شباب انا قررت اشتري اكورد 2012 وابي مشورتكم بحاجه معينه

**AMMA2010** · 19-10-2011, 03:36 AM

شباب انا اليوم رحت للوكالة وتكلمت معهم المهم كنت ابي لون الاكورد ابيض بس للأسف ماحصلت:( واقرب موعد للون الابيض بعد شهرين

انا انقهرت شوي خاطري في لون ابيض :(

بس مضطر اخذ سوداء لان سيارتي عطلانه المهم ابي استفسر عن حاجه معينه تكفوون افيدوني بسرعه :o

اذا كان اللون الخارجي للأكورد سبشل اسود ايش يكون اللون الداخلي يكون بيج زي الابيض ولا يكون رصاصي

تكفون لاحد يتفلسف علي ابي كلام اكيد موثووق انتظر ردكم بسرعه تكفووووون

**saed-2008** · 19-10-2011, 03:48 AM

مبروك مقدما

حيكون لونها بيج طبعا

**AMMA2010** · 19-10-2011, 03:51 AM

الله يبشر بالخير فديـــــــــــــــــــــتك والله قررررب وهذي احلى بوووسه لك يابعد قلبي ريحة قلبي

طيب وش رايك باللون الاسود يابع قلبي زين ولاا لااا

طبعا سيارتي الي قبل باثفندر من وكالة تيسان(نيسان) فل كامل طبعااا كرهني عيشتي صرفية بنزين وقطع غياار عن عن ابوووه من جيب المهم بخليه صنم عند باب بيتنا

**alkasr777** · 19-10-2011, 03:58 AM

طيب إذا خاطرك في الأبيض دور في المعارض 2012 و ان شاء الله بتحصل

**saed-2008** · 19-10-2011, 04:12 AM

ولله حبيبي انا اشوف الؤلي حلو زي الي عندي :d
وعلي قول خوينا الكاسر دور في المعارض انا جبتها من المعارض

**عشق هوندا** · 19-10-2011, 04:59 AM

اول شــيء ماتستـآهل انك تنتظــر شهرين علشان لون !
عودي او بني محروق افضــل وارســم من الابيــض الناصــع "مو لؤلؤي :d " وإذا مالقيـت الفضــي حلو

ومبروك مقدمــاً ;)

**enad jeddah** · 19-10-2011, 06:23 AM

صح الابيض 2012 مو لؤلؤي..
بس سمعت مافيها حساسات الفل 12,, ><

لو تاخذلك 11 ياباني وابيض لؤلؤي بحساسات وارخصلك بفرق
اشوف فضل,, ومتأسف عن خروجي عن الموضوع

**meshoo** · 19-10-2011, 02:06 PM

^^^

الرجال قال سبيشل مو فل

الاسود من داخل بيج وحرام تاخذ لون مو راغب فيه كليا وبعدين تتندم لان مشاكل الاسود واجد ويبي له عنايه خاصه

وياطويل العمر الي قال لك شهرين شكله يبي يصرفك وتاخذ الموجود لان في دفعة سيارات وصلت الميناء عندنا وبتطلع قريب خلال الايام القادمه واذا تبي اسئل لك عن الابيض ابشر

اللون الابيض للـ 2012 ثلجي مو ناصع ولا لؤلؤي

والله يرحم والديكم ترا تعبنا كل شوي واحد خارج عن الموضوع ونقلب الموضوع حراج الكلام للعاميه

**m.a.f** · 19-10-2011, 02:15 PM

حبيــــبي بالنسبة لي أنا ما حبيت الأبيض مرررره
لأنو أبيض نااااااصع
0
0
الأسود ملكي بصراحه
0
وأنـــا مآخذ عنابي وبصراااحه طالعه حلللوه ماشاء الله لأني ممنوع من الأسود لكثرة الأعياد
0
0
الله يبارك لنا ولك إن شاء الله

**alkasr777** · 19-10-2011, 02:36 PM

اخوي إذا تبغاني أسأل لك عن اللون الأبيض عندنا ما عندي مشكلة

و واحد من الشباب ماخذ أبيض سبيشل أنا شخصيا أشوفه أحلى من اللؤلؤي

و إذا تبغى نصيحتي روح للفرع الثاني حق الوكالة و اسأل عن الأبيض

بس قبل ما تسأل اجلس مع الموظف و تناقش وياه بشكل مطول شوي بعدين قله عن اللون

و إذا قالك ما فيه قله انك ما تبي إلا الأبيض و ممكن انك تطلع بنتيجة

**AMMA2010** · 20-10-2011, 10:54 PM

شباب انا الموتر باخذه اقساط عن طريق الوكالة اجار منتهي بالتمليك المهم موجود عندهم ابيض بس كله محجوز

انا تعاملت مع موظف قمة بالذوق والادب وعسل وربي اسمه طلال المحبوب مشاء الله عليه اخلاق وربي ترتاح معه

انا مالي علاقه فيه علشان امدحه بس عجبني الرجال وكلامي عنه قليل بحقه لانه كفوو ونعم وانصحكم تتعاملون معه لانكم بترتاحون له علطول هو موجود بفرع خريص

المهم انا قررت اخذ سوداء هي كانت خياري الثاني المهم الله يوفقنا فيها ويهنينا قولو امين بس باقي يرفعون الموافقه واستلمها ان شاء الله الاسبوع الجاي

**AMMA2010** · 22-10-2011, 05:05 AM

شباب سؤال بسيط وتكفون الرد بسرعه الحين اذا اخذتها اجار منتهي بالتمليك ايش يجي معها بالضبط كم مفتاح يجي واحد ولا مفاتيحها كلها انا سمعت ان تويتا يعطونك مفتاح واحد فقط بس مادري عن هوندا مشكله مفتاح واحد بس وهل يجي معها استماره او لااا تكفوون الرد بسرعه

**AMMA2010** · 22-10-2011, 05:10 AM

سؤال ثاني تكفون ادري طولتها بس من خلال فرفرتي بالمنتدى وتفحيطي وهجولتي مع ان ساهر صايدني :pبس لاحظت اعضاء يتكلمون عن شنطة ودفتر ملاحظات وقلم وادوات

مادري ايش هل فيه امل استلمها ولاا امش خشتي وانسها :(وطيب لو فيه امل اخذهم ايش اقول لهم

لو مالقيتهم اهايط عليهم واقلبها عليهم

ولاا اصير مؤدب وعاقل :o

وبخصوص مفاتيح السياره يعطوني مفاتيحها كلها ولاا مفتاح

واحد انا سيارتي اجار منتهي بالتمليك تكفون افيدوني

**enad jeddah** · 22-10-2011, 09:42 PM

^^
انا اعطوني مفتاحين برموت , برضو ايجار .

في هداها يعطيك هيا او تلاقيها في السياره,,
وفي فاتوره امكن الدعاسات والطفايه وكذا تاخذها من قطع الغيار

ع البركه اخوي