قدر الله وماشاء فعل .. صار لي حادث باكوردتي الجديدة 2011 :(

[ال سالم]

السلام عليكم ورحمة الله وبركاته
كيف الاحوال ياخوان ..؟

شقول ومن وين ابدي .. والله النفسية خايسة لابعد الحدود ..
بس مانقول الا قدر الله وماشاء فعل .. وجعله ان شاء الله خير لي ..

وانصحكم نصيحة ياخوان .. خلكم في حياتكم safety .. حتى لو كان الخطأ من غيرك .. حاول تنتبه وتركز ..

صحيح السياقة فن وذوق .. ويشهد الله اني كنت عاطينها كل اهتمامي .. بس الواحد اذا سلم نفسه ماسلم من الناس .. وهاذا الي صار لي عند اشارة من اشارات القطيف .. كان فيها حفريات ومن الصباح الساعة 7 .. كانت الزحمة المرورية مو طبيعية .. الشارة فتحت لينا ومشت .. ومع الزحمة .. تكدست السيارات كلها في الوسط .. يوم مشيت فتحت الاشارة الي جنبنا .. وفجأة يطلع علي واحد وانا اطق له هرن بس مو منتبه للي قاعد يصير .. ويضربني في الرفرف الي من جهة الراكب .. ومن سوء حظي كانت الحفريات من جهتي ( السواق ) والضربة خلتني انفلت على الخرسانة .. وتصير الكارثة اعظم ..

هاذا الي صار .. والحين ياشباب باحط صور وقت الحادث .. طبعاً جت نجم وحطت الخطأ عليي 100% وانا مادري .. مادريت الا يوم سلمت الاوراق الى شركة التامين .. !!

طبعاً الحادث كان واضح في تلاعب من نجم , وكنت لو ادري لكان سويت هدرة عليه .. بس راحت عليي .. المهم انا الحين ابغا نصايحكم ياشباب ..


طبعاً انا راح اقوم بتصليح السيارة كل شي على حساب التامين ( تاميني شركة اياك - سلامة - )

راح ادفع 4 الاف ريال قيمة تحمل لان عمري اقل 21 سنة .. :(

والباقي راح يتحمله شركة التامين .. راح اصلح السيارة في وكالة هوندا ..

بس من تجربة الشباب .. هل تتوقع السيارة راح ترجع مثل اول واحسن من قبل الحادث ..؟؟




وهاذي الصور ..

IMG_2815.JPG


IMG_2816.JPG


مثل ماهوه موضح ان الضربة جت من جهة الراكب الامامي ( عند الكفر ) .. الكفر صار فيه انعواج بنسبة بسيطة .. هاذا يعني ان الضربة اثرت على العضلات .. والله اعلم

IMG_2819.JPG

الجنوط راحت فيها .. ( السؤال .. بيغيرون لي لجنوط ؟ )

IMG_2818.JPG

الصدام الامامي قبع .. بس الشبك ظل .. تتوقعون راح يتغير الصدام مع الشبك ولا بس بحطون صدام ؟
لان الشبك القاعدة حقه انكسرت ..

IMG_2817.JPG

الانوار والكشافات طارو .. اللوحة الامامية انعوجت على خفيف

IMG_2814.JPG

الباب انشق ( بيتبديل صح ؟ )







سؤالي ياشباب .. السيارة من قبل صابها ضربة في المرآة الي جنب السواق .. تتوقعون يصلحوها ؟


وايضاً عندي حكة + Dent .. في الصدام الخلفي .. هل راح استطيع اعدله على حساب التامين .؟؟




ياليت تفيدوني ياشباب .. !!

[King]

يارجال اهم شيء سلامتك وسلامة من معك, الصدمه جدا ً بسيطة والحمد لله ماتأثر شيء بالجسر ولاطلعت الأيرباقات او الرديتر ماخرب عليك امرك جدا ً سهل (هونها وتهون)..

رفعت لك الصور حتى محد يواجه مشاكل التحميل..












لاحظ معي الأشياء إلي راح تحتاج تغيرها هي الأسطب الأمامي فقط لأنه انكسر وماله حل إلا التغيير قيمته اعتقد فوق الـ 700 ريال بالوكالة (بدون دينمو + شمعات) فقط جرم

الصدام ماجاه شيء ابد بناء على الصور الموجوده, يعني إذا جاه شيء ممكن تصلحه فيبر جلاس وتلميع بدون رش (هذا إذا ماتأثرت البويه)

بالنسبة للرفارف الجانبية لازم كلها سمكره ورش بويه من جديد لأنها كلها تأثرت..

