الموضوع: شاشة أكورد 2007 امريكي

مساكم الله بالخير
يا إخوان أنا حقيقة ما اعرف شي بالهوندا ابد
بس جاء بخاطري اشتريها لأني شفتها مع قريب لي
وأعجبتني حيل رحت ادور على اكورد بمواقع العرض
وطحت على وحده معروضه بالكويت وانا بالرياض
المهم اشتريتها منه وجبتها قبل 5ايام
لما شافوها الناس اللي تعرف بالسيارات
قالوا هذي قمة بالفخامة وتختلف عن الخليجي والسعودي
بمميزات حلوه أنا صراحه انزجر راسي وانا
ما ادري وش قصة الاستخدام الامريكي والخليجي والسعودي
ليه ما كلنا بشر نعرف ندوس ونعشق ونلف ونقحص :d
المهم
فيه الساعة عندي ما اعرف برمجتها على الوقت
وفيه لمبات مولعه ما ادري وش قصتها
وديتها لخبير فني يماني الجنسيه يشتغل بنشري بالمحطه اللي جنب البيت :o
وقال لي افصل البطاريه واشبكها وتضبط معك
قام وفصلها عسى ربي يفصل راسه بعد عمر طويل
ولما شبكها قفلت الشاشة اللي فيها التحكم بالمكيف والراديو والمسجل
وأخوكم بالله له يومين ذابحه الحر ولا يقدر يشغل المسجل
ولا الراديو
وليتنا من حجنا سالمينا
لو أنا مفتك من الخبير الفني اليماني كان أبرك لي
المهم الحين اللي يفيدني وشلون اضبطها اكون له شاكر
مع العلم ان لها رقم سري ودخلته وفتحت الشاشة
بس المشكلة ما قدرت اشغل الراديو والمسجل
وبرضو الساعة ما اعرف اضبطها على الوقت
لا تضحكون علي يا جماعة والله ما اعرف شي
ولا هو عيب ان الواحد ما يعرف شي
مار العيب ان الواحد يكابر بالمعرفة وانه عارف كل شي
اي صح قبل أنسى
يقول لي واحد ان فيه شاشة ملاحه وما ادري شو
وش قصته هذي بعد ووشلون اتميلح به
وش بعد وش بعد
إيه إيه
فيه بالشنطه وراء جهاز مركب بسقف الشنطه
فتحته الا فيه مدخل للسي دي
وش قصته هذا بعد ؟
وآسف على الاطاله