الموضوع: الفحمات الهوبات امامي خلفي استيراد من برا

السلام عليكم ورحمه الله وبركاته

حبايبي حبيت اسئل

انا معي هوندا اكورد 2004 اربعه سلندر قير عادي

المهم انا ناوي اغير فحماتي وهوباتي خلفي امامي لكن ماهوب وكاله ابجيب من برا لئن هوبات وفحمات الوكاله يقولون انها مرصعه بالذهب 24قيراط والكهرمان والياقوت الفرنسي وانا الصراحه ماحاب المرصع بالذهب وخصوصا يقولون الفرنسي صار اقل جوده من الاول الياباني ههههههههه:d



يعني عن كثر الهذره وباختصار ابطلب فحمات سيراميك مع هوبات اتوقع والله والعالم انها ارخص او حول قيمه الوكاله ولو كانت اغلى بتكون اغلى بشوي

هذا اول سبب

ثانيا اطول عمر

ثالثا للي راعي مطاير مثلي يصلحن له لئنهن ماهن مثل الفحمات الكربوون تحتمي ولا تمسك من كثر الدعس الفرامل الجيب البورش والبانوراما الفل يعني مواتر السرعه تجي سيراميك



ابي اسئلكم وش رايكم لئن هوباتي الاماميه اقرب مالها صاير ورقه والسبب الثانيه فيها كسر فادح احس فيه اذا مسكت فرامل ترج السياره كلهن خلفي وامامي يعني الوضع لا يحتمل

اللي يركبون معي لو شافو الهوبات مكسورات بهالقوه وانا اضرب خطوط فيهن بيشنقوني شنق على طول ههههههه:d


فا وش رايكم هل فيه احد جربهن

ابي واحد راعي انجليزي مضبوط يدورهن لي الله يعافيكم لئني بالانقليزي لكم علي شوي ولا اعرف احسبها بالشحن بكم بتوصل انا في منطقه الرياض بالتحديد المجمعه