غيرت الزيت هالمرة لألترا 7

**أبو علي التميمي** · 03-10-2011, 03:47 AM

اخواني بغيت مشورتكم أنا صار لي ثلاث سنوات اغير الزيت بالوكالة المهم المره هاذي قررت اغيره عند محطة بترومين اكسبريس لاني بصراحه متعاجز كل مره بروح للوكالة المهم غيرت الزيت هالمرة وخليته الترا 7 وش رايكم في الزيت يا أخوان لانه اشوف درجة اللزوجه في هالزيت اقوى من زيت هوندا ... ياليت حد يفيدني طبعا السيارة هوندا اكورد 2008 4 سلندر

**بقايا حب** · 03-10-2011, 10:38 AM

عادي مو مشكله بس اهم شي انك تكون غيرت السيفون معه
واثبت عليه . يعني مو كل شوي لك زيت ..

وعادي اخوي ما فيه ضرر والزيت هذا جودته كويسه .

**قلبي حبك** · 03-10-2011, 12:12 PM

انا استخخدمه جدا روعه ممتاز مره

**خلووود1233** · 03-10-2011, 01:10 PM

عادي مافيه اي مشكله ان شاء الله لكن حبيت انبهك على معلومه تفيدك نصيحه لاتخلي العامل يزود زيت الدركسون الا زيت الوكاله لأن العامل في شركة بترومين كل مارحت لهم يزودون زيت الدركسون بزيت قلف وانا مادري لين الطرمبه اخربت وغيرتها والمكينه تاخذ اربع علب وربع اتمنى اني افدتك

**يوفنتوس** · 04-10-2011, 02:06 PM

انا حاليا اخي الكريم استخدم الترا 7 من شريت السياره مستعمله صار لي 8 شهور وماشي الحمدلله معي تمام ولكل شخص وجهة نظر بالزيت اللي يحسه يلائم سيارته .. لكن بترومين عند كل تغيير زيت يجيك الفلبيني ويقول لك بحط لك زيت مدري وشو ينظف البخاخات ويوريك بروشور انتبه اخوي لا تحطه تراهم نصابين ...غير زيت وسيفون وتوكل الله

**nasser1430** · 04-10-2011, 04:37 PM

أنا صار لي تقريباً 7 أو 8 سنوات أغير زيت ( ألترا 7 ) .... زيت ممتاز ولزوجته متماسكة ... ولا يقلب لونه إلى بعد 7 أو 8 آلاف ... بس نصيحة مهمة جداً لا تغير سيفون المكينه ( فلتر زيت المكينه ) من عند أبو يمن أو من أي مكان ثاني خذه من الوكالة على طول ( اشترى كم سيفون على حسب ميزانيتك - قيمة السيفون الواحد تقريباً 20 ريال ) وخله عندك في البيت أو في السيارة في كل مرة تغير الزيت تعطيه العامل وتقول له يحط شويت زيت على ربلة السيفون ( ولا يزر عليه بزيادة علشان ما يكسر عليك سنة المكينه ) .. وخله يحط لك ( 4 علب وربع ) ... وشيك عليها في البيت من اليوم الثاني احتمال يكون فيه نقص بسيط جداً .

وزي ما قالوا الاخوان لا يحط لك زيت دركسون من عنده ( نفس الشيء وأنت في الوكالة اشتر زيت دركسون علبة واحدة كفاية وتراها تفرق عن زيت الدركسون العادي يجي لونها ( بني ) ... وقيمتها حدود 30 ريال ) .

وفيه ملاحظة أكررها في جميع المنتديات اللي مشارك فيها ويغفل عنها كثير من الشباب ( تنظيف فلتر هواء المكينه ) خل عامل المحطة ينظف الفلتر بشكل صحيح ... يعني مهوب ينفخه بشوي هواء وبس ... يعني شغل أي كلام ... تراه مهم جداً ... ويعتبر أنف السيارة ... وراح يحافظ على نظافة المكينه والثروتل بودي وكذلك البخاخات ... وشنابر البساتم ... وهذا سبب رئيسي في تبخير الزيت ونقصه .

هذا اللي حبيت أضيفه ... وآسف على الإطالة ... والله يوفقنا وإيــــــــــــــــــــــــــــــــــــــــــاك .