عرض للطباعة
بالنسبة للي يقول للمآزدآ انهآ أرسى من الأكورد , انا حآب أرد عليك بأني جربت المآزدآ على سرعة 220 , والأكورد على 215 , والرسآوة لمصلحة الأكورد 100% مآ شاء الله تبآرك الله , عيب المآزدآ خفييييييفة وطآرتهآ خفيفة كمآن وانا ما احبذ النوع ذآ من السيآرآت , لكن من نآحية العملية ما شاء الله تبآرك الله :) وكلاآمي على ال v4 ومآ ضنيت الألترآ تفرق ..!!
من خلال تجربتي لي
1- كامري 2006
2- كابريس 2006
3- ماركيز 2008
4- اكورد 2009
5- ددسن 2004
6- جمس 97
ما اقول غير ياحبي للاكورد رساوتها عجيبه الحمدلله الله لايغير عليها :d
بالنسبه للمواقف
صار لي موقف وانا راجع من المدينه الى القصيم
امشي 210
والخط امامي مفتوح
فجاه بدون سابق انذار من صاحب كامري من الشكل الجديد كان ماسك المسار الاوسط وامامه سياره ويبي يتجاوزها دون النظر الى الخلف اللي هو انا واذا به يسقط سقطه اليييييمه وركز على الييييمه لانها فعلا سقطه اليييمه بمعنى الكلمه
انا على طول ناظرت للمسار الايمين هل يوجد سياره لان ما فيه الا حلين يا انه اخذها جزيره مع الدخول في التراب وممكن تحوص او انه اخذها من يمين ولا يوجد حل اخر لان حتى البريكات في ذاك الوقت على السرعه ماتنفع ولا بريال
المهم ناظرت يمين الا فيه تريله قلت مالنا الا يسار
قسم بالله يارجال ان نصف السياره على الردميه ( الجزيره ) ونصفها على الخط وبحمد من الله وفضله ثم بفضل رساوة الاكورد تعديت الامر ولا كاني مشيت على ردميه ولا اختل توازنه ولا شي
هذا الموقف والله والله والله كبر الاكورد بعيني كثير من ناحية الرساوه وما اقول الا ياحبي للاكورد بسبب رساوتها
اقتباس:
المشاركة الأصلية كتبت بواسطة عذب الصفات
اتصدق وانا اخوك ...
انا اشوف ان الاكورد 2007 ارسى من 2008 فما فوق والسبب انسيابيتها
بس قبل الاكورد كانت عندي اكسنت 2010 :d ياشيييييييييييخ علبة حاطين بكل ركن كفر :mad:
المهم ان الاكورد احسن منها
والاكورد الي معي 2004 ^_^
بس
العزل فاشل لك عليه بقوه بعد الاكسنت اصرف منها ..
والي يبي يتحكم بالسيارة اكثر يحط يايات ايباخ جدا جدا جدا جدا انفعتني بكثيــــــــــــــــــــر ^_^
الرساوة ممتازه بس حذفة الدركسون تكرهك بحياتك
كم خلال تجربتي لسوناتا 2011 وماركيز مديل 2000 وفكتوريا مديل 2004 واكورد مديل 2005
اقولها وبالفم المليان ان الاكورد هيه ملكة الرساوة كيف ؟ انا اقولك كيف
قستها بمنعطفات حادة الاكورد كنت ادخل المنعطف على 90 وانا مرتاح
اما الفكتوريا مثلا كنت ادخلها على 50 وانا خايف ولازق بالدركسون . ..
ثانيا السيارة ما تروح يمين ويسار مع مع المطبات والحفر الصغير
ثالثا السيارة لما تمر بسيارة ثانية تحس بتجاذب خفيف جدا جدا مقارنة بالبقية الي سقتهم
يا اخوان شوفو المفحطين وش يختارون(طبعا انا ضد التفحيط):)طبعا يفضلون الاكورد لييييييييش؟
اكيد لانها الارسى
الله يعطيك العافية اخوي بلال كلامك رائع جدا وعلمياقتباس:
المشاركة الأصلية كتبت بواسطة بلال العلمي
اليوم كنت فاضي وقلت بسوي شوية تجارب قمت بعد العصر طلعت مكان عندنا فاضي وبديت اجرب فيه ، لقيتها غير متماسكة تماماً
رحت لمحل كفرات خويي واخذت جنوط بكفرات نوع برجستون لكن قالي اقوى كفرات من ناحية الثبات وماشاء الله لاحظت فرق رهيب !!!!
