مشكلة ترفع الضغط تواجهني وأعتقد أنها تواجه الكثير منكم ...

[هنادي 2000]

السلام عليكم ورحمة الله وبركاته

شباب انا معي هوندا أكورد 2004 وتواجهني مشكلة ولاحظتها بعد على الهوندا حقت خويي واتوقع ان كثير يعاني مثلنا
والمشكلة هي في الطبلون :(
مهوب طبلون العداد الطبلون اللي فوق اللي عنده فتحات المكيف حقت الضباب >>>> ان شاء الله عرفتوها

طبعا طبلون موتري اذا رقيت عيون قطط او غيرها يتحرك ويهتز الطبلون بشل قوي
هذا غير الصوت اللي يطلع واللي سبب لي قروشة

فأنا أبغى حل للمشكلة هذي اللي ما أدري وش أسوي معها
لا يجي احد ويقول حط قماش ومدري ايش
لان انا معي هوندا مهوب ددسن ولا هايلكس احط هالقماش اللي يشوه جمالية الطبلون والديكور

بديت اكره موتري لانه صار كله اصوت في اصوات بسبب هالطبلون

فاللي اتمناه منكم تكفون انكم تلقون لي حل
وياريت اي احد يدخل الموضوع يضيف اي شى عنده لأننا بنستفيد من بعض ألين نلقى حل للمشكلة ...

بإنتظار تعليقاتكم

[أكــــــــــورد11]

افضل حل هوالتربيط للطبلون

[هاااوي الاكورد]

^^^
+1

[أغـار يا هـوندا]

وين محلات ربط الطبلون افيدونا يا حلووووووين

[باحطاب]

وفرو على نفسكم جبلك حبل واربط الطبلون وريحو راسكم :d>>> سماجة
اول مرة اسمع تربيط طبلون وعلى قولت اغار ياهوندا وين المحلات اللي تربط

[saeed895]

ممكن لو تجرب تحط غراء امريكي ابو 3 ريال يضبطمع اني ما ما فهمت المشكلة 100%لو في احد عنده حل

[أكورداوي]

نزل السياره لأقرب ميكانيكي وخله يفكك لك الطبلون ثم يشيك على الكلبسات انها مضبوطه وراكبه زين ثم يركبها مره ثانيه ( مجرد تجربه وان شاء الله تنجح )