المشاركة الأصلية كتبت بواسطة أكـورد 2009
أنا من رأيي مدام السياره توها جديده واظب مع الصيانه شوي .. أنا الحين سيارتي ممساها 75 ألف وساحب على الصيانه من فتره :d
والله وجهة نظر وأشكرك عليها ... بس القصد والله مهوب بخل .. لكن قهر يأخذون مبلغ وقدره وآخر شيء ما يسوون ولا حاجة .. يعني سرقة عيني عينك ... شاكر لك ردك ... ولاهنت .
المشاركة الأصلية كتبت بواسطة قلبي حبك
السلام عليكم
نصيحة اخ محب لك
اسحب على ابو من جابها والتزم بتغيير الزيت عند بنشري يكون ممتاز كل 3500 الى 4000 في الصيف
وفي الشتاء من 4000 الى 5000 كيلو تغير الزيت
وغير مره بسيفون ومره بدون سيفون
السيفون تشتريه من الوكاله لاتغيره من اللي عند البنشري لو هو بريال
بالنسبه للصيانات والضمان اسمع هالكلمتين يمكن تقنعك وتستفيد مني
دخلت سيارتي على صيانات التاليه 1000 - 5000 - 10000 - 15000 - 20000 وشفت ان الوضع نهب فلوس على الفاضي والله على الفاضي مايسوي اي شي في سيارتك مهم يستاهل ذاك المبلغ غير انه يغير زيت وسيفون وبالاخير ياخذ 400 ريال مادري على ايش
سحبت عليهم ورجعت لهم بصيانة ال 40000 الف واضطريت اسويها علشان يغيرون الكليبر مع انه المفروض يغيرونه حتى لو ما اسوي الصيانه بس وش نسوي يبون يسرقونك غصب
والحين سيارتي ماشيه 85000 والحمدلله ما واجهت اي مشاكل
والي سويته كالتالي من بعد صيانة ال 20000 سحبت على الصيانات واسوي كذا
كل 30 الف اغير فلتر الهواء اشتريه من الوكاله
اغير زيت كل 3500 مره بسيفون ومره بدون
لمن وصلت السياره الى 60000 غيرت زيت القير عند الوكاله وماسويت الصيانه قلت لهم بس غيرو زيت القير والمبلغ كان حوالي 300 والصيانه وقتها كانت حوالي 750
والحين ان شاء الله اذا وصلت لصيانه 100 الف بغير السير والبواجي وفلتر البانزين وفلتر الهواء وزيت القير (( احتمال اسوي صيانة ال 100 الف في الوكاله لان القطع فيها كثيره ))
في الاخير مبروك السياره وانت رجال عارف سيارتك وتعرف ايش تحتاج طبعا بعد الملاحظه والتشييك عليها من فتره لفتره
صدقني اسحب وبتستفيد توفير فلوس ووقت وجهد
والله هذا اللي أفكر فيه ... ولما أتذكر السيارات اللي طلعناها من الوكالات قبل أنا و أبوي وأخواني ما كنا نعرف شيء إسمه صيانة دورية في الوكالة ... وكانت الأمور على ما يرام .
شاكر لك يالذيب ردك الوافي الكافي ... ولا هنت
رد مع اقتباس
مواقع النشر (المفضلة)