اقتباس المشاركة الأصلية كتبت بواسطة غاب القمر مشاهدة المشاركة
السلام عليكم رحمة الله وبركاته


ياشباب انا سيارتي باقي على انتهاء الضمان شهر تقريباً

وناوي ادخلها صيانة 90 الف اليومين الجايه بأذن الله وبلحق على الضمان قبل ماينتهي

وعندي ملاحظات عليها مدري هل هي عيب مصنعي ولالا

..صوت طقطقه قوي اذا هديت وبغيت اوقف كل ماتنقص السرعه يزيد الصووت

(الصوت من الكفرات الاماميه)

طبعا الصوت يزيد اذا جيت من مشاوير طويله وخصوصا مع الزحمه كل شوي امسك فرامل

..اذا لفيت الطاره بعض الاحيان يطلع صوت غريب وخصوصا اذا كانت السيارة بارده
شيكت على طرمبة الدركسون مالقيت عليها زيت

..رجه خفيفه اذا كانت السيارة واقفه واذا كان المكيف شغال

واخيرا نصايحكم بما انها اخر صيانه على الضمان

وش اقولهم وش تنصحوني اشيك عليه

اخووووكم

ما عندك اي مشكلة

صنفرة فحمات امامية وهوبات امامية

وايضا يشيكون على الركب اسفل السيارة وهذا اللي المطلوب يالغالي لان فيه استدعاء صار بالنسبة للركب السفلية تحت كونها فيها صوت وتراجعت الوكالة وقالوا محنا مغيرينه الا اذا طلع صوت ودام طلع صوت التغيير ببلاش ان شاء الله

بالنسبة للرجة شيك على الكراسي اذا مافيها مشكلة خليه يشيك على الايدل rpm بالكمبيوتر واذا في غير مستواها يعدلها بالكمبيوتر ويبرمج سيارتك اما اذا مضبوط فهي كراسي فقط