الجنوط في حال انه انعفط او صار فيه شيء وده مخرطة جنوط ويضطبه لك بحيث انه مايرج معاك ولاتنسى الترصيص بعد الخرط..

الشبك اشوفه نظيف, انا من رأيي بكل صراحه إذا تقدر ماتدفع المبلغ 4000 ريال يكون افضل لك وصدقني كل شغلك هذا ماراح يكلفك 2500 ريال (شغل يد مع رش وسمكره وتغيير إسطب) والباقي احتفظ فيه راح تحتاجه يوم من الأيام..

لكن إذا انت مجبر على دفع المبلغ والتأمين راح يغطي الباقي صلحها بورشة وخذ باقي المبلغ (هذا إذا سلموا لك المبلغ كاش او شيك) يعني انت دفعت من عندك 4000 ريال وهم دفعوا الباقي لنفترض ان التسعير على الوكالة او الأتفاق الاصلاح يكون بالوكالة اكيد التكلفه راح تطلع فوق الـ 7000 ريال..

خذ المبلغ حقك 4000 ريال ورجعه لك والباقي صلح فيه السيارة بورشة محترمه عندكم بالقطيف او بالدمام الشباب ماراح يقصرون معاك..


واخيرا ً وليس آخرا ً من شاف مصيبة غيره هانت مصيبته والحمد لله على كل حال, الاهم سلامة البدن وسلامة الشخص نفسه, الحديد ببليس بكرا تقدر تستبدله بجديد..

[خارج عن السيطرة]

حمداً لله على السلامة . كل شئ يتعوض. والصدمة بسيطة وانا اخوكـ لا تكبرها .
في قصقص لناس الواحد توه يطلع السيارة من الوكالة على التشليح .
واللهم احفظنا وابعدنا عن شر الحوادث واجر اخينا في مصبيته.
وفقكم الله وكان في عونكم.

[ال سالم]

مشكورين جميعاً على ردودكم وتفاعلكم .. يمكن لان هاذي اول حادث يصير لي في حياتي فصاير خايف ..

عالعموم اخوي king .. انا ناوي اسويها كل شي في الوكالة .. ماودي اسوي شي في ورشات ..

اظن شغل الوكالة راح يكون افضل .. وثاني شي الوكالة كل شي تبديل اضمن لي من التصليح ..

بس الجنوط على فكرة تضررو .. يعني صار فيهم شماميخ وتكسير ..

ثاني شي انا مو خاسر شي .. انا دافع دافع 4000 ريال في الوكالة ولا ورشة .. لان لازم ادفعهم للتامينات قيمة تحمل .. والتامينات راح تدفع التكلفة كلها .. يمكن تصليحها يوصل فوق 7 الاف زي ماقلت ..

[meshoo]

وعليكم السلام

الحمد لله على السلامه

ملاحظه/ قدر الله وماشاء فعل

[Accord_2005]

الحمد لله على السلامة و الله يكفينا ويكفيك شر الحديد

وشكل الموتر هذا الحادث الثاني له اذا ما كنت واهم ؟؟!

الله يكفيك شر العين و الله الموتر ما شاء الله تبارك الله لكن وش تسوي شكل احد تعاينه

و قدر الله وما شاء فعل

[At3bny-glaha]

يا رجال في الحديد ولا في العبيد .. واهم شي سلامة الواحد .. والموتر يجي بداله الف موتر ..
والحمد لله ع سلامتك يالغلا .. بغيت اسالك انت مطلعها نظام تاجير من اي شركه ..

[ال سالم]

ايوة هاذا اول حادث يصير للسيارة .. ليش تشوف شي في السيارة ..؟

--------------

السيارة شاريها بنظام تاجير من شركة تاجير ..

--------------------------------

[الله يذكر ايامك]

الحمد لله على السلامه
في الحديد ولا في العبيد

[Accord_2005]

ايوة هاذا اول حادث يصير للسيارة .. ليش تشوف شي في السيارة ..؟

--------------

السيارة شاريها بنظام تاجير من شركة تاجير ..

