اصلن ما يصلح تحط مويه رديت اخضر او احمر وهو فيه ماي من قبل لازم تطلع الماي بالرديتر كله برا بعدين تحط ماي اخضر وتزيده بماي عادي
السلام عليكم ورحمة الله وبركاته ..
صباحكم / مسائكم خير وفرح وشوية حراره وريحة راديتر :d
من قلب وكالة المطوع والقاضي بالكويت .. أفضفض لكم وانصحكم نصف نصيحه والنصف الثاني خلوه الين اعرف وش السالفه بالكامل ..
امس بالليل كان فيني شوية لقافه وحماس الا بزود موية الخران الاحتياطي للراديتر لأني شفته على MIN وقلت انا مو كفو اذا ماشريت النوع الاصلي واعبيه الى MAX
المهم عبيته وكانت الامور طيبه لكن لسى ماتحركت السياره وخليتها شغاله فتره لأني كنت انتظر عند محل يخلص لي اغراض واستلمها عشان امشي اليوم بإذن الله للسعوديه ,
يوم جيت اطفي السياره عشان ادخل المحل سمعت صوت فقعات تتفققع في عقر الراديتر :d
فتحت الكبوت واشوف المويه ترقص وتقلب داخل الخزان مع شوية دخان وريحة كريهه , قلت هلا واللللللله .. هنا يجي دور النحاسه الي ماسكتني من رمضان تقريبا الى يومكم ..
وعلى طاري النحاسه .. جوالي + سيارتي + ثيابي + شريحة الجوال نفسها + بطاقة الصراف كلها خربت في يوم واحد
هذا فاصل بسيط عشان تعرفون اكورداوي على الطبيعه :d
المهم مشيت بالسياره واشوف الحراره توصل للنص تقريبا ثم تنزل ثم ترجع للنص وتنزل وهكذا الى الفندق ..
تذكرت وقتها المثل ( خيرا تصنع .. تبنا تأكل ) :p
خليت السياره بالليل وطقيتها مشي الى اقرب ماكدونالدز من باب تغيير الجو والنفسيه واخذت لي اسكريم ابو 100 فلس عشان ما اطفر بكره بالوكاله :d
ثم صحيت الصبح وعلى طول تشييك على الردايتر واشوف مافيه ولا قطره .. حتى الـ MIN الي ماكان عاجبني بكيت عليه من القهر .. والله وادز على صناعية الشويخ على بالي بروح ورشه محترمه بناءا على توصية العضو المغبر ACC الله يعطيه الف عافيه .. ويوم وصلت الا اشوف الوكاله موجوده بالصناعيه قلت تدري .. خلنا نمشي على المضمون ورانا خط ومانبي نجيب العيد مرتين ..
وهذا انا دخلتها ودخلت على مديرهم الله يعطيه العافيه عشان يدخلها بدون انتظار مراعاة لظروف السفر وماقصر والله هذي هي بالورشه اشوفها قدامي مو مثل بعض الوكلاء الي تحس انه هو مخترع السياره ومايبيك تشوف شلون يصلحها
والوضع هنا الحمد لله اوكي .. انتظار رجال ..انتظار نساء , مو مشكله على الاقل الواحد ينسى هم الخرابات :p
.. فقط
ــــــــــــــــــــــــــــــــــــــــــــــــــ ــــ
النصيحه المقطوعه مع النص ( لاتتفلسفون مثلي) :d
وباقي النصيحه تعرفونها اذا انحلت المشكله ان شاء الله وعرفنا السبب
تحياتي لكم
اصلن ما يصلح تحط مويه رديت اخضر او احمر وهو فيه ماي من قبل لازم تطلع الماي بالرديتر كله برا بعدين تحط ماي اخضر وتزيده بماي عادي
وعليكم السلام ورحمة الله وبركاته
الحمدلله على سلامتك وسلامة المحروسه
تصدق نفس المشكله سارتلي فسيارتي القديمه
وماكنت اعرف المعلومه اللي قالها الجاسم
وتعبتني السياره والحراره وراس المكينه وافلام لها اول ومالها اخر
الله يستر عليك وعلى سيارتك وترجع بالسلامه ان شاء الله
كيفك اكورداوي :d
ان شاء الله سيارتك مافيها الا العافية واسرد لنا نتيجة التحاليل
قريبا اكيورا فخر صناعة هوندا الامريكية على هوندا العربية
اكيورا RLX 2013
هلا اكورداوي
سمعت بالمثل اللي يقول :
جاء يكحلها عماها ......:d
ان شاء الله مافي شي
وتكبر وتنسى !
سبحان الله وبحمده سبحان الله العظيم
اشكركم جميعا على مروركم وتشريفكم ..
تم بحمد الله حل المشكله اليوم وانا الان وصلت السعوديه ولله الحمد بدون اي مشاكل حتى الان ..
المشكله كانت في نوعية المويه .. وهي إي سي دلكو الاصلي .. لأن هوندا لها مويه خاصه بها اولا .. ثانيا تعبئة الخزان والسياره حاره اعتقد له دور في المشكله ..
عموما الي حصل ان الترموستات توقفت عن العمل .. وغير ان غطاء الراديتر ايضا مدري شصار لأمه وغيرته .. والاعظم الي هو دينمو المروحه اختربت !!
وبعد واسطات ودخول على مدير الصيانه ومحاولات انه يخلص السياره اليوم بسبب ظروف السفر تم انهاء المشكله وكلفتني الشغله كامله 94 دينار = 1269 ريال تقريبا ..
بس عموما اعتقد ان الاسعار ارخص من هنا واقرب مثال دينمو المروحه هنا على ما اظن وحسب ماذكر اخوي بلال في التقرير الخاص بتغيير الدينمو بـ 900 ريال وانا اشتريته من هناك وكاله بـ 700 ريال
الحمد لله على السلامة وما تشوف المزيونة شر
ولكن يلي اعرفه إنه إذا جيت تعبي و السيارة حارة لازم تشغلها وتعبي وبعد ما تعبي خلها شوي وبعدين طفها
ولكن اذا كانت باردة عادي تعبيها وهي طافية ما عندك مشكلة
و الافضل انك تكبس على اللي يلي من المكينة إلى الرديتر اذا كان قاسي فلازم تعبي وهي شغالة
مواقع النشر (المفضلة)