اقولك الصراحه المشاكل مثل طرمبة الدركسون واي شي ثاني لأني ماشكيت الا من طرمبة الدركسون ومحافظ عليها ولا اكسر الطاره للأخير وفي الأخير طلعت صوت بدون تهريب كأن معي دباب بانشي باختصار المشاكل اللي في 2008 راح تحصلها في 2012 ياخوان خلونا نصحصح شوي اسئلني عن الهوندا والله انهم يصنعون القطعه ويحددون وقت خرابها تحافظ على السياره ولا ماتحافظ بعض القطع غصبن عنك تغيرها وعلى فكره انا غلطت يوم اسميها خراب المشاكل في الهوندا اسميها في المصطلح تبعي قروشه تدرون ليه لأني انا جربت خمس سيارات قبل الهوندا كله لا خربت ماعاد تقوم من مكانها لكن الهوندا مافي امل تتعطل بس المشكله ان السياره تطلع اصوات تخليك تتنرفز لين تغير القطعه اللي يصدرمنها الصوت بعطيكم امثله 1 عندي الكمبرسور يطلع صوت والتبريد من اجمل مايكون ولا في امل يخرب لكن اذا تبي الصوت يروح الله لايهينك غير كمبرسور واذا ماتبي تغير عادي راح يبرد المكيف معك عشر سنوات لكن الصوت بيبقى خويك 2 عندي طرمبة الدركسون تطلع صوت فقط بدون تهريب كأن معي دباب سزوكي واذا تبغا الصوت يروح الله لايهينك غير الطرمبه واذا ماتبي تغيرها عادي راح تمشيك الطرمبه عشر سنوات بس الصوت راح يقروشك :d 3 عندي صوت في المساعد اليمين مع عيون القطط الحل انك تغير مساعد واذا ماتبي تغيره عادي راح يمشيك عشر سنوات لكن الصوت راح يهذريبك بدري عرفت ياعزيزي وجه هوندا الصدق يعني الحل معها انك ماتعطي الأصوات وجه ولاتلقيلها بال صدقني راح تستانس معها ولا راح تطلبك ريال واحد عدا القطع الأستهلاكيه واذا انت راعي تدقيق في الأصوات عز الله انك بتموت قبل يومك وبعدين انا مااقصد بالأصوات ان الموتر مفكك ومهربد لا بالعكس والله بدون قرقعه ماشاء الله اللي اقصده بالأصوات مثل اللي قلته لك بالأمثله وبعدين على فكره الأسلوب اللي استخدمته في الموضوع كأن الخطاب بيني وبين احد مصنعي هوندا وبالذات اللي صنع الأكورد صحيح تذكرت شركة هوندا تمر بحالات هستيريه ونوبات صرع لايحس بها الا مستخدمين سيارات هوندا الا وهي ان الموتر اذا طلع فيه عله مستحيل يتلافوه في الموديلات القادمه حتى لو انهم يدرون عن المشكله زي ماقلتلكم المشكله اللي ذكرتها اتمنى اني افدتك