مشكله الدركسسسسون .. !
السلام عليكم ورحمه الله
كيفكم ان شاء الله تمام ..؟
كان عندي مشكله ف لي الدركسون وكان يهرب وغيرته ب 2700 ومشي الحال
المهم اليوم طال عمركم أكلت حفرهـ طبعا تعرفون شوارعنا ماشاء الله أبد مامنها قصور
وفجأه الاحظ الدركسون يثقل ويطلع صوت أشيك ع العلبه أحصلها فاضيه
واحصل تهريب من تحت .. !!
السؤال من وين ممكن يكون التهريب وكم يكلفني
وعسى المشكله ماهي كبيرهـ
تكفون ي شباب وش الححححححححححححححل .. ؟؟؟
:(
كيف لي الدركسون سعره 1400 ريال تقريبا و انت تقول 2700 ريال
شكلك تقصد طرمبة الدركسون
و التهريب احتمال كبير يكون من الدودة
الحين تركت موضوع كله وركزت ع السعر هههههههههههههه ع العموم يعطيك العافيه ي خوي
طيب والحين لو كانت من الدودهـ وش الحل نوديها وكاله ولا شغلتها بسيطه
أفيدوني الله يجزاكم خير انا دايم أسافر بحكم الكليه
:(
المشاركة الأصلية كتبت بواسطة عزيز
المسألة مو مسألة سعر لكن انت تقول غيرت لي الدركسون و سعره 2700 ريال
و السعر الحقيقي 1400 ريال أنا كان قصدي ان القصد مو لي الدركسون القصد طرمبة الدركسون
و اصلاح الدودة سعره 300 ريال و شغل اليد على حسب الورشة يبدأ من 400إلى 800 ريال
و نصيحتي لك سوها في الوكالة أتوقع تكلفة شغل اليد 800 ريال تقريبا
و على فكرة شغلت الدودة معقدة شوي يعني مو أي واحد يعرف يشتغل عليها
ي جماعه الخير مايسير وربي 51 مشاهده ورد واحد
أفيدوني الله يجزاكم خيير
حياك يالغالي
بخصوص اذا كان عندك تهريب في لي الضغط فهو عيب مصنعي وبإمكانك تغيير اللي عند الوكالة ومجاناً سواءً كان الموتر على الضمان او منتهي الضمان
واذا كان عندك تهريب فعند اصلاحين اصلاح للطرمبة وفيه اصلاح على ما اعتقد للدودة
واصلاح الطرمبة بـ 150 ريال هذا اذا ما زاد سعره
واصلاح الدودة سمعت انه فوق 600 ريال
وطبعاً الاصلاح تشترية من الوكالة وتركبه برا الوكالة لان الوكالة تبيع الاصلاح ولكن ما تركب الاصلاح سياسة الشركة غريبة ومثيرة للجدل :d
الوكالة فقط تغير القطعة كاملةً يعني لو كان التهريب من الطرمبة يغيرون الطرمبة كاملة وقيمة الطرمبة حدود 3500 ريال وبينما اصلاحها بـ 150 ريال
وسلامتك ،،،
يعطيكم العافيه ي شباب
والحق معك أخوي الكاسر فعلا سعر اللي 1400 العتب ع الكبر وانا أخوك ههههههه
وديتها الوكاله قالي لازم نغير الدودهـ كامله وبتكلفني 4400 بعد الخصم شي يفقققش :(
لكن خيرهـ حمدلله
يعطيكم العافيه ي شباب مرهـ ثانيه
^_^
ضوابط المشاركة
رد مع اقتباس
مواقع النشر (المفضلة)