي ولا تجآري لاني شريت السياره مستخدمه .. والله يكتب اللي فيه الخير

ويسعد ايامك يالغلا
ورد لنا خبر وان شاء الله تنتهي المشكله
واي خدمه احنا حاضرين باللي نقدر عليه

فيه فلتر هوا يشبه الاصلي يطلع صوت ومكتوب عليه ياباني

خذ فلتر هوا من الوكاله او شيك على نفس القربه يمكن يكون فيها كسر

يالبيه يالكورد لا ركبت فيها فلتر تجاري

يعجبك الصوت تققل فراري



هههههههههههه خلص البنزين ونا ماغير ادبل عندالاشارات ههههه امزح امزح

الصوووت يطرب ترا :d كانه نفس الي عندي فهو من قربة الهوا الي تحت

الله يبيض وجيهكم جميعاً ع تفآعلكم

وتمت زيآرة الصنآعيه اليوم :d والمشآكل اللي كآنت عندي كآلآتي :
1/صوت الدبآب ,> وطلع من القربه قال لازم تغيير ومن كثر مافجرت راسي الهندي ظبطهآ لي بدون تغيير بس ركب قطعه زي الورق فالغطاء حق القربه ورآح الصوت لان الصوت كان يروح عندي اذا ضغطت بيدك ع غطاء الفلتر
2/ قرقعه من عند الكفرآت ,> وطلعت من الكلبرآت تنظيف وربطهم وتركيب من جديد
3/تنظيف فلتر المكيف لان المكيف كان دفعه ضعيف
وتم اصلآحهآ ولله الحمد


واللي مآتم اصلآحهآ
4/كرسي المكينه الجآنبي ,>سعره(350ريال)وتركيب(80ريال)
5/مسآعدآت آمآميه لان الموتر وجهه يطآمر شوي وقليلاً من القرقعه ,> آلوآحد (650 ريال)طبعاً القلب مو المساعد كآمل والتركيب (120ريال)