تقريباً يحقلك انك ترجعها اذا ما مشت 1000 .... وان شالله يفيدونك الشباب اكثر
السلام عليكم ورحمة الله
عندي استفسار لو تكرمتوا
الحين لو شريت السيارة وكالة .... وقبل ما تكمل الألف كيلو ، يعني تقريبا بداية ال 500 كيلو
بدت تظهر فيها خرابات ...
هل يحق لي أطالب الوكالة بتبديل السيارة ؟
تقريباً يحقلك انك ترجعها اذا ما مشت 1000 .... وان شالله يفيدونك الشباب اكثر
هذا المفترض انك ترجعها لكن بتتعب تعب مو طبيعي والعيب المصنعي امر وارد لكن نادر وكلنا بني ادم نصيب ونخطيء
لكن بالنسبة للتبديل ودها الوكالة وشوف ايش سبب الرجة يمكن انها مجرد كفرات وتستبدل من الوكالة ببلاش واذا نفس المشكلة وقف السيارة عندهم وادخل على الادارة اذا اصريت على استبدال السيارة ككل
للمعلومية اغلب الوكالات ما عندهم ضمان استبدال او استرجاع المبلغ
مو موجودة عندنا في السعودية روح لالمانيا مثلا ضمان استرجاع المبلغ موجود هناك في بي ام دبليو ومرسيدس وايضا اودي بينما سمعة الوكلاء عندنا طايحة جدا ما عدا الناغي وكيل بعض الشركات
قريبا اكيورا فخر صناعة هوندا الامريكية على هوندا العربية
اكيورا RLX 2013
والله يابعد قلبي يعتمد على الخرابات الي فيها اذا كانت كبيرة راح يبدلونها لك واذا اشياء يسيطة راح يصلحونها
مشكورين اخواني الاعزاء
الله يعطيكم العافية
وشي بس نوع الخرابات يمكن تصير طبيعيه مثل اللي بموتري :d
والله ياخوي مع بداية ال 500 كيلو تقريباً
ظهر فيها صوت قربعة خفيفة ومتقطعة .. يعني تروح وتجي مو مستمرة
وديتها الوكالة عشان يسمعون الصوت بس ماطلع الصوت عندهم (((( عناد خخخ
وبعدين لما قربت الألف كيلو صار يزيد الصوت وباستمرار ، رحت الوكالة واسمعوه
ومع الفحص تبين ان المشكلة في جلد الأذرعة أو اللي يسمونها مفصل الجوزة
وتم تغييرها بمبلغ مايقارب 700 ريال بما فيه شغل اليد
على الضمان طبعا
وبعدها اختفى الصوت
وحتى الحين قربت توصل ال 5000 كيلو
واشوف في صوت في الدركسون لما ألفه لفه كامله
هالصوت يشبه الصوت الطبيعي اللي يطلع من الدركسون لما تلفه وانت داق اشارة
يعني صوت طقطقة خفيفه في نفس الدركسون ..... مش عكوس طبعاً
والله يستر ما تطلع لي خرابات ثانية في المستقبل
هذا واحنا ماخذينها وكاله بمبلغ جامد وتطلع هالخرابات والله قهر ياخي
مواقع النشر (المفضلة)