الموضوع: كرهت الأكورد من هذي المشاكل أتمنى احد يفيدني

ودهالوكاله على الضمان اذا انت محفاض على التشيكات حق الوكاله

و ان شالله بقي العضا يفدونك

السسلإام عليكم ورحمة الله وبركاته

كيفكم .. إنشاء الله طيبين

انا عندي اكورد 2010 v6

وعندي فيها مشاكل
ياليت تفيدوني فيها

1- انا بعد ماطلعت الموتر من الوكالة بفترة اكلت مطب جامد
ومن يومها الموتر يحذف يسار بقوة
سويت وزن اذرعة وخفت الحذفة شوي
وبدلت الكفرات وباقي زي ماهي .

2- يوم امشي بسرعة 120 وفوق واجي اربط فرامل بقوة يطلع صوت ورجة قوية اثناء
مااكون رابط فرامل
مدري وش الحل مع انه انا مغير اقمشة مرة وحده الى الآن وكان وقتها منتهية الأقمشة وكانت ع الحديد الحين كم واحد قالي سوي خرط هوبات فما ادري وش الحل

3- وهي الأهم عندي لمبات السيارة الأمامية تكبس يوم اشغلها
واحد كهربائي قالي من القاعدة
وواحد ثاني قالي انه التماس الحين انا فكيت اللمبات .

4- اذا شغلت الموتر يطلع صوت طقه مسموعه على طول بعد التشغيل

مع العلم ان الموتر ماشي حول الـ 40 الف
ومافي اي حوادث الحمد لله


السسموحةة اذا طولت عليكم

بس ابيكم تفيدوني بارك الله فيكم

الحمدلله إنه ماافي اي حواادث
يا اخواان تكفوون وش فيكم ؟

كرهت موتري

خاب ضني فيك بالأكورد

خنتيني يالأكورد,,,

طفشت من الأكورد

انجنيت من الأكورد


نص مواضيع الشعب كذاا


يا اخواان ذي سيآآره وإلي صنعوهاا بني آدمين ,,, وفوق كذاا ياخي انت ماكل حفره ليش تكره الأكورد ؟
ترا خراباتك بسيطه جداااا

2-نعم الحل خرط هوبات

وحاول ماتغير الفحمات وبعدهاا بشهرين كذا تقول بخرط الهوبات لا خل هالشغله مره وحده الخرط وتغيير الفحماات


3-ركب كتااوت او راجع الوكاله يغيرون لك علبه الفيوز على الضمااان


4- خف يدك على السلف اما صوت الطقه ماعندي علم فيه

ترا تكره الأكورد قسم بالله تجننك وتوريك نجوم القايله خذ لك قطع خذ لك خرابات


حاول إنك تحبها وتراعي مشاعرها وشوي شوي عليهااا وشوف كيف تبادلك نفس الشعور

صدقني اتكلم من جد ومايعرف هالشي إلا إلي معه اكورد وعشرة عمر

المشاركة الأصلية كتبت بواسطة بلال العلمي

كل ما ادخل اي موضوع فيه شكوى اللي يغلب انها مشاكل بسيطة الحمدلله مو مثل الاوريون اللي صايرة اغلب المواضيع عندهم طاح قيري

عموما مشاكلك بسيطة جدا

الحذفة صلحها في الوكالة في الميزان حقهم يشتغل بالليزر ونفسه موجود في العضيب اللي في الصناعية القديمة ارخص

وبخصوص الرجة اذا الفحمات مليانة فقط سوي صنفرة للهوبات والفحمات ورق الصنفرة اما 120 او 150 والافضل 150 اقوى شوي وافضل في النتيجة


صوت الطقة ياليت توضح من وين جاي واما اللمبات الامامية العلوية غيرها وتضبط معك باذن الله

هههههههههههه ياخي تروح وترجع على سيارات تويوتا ( حالتك صعبه ياصاحبي )

المشاركة الأصلية كتبت بواسطة غدير الموت

هههههههههههه ياخي تروح وترجع على سيارات تويوتا ( حالتك صعبه ياصاحبي )

حالته صعبه يوم انه عاشق للهوندا فالهوندا من قوة حب الناس فيها صارت صعبة الاستيعاب على عقلك يا ابو تويوتا الا اقول الافالون الجديده شاشة بلدها الاصليه في أي مستودع من حقات ابو جميل

المشاركة الأصلية كتبت بواسطة accord f15

حالته صعبه يوم انه عاشق للهوندا فالهوندا من قوة حب الناس فيها صارت صعبة الاستيعاب على عقلك يا ابو تويوتا الا اقول الافالون الجديده شاشة بلدها الاصليه في أي مستودع من حقات ابو جميل