بالنسبة للثبات على السرعة العالية وعند وجود هواء جيدة حتى بالكفرات الجديدة وفيه فرق لكن ماتقارن بالكابرس او السيارات الامركية ليش مادري ..
مع العلم ان الكابرس يفقد التماسك نهائيا الا انه راسي .. واعقتد فيه فرق كبير بين التماسك والرساوة مثل ماذكرت استاذي
بجميع الاحوال اكتشفت انه الكفرات تلعب 30-35% من اداء الثبات والتماسك والرساوة للسيارة ...
والنصيب الباقي لصالح نظام التعليق.
كل الشكر للاخوان الي تفاعلو مع الموضوع ..
عن نفسي اقتنعت وادركت معنى رساوة :d
اشكركم ع الموضوع الاكثر من رايع
وانا بالنسبه لي جربت :
اكورد 2007
واكورد 2008
وافلون 2010
بصراحه الاكورد من جد ملكة في الرساوة .
مع احترامي لك تقارن الاكورد بالافالون :dوالماكس بعد :dاقتباس:
المشاركة الأصلية كتبت بواسطة aBuZiyaD
الاكورد حلوة في الرساوة وهي الافضل في ((نفس الفئة))مثل الكامري والسوناتا والازيرا والاوريون وطقتهم
اما تقارن بالافالون معليش لأن الافالون فئة اعلى من الاكورد والمقارنة في الموضوع يتكلم عن نفس الفئة اللي فيها الاكورد :cool:
^^^
الظاهر انك سهران و فاصل :d
لالا ماعليك مافصلت ولا شيء :d
بس شكلك فهمتني غلط عشان كذا عدلت في الرد شوي :d
^^^
الحين وضحت الصورة :cool:
خلصتو ! http://dc10.arabsh.com/i/03290/bezguwnei942.png
الاكورد ياحبيبي وانت واقف راسيه .. فما بالك وهي ماشيه http://dc10.arabsh.com/i/03290/bezguwnei942.png
<< تعبت نفسك :d
الاكورد تعليقها رياضي وراسية جدا وثابتة انا جربت سيارات كثير تحكم الاكورد على السرعات العالية خيالي واللي جرب يعرف مومدحا ولاذم باحد
ياخي لو منك اثنين فاهمين كذااقتباس:
المشاركة الأصلية كتبت بواسطة احبك يالاكورد
كان الوضع سار :cool:
حتى لو تضيف التورس ضمن فئه الماكس والافالون :d
..
وقلهم كيف يقارنو كرولا ويارس بالاكورد هههههههه
امزح تحياتيي :o
اقتباس:
المشاركة الأصلية كتبت بواسطة بلال العلمي
اخوي بلال الازيرا ماهي راسيه ولا حتى السوسو ولا حتى الكامري الاكورد الي يخليها راسيه ثقل وزنها تصدق يابلال حتى الاوريون اثقل من الكامري مع ذالك الاوريون راسيه . طيب جرب كابرس 2006 وكابرس الجيل الجديد شوف ايهم ارسى اكيد الموديل 2006 تدري ليش لان وزنها اثقل من الوديل الجديد .
صراحة من أرسى السيارات إلي سقتها وأجملها قيادة على الإطلاق الأكورد يالبى قلبها ..