--------------------------------

هههههههههههههههههههه لا يالغالي انا شكلي ملخبط

لانه من فترة واحد معه نفس الاكورد حقتك وجايب صور لها صدمه في الرفرف الخلفي وسمكرها ونزل صور لها بعد السمكرة فعاد كنت احسبك انت صدمة مره ثانيه وقلت شكل جاك فيها عين الله يكفينا شر العين

والحمد لله على السلامة ودام إنك سلمت الحديد يتعوض بألف غيره و الله يعوض عليك وتأكد إن في هالحادث خيره لك
(( وعسى أن تكرهوا شيئاً وهو خير لكم ))

[aziz93]

ياخي هالحفريات خطيرة وخصوصا الي جاي من مطعم الطازج ويبغى يروح للهدلة تلاقية يمشي مليون

وحمدلله على سلامتك

[أكـورد 2009]

الحمد الله على السلامه

[دنيآ الغرور]

القطع المتضررة تقريبا

1-صدام امامي سعره جديد . 1200 او اكثر
2-نور امامي يسار الجديد بحدود 800-1000 ريال
3-قاعدة نور يسار 125 ريال
4-بطانة رفرف يسار 250 ريال
5-كشافات (اذا اكان فيها من الاصل) اعقتد سعرها بحدود 1500-1700 ريال
6-علبة هواء الماكينة !!
7-رفرف يمين ..!!
8-رفرف يسار ..!!
9-جنوط امامية حسب ماذكرت ..!!


اذا حابب تريح راسك وماتبي كل شوي تلمس الصدام وتشوف اذا فيه اختلاف وزنية وتبي شغل مضمون اتحمل 4 الاف ريال ووديها الوكالة بشرط تبديل اي قطعة لو ممخوشة

واذا حاب توفر على نفسك ممكن تسوي زي ماقالك الاستاذ كنق ..

الحمد لله على سلامتك حبيبي والله يجعلها اخر المصايب ..

[أكــــــــــورد11]

الحمد لله على السلامه وماتشوف شر .
لاجل التذكيرياخواان دعاء الركووب (سبحان الذي سخر لنا هذا وماكنا له مقرنين وانا الى ربنا راجعون بسم الله امنت بالله توكلت على الله ولاحول ولا قوة الا بالله)
ماتضرك يالشخص لا انا ولا انتوا وانت تقولها ماتاخذ منك 10ثوان الاوانت قايلها وترا النفس اماره بالسوء ولا بعد احنا بالسوالف بغير الذكر لو نتكلم للفجر ماعندك مشكله الله يعوضك وماتشوف مكروه..

[al.berens1]

الحمدلله على السلامة يالغالي

وماتشووف شرر وفي الحديد وله فيك

[نووووفي]

الحمدالله على السلامه قلبواااا

[بلال العلمي]

التأمين اذا انت حاطه تصليح وكالة بيستبدل كل شي في الوكالة

الرفارف اذا انعفطت تستبدل فورا والباب اذا فيه قطع ان شرخ يستبدل ايضا على حساب التأمين

والجنوط حسب العقد لانه احيانا شركات التأمين ما تغطيها لك والعضلات السفلية اذا تضررت من اذرعة ومقصات بسبب الحادث ايضا يتم تغطيته ولا تخاف كل شي بيرجع وكالة

لكن السؤال هل التصليح اللي انت طالبه من التأمين تصليح وكالة ؟؟؟؟؟

[W.M.B]

قدر الله وما شاء فعل

وآخر المصآيب ان شاء الله

وبسسيطة ان شاء الله كلها رفرف وصدام و اسطبة وكم تعديل الحمد له ما جاء الكبوت ولا الديتر

[بدر علي]

حمداً لله على السلامة . كل شئ يتعوض. والصدمة بسيطة

لا تكدر كل شي يتعوض ....

[أكورداوي]

والله اذا قدرت تصلح السياره في ورشة الناجم تراها أفضل من الوكاله بمليون مره واسألني مجرب الاثنين وشتان بينهم لكن للمعلوميه الناجم أغلى من الوكاله لدرجة الضعف احيانا !!

موقع الورشه : طريق الدمام - الخبر السريع بعد برج اسمنت الشرقيه على اليمين