تكفى ياللي ابوك عبدالله هاشم
ههههههههههههههههههههههههههههههه

قسم بالله عقليات صغيره انا مادري من اللي فاتح لكم منتدى فعلا شي يخجل

المشاركة الأصلية كتبت بواسطة غدير الموت

تكفى ياللي ابوك عبدالله هاشم
ههههههههههههههههههههههههههههههه

قسم بالله عقليات صغيره انا مادري من اللي فاتح لكم منتدى فعلا شي يخجل

في مثل يقول من شاف مصيبة غيره هانت عليه مصيبته والاخ بلال تكلم من واقع
يعني الاكورد عيوبها ارحم من غيرها ليش ترجمت الكلام من راسك على
ان ابوه عبدالله هاشم ؟؟؟
مع احترامي لك علقيتك انت الصغيره وياليت ثاني مره ماتكتب شي الا ومتأكد
منه واذا انك كاره موترك رح ولع فيه يمكن لان ابوك مو عبدالله هاشم هههههههههه

يا حبيب البي انا كنت اعاني من مشكلة الفرامل بحكم اني انيفي الصيف في منطقة جبلية يعني اعاني منها جدا جدا جدا
لكن غير فحمات اسمها نيشن أو نيسن يابانية مرتتااااااح معاها آخر حلاوة

المشاركة الأصلية كتبت بواسطة محتآآر

في مثل يقول من شاف مصيبة غيره هانت عليه مصيبته والاخ بلال تكلم من واقع
يعني الاكورد عيوبها ارحم من غيرها ليش ترجمت الكلام من راسك على
ان ابوه عبدالله هاشم ؟؟؟
مع احترامي لك علقيتك انت الصغيره وياليت ثاني مره ماتكتب شي الا ومتأكد
منه واذا انك كاره موترك رح ولع فيه يمكن لان ابوك مو عبدالله هاشم هههههههههه

والله ما اتذكر اني رميت عظم ههههههههههههههههههههههههههههههههههههههههه :d:d

لكبر ونضوج عقل بلال العلمي لن ينظر لأشياء اصغر منه ,,فما بالك ببعض الحشراات

اسرع طريقه لقتل الحشرات ,,,

الأكورد

بالنسبه للحدفه اعملها وزن مثل ماقالو الشبااب والترصييص حاول يكون ترصيص ارضي يعني يعملو لك بدون ما يفك الكفرات والاقمشه برضو انصحك باقمشه نيشن جيده ومجربه ولو قدرت تجيب اقمشه سيراميك من برره يكون افضل تحياتي لك لاتغير الهوب على طول نصيحه

ياليت تترافعون عن هالمهترات

والي يشوفكم يقول درى عنكم عبدالله هاشم ولا عبداللطيف جميل

دعونا نرتقي بحوارنا يا شباب

الرجال طرح مشكله ماله داعي كلن يرمي على الثاني هالكلام

ياليت تتقبلون كلامي بصدر رحب

المشاركة الأصلية كتبت بواسطة غدير الموت

والله ما اتذكر اني رميت عظم ههههههههههههههههههههههههههههههههههههههههه :d:d

ليه كذا أسلوب كلامك يا ( غدير الموت ) ... صدقني من المحزن جداً إن الواحد يشوف سب وشتم بهالطريقة وخاصةً في مكان محترم وأناس محترمين .

وأعتقد وأنت كذلك إنك رجل عاقل ... بس راح تندم إذا تذكرت إنك كتبت أو رديت مثل هذا الرد .

الله يهدينا وإيـــــــــــــــــــاك .

اخوي بالنسبه للرجه + الحدفه , تصليحها بالوكاله افضل واضمن
انا نفسك بس حادث بسيط من ناحية الكفر , وديتها اكثر من ورشه ونفس الشي
حذفه + رجفه مع البريك , آخر شي رحت الوكاله وصلوحها لي بـ 4 ساعات وبسعر معقول
وطلعتها كـ انها وكاله , اما بالنسبه للصوت , اول الايام كان الصوت يطلع عندي بعدين اختفى من نفسه

فـ اسمحلي ماعرفله ^^

المشاركة الأصلية كتبت بواسطة nasser1430

ليه كذا أسلوب كلامك يا ( غدير الموت ) ... صدقني من المحزن جداً إن الواحد يشوف سب وشتم بهالطريقة وخاصةً في مكان محترم وأناس محترمين .

وأعتقد وأنت كذلك إنك رجل عاقل ... بس راح تندم إذا تذكرت إنك كتبت أو رديت مثل هذا الرد .

