الموضوع: أبشركم طلبت قطعة الآيبود

اول شي كل عام وانتم بخير وعيدك مبارك وعساكم من عواده

من اسبوع ونص توكلت على الله وطلبت وصلة الآيبود من امريكا وقيمتها 129.99 دولار + 30 دولار قيمة الشحن الى بريطانيا - لندن واليوم جاني رسالة بالبريد يقولون القطعة وصلت وعليها ضريبه VAT
قيمة الضريبه 27 جنيه استرليني + مصاريف تخليص الجمركي كلها على بعض 27 جنيه استرليني

وان شاء الله ان الله اراد وصحيت بدري بروح للبريد وادفع الرسوم واستلم القطعة وانا على احر من الجمر ابي ارجع الرياض علشان اركبها بس يالله الشكوى لله انتظر شهرين وارجع الرياض اول ما اعطل من الجامعه

هذي صورة القطعة

القطعة وصلت خلال اسبوع ونص من طلب القطعة ويمكن تكون وصلت قبل لأن الفتره اللي راحت كان في اضراب من قبل موظفين البريد البريطاني بمطالبه زيادة الرواتب بس اليوم جاني خطاب البريد يبلغوني بالرسوم المطلوبه

واشكر جميع من ساعدني بالحصول على القطعة وهذا رابط موقع الشركة اللي يبعون القطعة ليستفيد الجميع
iPod to Car Interface Adapters for Honda Accord 2003-2007 EnfigCarStereo.com iPod XM Sirius car interface adapter kit specialists.
يوجد في الرابط اربع قطع جميعها تركب على الاكورد والسيفك بس بصراحة مدري عنها لأني ما جربتها واللي يبي القطعة يقدر يشوف الرابط اعلاه

طبعاً سيارتي اكورد 6 سلندر فضي موديل 2004

اخوكم
عبدالله