الأكورد راسية بس اتحداك ماتمسك الدركسون لان الحذفه بتدخلك على المسار الاخر خلونا صريحين
بس الرساوه خذ موتر ولو مافيه الحذفه كان الموتر اطلق موتر
السلام عليكم ورحمه الله وبركاته
بدخل ع الموضوع على طول
انا معايا اكورد 2011
بصراحه راسيه وفيه ادله وبراهين كثيره حصلت لي
طيب انا اقولكم اول شي قصة صارت لي مع كامري كنت اتحدى معاها فمنعطفات
طبعا كنا فمنعطفات طريق رايح جاي (مسار واحد رايح ومسار واحد عكس ) المهم
كانت الكامري قدامي وانا وراها الصدام بالصدام وكلنا حافظين الطريق للعلم انه كان مكشوف وفي الظهر الكلام هذا
جاه منعطف شوي قوي واحنا على سرعه 140 تقريبا المنعطف فيه طلعه ونزله بنفس الوقت بسيطه
المهم والله ثم والله ياانها الكامري قدامي بالعرض تسحب وانا زي ماانا .. ولا فوق هذا كله رجلي على البنزين زي ماهي وهو قدر يتحكم فسيارته وعدلها وجلس يسب فيا هههههه (مقهور)
هذا موقف وبنفس السرعه وبنفس كل شي
الموقف الثاني
كنت ماشي بنفس هذا الطريق (لاني اداوم منه) على سرعه 140 في الصباح
وفيه بوجهي تريله(شاحنه) جايه بوجهي والوضع عادي لانه الطريق مزدوج وفجاه لمن قربت التريله تطلع من وراها كامري متجاوزة وفوجهي
والله زي ماانا وبسرعتي اشرد على اليمين (منطقه رمليه) وبنفس سرعتي وبنفس دعستي للبنزين رجعت للطريق ووالله زي ماهي السياره حتى بس سوط الحجار فيي الصاجات
وللعم الاكورد راسيه يعني راسيه بالقوة والا بالعباطه راسيه يعني راسيه << اتحمس شوي هههههه
تقبلو مشاركتي معكم
معاند جروحة عاشق الهوندا
أنا معك يالغالي ان السياره راسيه بس نصيحة لا تغرك وتاكلها .. للمعلوميه الكوبيه حقتي حوصتها على شكل نطله يمين ويسيار أكثر من مره ونظام الرساوه شغال بس أحلى مافيها تقدر تدركها اذا انك سويق .. يعني مره اذكر كنت نازل المدينه مع صاحبي معه كامري وطريق المدينه معروف كله لفلفات قويه المهم يكون ماشي 200 شويه يوم تجي اللفه يهدي ل 160 أتعجب أنا أقله خيير ليه هديت يقلي هذا حد السياره ما أقدر أزيد عن كذا .. نجي للأكورد أذكر يوم بطريق المدينه كنت أتسابق مع فورد سبور المعروف انو هو طبلونه 180 والا 190 مدري عنها المهم لازم انا اكون ماشي اسرع منه عشان اكون قدامه طيب طريق المدينه معروف انه لفلفات كنت أخذ اللفه على 180 او 200 كلو يجي :)اقتباس:
المشاركة الأصلية كتبت بواسطة معاند جروحة
بس نصيحة لحد يقلد لأن ترى غلطة الشاطر بعمره !!
دحين جالسين تتكلمو عن الروساة تقارونو سيارات مع احترامي للموجودين سيارات مافيها شي اسموا ريحة الروساة على الروساة اول عشان تكون راسية السياره لازم يكون عندك تعليق رياضي هذا اول شي بالله في من ذا التعليق في الاكورد ههههه ولا السيفيك ولا مكسيما تبغوا تعرفوا ثباث او روساة السياره جربوا السيفيك التايب ار ولا جربوا قولف جي تي اي مو بس روساة الا ماتحس انك ماشي 180 فيها او 200 بحكم اني مجرب في قولف جي تي اي
في السفريات استخدمت فورد ماركيز واكورد
واسبوعيا من الدواسر الى الطائف
معروف الماركيز يحوص
امس حصل لي موقفين على الاكورد موديلها 2010
الاول طريق الدواسر رنية ماشي 200 وطلع بوجهي سياره من شيبان البر طلع وما شافيني وكان في المسار الثاني ويوم وصلته رجع بالمسار الي انا فيه وعلى طول لا تلقائي لفيت للمسار الثاني والحمد لله عدت على خير توقعتها انها تبي تزحف ......
والموقف الثاني طريق رنية الخرمة متجاوز شاحنه ويوم نصفتها وهو يميل علي وعلي طول طلعت السياره مصها خارج الخط ما اسمع الا صوت الحصا
وكانت علي سرعه 180 ويوم عديتها رجعت للمسار والسياره ما شاءالله كما كنت ما حاصت
وحبيت اقول لك تجربيتي في الرساوه لو الماركيز كنت في خبرر كان
تحياتي
جربو قولف جي تي اي اه والله السياره بمعنى الروساة في المنعطفات خذها بإقوى ماعندك اصلا راح تحس بكل ثقه فوق هذا وزنها 1500 كيلو يعني لا تجيب الاكورد ولا المكسيما معاها ولا تورس تعرف التحكم في مسكة الطاره تحسها انها ثابته معاك
الي يبي يعرف معنى الرساوة يجرب البي ام وبس استخدمتها سنتين مديل 1998 فرق بينها وبين الاكورد