الله يهدينا وإيـــــــــــــــــــاك .

يارجال انا كنت افكر مثلك ان اللي هنا ناس محترمين وكلامهم موزون ولا عندهم العنصريه

الين جاء الوقت اللي تبين لي ان اكثر من 80 بالميه هنا كلهم مبزره واعمارهم ماتعدت 20

وصدقني بيجي يوم بتقول نفس كلامي

يااااخي ماكل مطب وتقول لي هذي المشاكل طلعت لي
هذا اكبر دليل على تماسك الاكورد



كنت مرة بورشة ودخل واحد معه اوروين 2010 قراندي

الزبدة اكل مطب نفس قصتك انا استغربت السيارة جديدة لسى بقراطيسها

بعد الفحص قالوا له غير ركبة الدركسون
<<< عشان مطب هيا شف

وبعدين الرجة سو خرط للهوبات لان الهوبات المونيوم

وبعدين ترا زقققت معي من بعض الناس هنا <<<< دلوووعين


لو تخرب عليه لمبة (( كتب انجنيت من الاكورد والله كرهتها ))

فكونا من شغل المبزرة ماتبي الاكورد رح بعها

اما اذا قصصدك تكتب موضوع عنوانه يشد الانتباه فيه الف طريقة وطريقة



تحياتي

المشاركة الأصلية كتبت بواسطة غدير الموت

يارجال انا كنت افكر مثلك ان اللي هنا ناس محترمين وكلامهم موزون ولا عندهم العنصريه

الين جاء الوقت اللي تبين لي ان اكثر من 80 بالميه هنا كلهم مبزره واعمارهم ماتعدت 20

وصدقني بيجي يوم بتقول نفس كلامي

لا إن شاء الله ما راح يجي ذاك اليوم اللي أقول فيه نفس كلامك وأنا أخوك ... بس مهما كان حاول تضبط نفسك وأعصابك ... يعني إذا غلطت على أحد فمن شيم الكرام الاعتذار ... ولا يعتذر إلا كريم إبن كريم ... وهذا شيمنا اللي علمنا بها خير من ولدت النساء حبيبنا عليه الصلاة والسلام .

وإذا غلط عليك فالحلم سيد الأخلاق ... الله يوفقنا وإيــــــــــــــاك .

شباب صلو علي نبيكم محمد

صلي الله عليه وسلم

المشاركة الأصلية كتبت بواسطة غدير الموت

يارجال انا كنت افكر مثلك ان اللي هنا ناس محترمين وكلامهم موزون ولا عندهم العنصريه
الين جاء الوقت اللي تبين لي ان اكثر من 80 بالميه هنا كلهم مبزره واعمارهم ماتعدت 20
وصدقني بيجي يوم بتقول نفس كلامي

للاسف يا غدير الموت تعودنا منك دائما الكلام القذر و سب و شتم الاعضاء لكن هذا يدل على معدنك و مستواك

المشاركة الأصلية كتبت بواسطة عاشق هوندا v6

للاسف يا غدير الموت تعودنا منك دائما الكلام القذر و سب و شتم الاعضاء لكن هذا يدل على معدنك و مستواك

هههههههههههههههههههههههههه
تعرف عايض هههههههههههههههههههههههههههه

غدير الموت انت تقول اغلب اللي هنا تحت 20 وكلهم مبزره صحيح؟

طيب اسلوبهم احسن من اسلوبك!

جبتها على نفسك وبقلك شيء يالحبيب الحين لو واحد عمره مثلا 19 وواحد عمره 97026783038 واللي عمره 19 اسلوب ومحترم واخلاق والثاني اللي عمره 97026783038 كلامه شوارعي وعقله صغير وكيف حالك :d

والاكورد اطلق من البي ام وش رايك ؟

اصلن مرسيدس تاخذ الديزاين حقها من ميوقن عندك هرجه؟

هيا اتكل

اخوي مدر ايش نكك
مشاكلك كلها بسيطه وكلها صارت معاي
الحذفه وديها لميزان الكتروني وبيطلعلك كل شيء في السياره واتوقع انها اذرعه اماميه .... بفضل شوارعنا
الرجه مع الفرامل رح لاقرب بنشري خله يخرطلك الهوبات ويصنفرلك الاقمشه وبتروح باذن الله
اللمبه الاماميه .. اذا قصدك لمبه السقف الاماميه ... بسيطه دايم تخرب رح اقرب محل زينه وخليها يغيرها لك ب5 ريال وماتاخذ خمسه دقايق
بالنسبه لصوت السلف يدك حاره عليه شوي فتره وبيروح