الموضوع: السيارة فيها نفضية

المشاركة الأصلية كتبت بواسطة aliahmed

السلام عليكم ..

عندي مشكلة غريبة بالموتر ..

أول ما اشغل السيارة .. وتحمى ... اشغل المكيف .. واعشق على d

اول ما ما اعشق السيارة ترج واحسها بتطفي !!(وقد طفت على مرتين قبل) هذا الكلام اذا طفيت السيارة ورجعت شغلتها بس ... اما باقي الوقت مافيها الا العافية ..

كراسي المكينة عندي جديدة ..

ملاحظة : نظفت الثروتل بدي قبل اسبوع تقريبا ... واختفت الرجة بشكل كللللللي .. يعني اشغل الموتر واشغل المكيف واعشق وامشي .. بدون أي رجة نهائيا ... بس الحين رجعت الرجة بشكل قوي ويعور القلب !!

:(

نفس المشكلة ...

فيه واحد من الاعضاء في احد الردود كان يقول احتمال من صفاية البانزين

حساس الهواء يبي له تغيير في الحاله ذي
تلقاه في التشليح فكه من مكانه من الثروتل
بالوكاله يجيك كامل مع البوابه قيمته فوق الـ2000 ريال

شوف يابعد قلبي الرجة هاذي مشهورة فيها الهنادي بس تلقى السبب من حساس منظم الهواء لو فلتر البنزين او طرمبة البنزين

يعطيكم العافية ..

بس ما اتوقع المشكلة من فلتر البنزين ..لاني اذا فصلت البطارية فترة ورجعت شبكتها ... الرجة تختفي يوم او يومين وبعدها ترجع مثل ماكانت ..

الاحتمالات اللي ذكروها الشباب محتملة ... طيب وش وضع البواجي ؟؟؟

البواجي ماشي عليها 20 الف بس

تبي نصيحتي ودها الوكاله وقولهم يفحصون كهرب السياره قيمة التشييك 160 ريال لأني متأكد ان المشكله كهربائيه دامك تفصل البطاريه وتشبكها وتضبط يومين وترجع نفس المشكله
وراح تعرف المشكله وتروح تشتريها من التشليح او قطع الغيار وبكذا وفرت فلوسك او وفرت جهد وتعب انت في غنى عنه

وبالنسبه للعنوان السياره فيها نفضيه زيدها مهلبيه وراح تضبط معك خيو
من اهل الشام مثلا
لالا لاتصدق ترى امزح معك
اتمنى اني افدتك

المشاركة الأصلية كتبت بواسطة خلووود1233

تبي نصيحتي ودها الوكاله وقولهم يفحصون كهرب السياره قيمة التشييك 160 ريال لأني متأكد ان المشكله كهربائيه دامك تفصل البطاريه وتشبكها وتضبط يومين وترجع نفس المشكله
وراح تعرف المشكله وتروح تشتريها من التشليح او قطع الغيار وبكذا وفرت فلوسك او وفرت جهد وتعب انت في غنى عنه

وبالنسبه للعنوان السياره فيها نفضيه زيدها مهلبيه وراح تضبط معك خيو
من اهل الشام مثلا
لالا لاتصدق ترى امزح معك
اتمنى اني افدتك

كلامك صحيح ... هي تقريباً الشغلة كهربائية أكثر من إنه تكون ميكانيكية ، وفعلاً الفحص راح يوفر لك الجهد والمال ... وإن شاء الله تطلع السيارة في الأخير مهلبية .

موفق إن شاء الله