هذا الي صار لي اليوم بصيانه 20.000 - صدمه -
صباح الخيرات لكم جميعا
حبيت انقل لكم الي صار معي ,, رحت ابي اسوي صيانه 20.000 سيارتي 2010 فل لها معاي سنه و 7 شهور وواضح لكم الممشى قليل .. احمد الله انا مو راعي قومات ولا سرعات عاليه ومحافظ على سيارتي الحمدلله وملتزم بالصيانه من يوم ماطلعتها
قبل الصيانه بيومين تفاجات البوري ضرب صار صوته غريب لمن رحت للوكاله اكلم المهندس الفلبيني بالانجليزي طبعا مايعرف عربي قال خلاص نشوفها وقلت له بعد ابيكم تدورون الكفرات وتشوفون لي البطاريه كم فيها نسبه قال طيب قلت انا ماني برايح ابي تسوون الصيانه واشيلها الان خصوصا اني بموعد قالي ok
شوي طبع لي فاتوره بحوالي 1250 الى 1500 ماني فاكر بالضبط
قلت له حقت ايش ؟
قال تغيير اقمشه وخرط هوبات !!!!!
عنبو ابليسك انت الحين شيكت عليها ؟ عرفت وش الخربان ؟
قلت كنسل الشغلات ذي وشيك فقط ولو في شي ترجع تكلمني وتقولي السياره فيها كذا كذا وانا اعطيك الاقريمنت يا ياقولك ايه يا لا
قام عدلها الى 550 اعتقد با تزيد بشوي يا تنقص بشوي الي هي قيمه صيانه العشرين!!!
ماعلينا
..
المهم قعدت بصاله الانتظار اقلب بالايباد لين شفتهم جابو سيارتي ورفعوها وجا المهندس تحتها مسكني فضول الا اني اروح للمهندس.. فعلا رحت
سالت المهندس قلت له قريت بالمنتدى انه في شغلات تتشيك على 20000 وفي اشياء على 40000 قالي كل الصيانات وحده وتشييكنا واحد سواء 1000 او 5000 او 100.000 .... هنا صراحه اكلت معي شوي
ولا شفته سوى تدوير للكفرات ولا غيرها ولا شي ولا اهتم بالبطاريه ونسبتها وتنظيف الاصابع على الاقل
قلت له ليش ما تبدل الكفرات وتشوف البطاريه ؟ قالي مو مكتوب لي !!
قلت ياحبيبي انا قايل للفلبيني وبعدين مو شرط سالفه تدوير الكفرات تنكتب المفروض تتغير بدون في كل صيانه
قالي طيب بغيرها ولكن والله مو مكتوبه وفعلا غيرها وعقبها جاب الجهاز حق قياس البطاريه
عنبو ابليسكم وكاله ... ولازم اوقف على راسك يامهندس ؟!
وش خليت لابو يمن بالورشه اجل ؟
ماعلينا ومالكم بالطويل لمن جا يغير البوري راح يغيره على الضمان طبعا .. طبعا غير البوري الواطي والعالي الاثنين
والله ثم والله مكتوب اكياس البوري الي ركبها صنع بالفلبين ولمن فك الي عندي مكتوب عليها صناعه اليابان
قلت له الحين شلون كذا .. طبعا قالي الحين كلها امريكيه .. قلت له عارف انها من 2011 امريكيه بس وش دخل الفلبينيه ؟؟ للاسف مافي اجابه
المهم تركته ورحت اطقطق بالايباد ..
قالولي خلصت السياره جيت اشغل ابي امشي
شغلت المكيف الا في صوت زي التنسيم خفيف محل فلتر المكيف داخل الدرج كلمت المهندس قالي صح في صوت وراح للفلبيني .. شافها الفلبيني فك الفلتر قلب فيه رده صك المكيف شغله ثاني قال طبيعي
قلت السياره معايه من سنتين وفاكها زيرو من الوكاله ومشيتها 20000 ولا سمعت هالصوت الا بعد صيانتكم تقوم تقولي طبيعي ؟ قالي صدقني طبيعي
قفلت معي واروح للمدير حق الصيانه وشرحت له الوضع ويرسل معاي كبار المهندسين على قولته شاف السياره
قال طبيعي !!
يرحم امكم وربي سيارتي تحت يدي ولا عمري سمعت هالصوت فيها .. قالولي لا تخاف انت سيارتك تحت الضمان ولو صار شي احنا مسئولين وبنوريك سيارات ماشيه اقل من ممشى سيارتك وفيها هالصوت واصلا احنا ماقربنا فلتر المكيف ومن هالكلام
شلت سيارتي ببواري فلبينيه وبصوت بالفلتر حق المكيف ويعنني مسوي صيانه بالوكاله !!
هل انا انلعب علي ؟! هل اترك الوكاله واجرب مع ابو يمن ؟!
ابي اعرف وش سالفه البواري الفلبينيه ؟؟
اخوي بلال فيدني بالبوراي الفبينيه ذي
شاكر لكم ومقدر يا اخوان
رد مع اقتباس
مواقع النشر (المفضلة)