الموضوع: (( الرجاء من الجميع المشاركة بالموضوع )) ... كامري او اكورد ... الشكل الجديد ؟؟؟

المشاركة الأصلية كتبت بواسطة Accord F15

كامري مين يا خوي انا احتقر اي انسان معاه كامري وانت تبغى تشتريها ولا تقارن بين الثرى والثريا وين الاكورد ووين الكامري اكوووووووووووووورد ولا تفكر والعزم والسرعه هذي ما تحصلها بالاربعه سلندر حبيبي تحصلها عند وحوش الشفر بس

عشان محد ينبرش من الكوريين المندسين بالمنتدى ترى سيارتي انباعت قبل مده وما معي اكورد فعشان كذا ما ودي العب كيرم بوجيهكم يا بنو كوريان ودعت الله

بصراحه انا ما رديت على الموضوع الا عشانك
يا رجل.. اتق الله..

تحتقر بني ادم ثاني عشان سياره .. طيب لو قدر الله عليه واخذ اكسنت مثلا وش يتكون ردة فعلك.. ؟؟؟ يا ابن الناس ترا المسأله " سياره "
يعني جرت العاده انو نلقى متعصبين ..بس حالتك صعبه يا اخي.. وبعدين وش مندسين ونربشه كيرم ... ويا شيخ روح انتحر والا شوفلك شغله بحياتك كلام فارغ من جد ..

والله لو المنتدى خالي من الاعضاء اللي على شاكلتك كان احنا بخير.. لان ردك يعبر عن المنتدى وهذا مما يشوه سمعته عند الزوار والاعضاء..:(

قال احتقر قال...



وبالنسبه لك يا صاحب الموضوع...

انا انصحك انك تنتظر الى ان ينزل الموديل الجديد من الكامري والاكورد لانه بيكون جيل جديد تمام.. واذا ما تقدر تصبر وفلوسك على قدك وانا اخوك استخر وجرب السيارتين وترا كلهن جيدات في المدينه والخط..
الاكورد حسب تجربتي حقت كرف + رساوه ممتازه + منظر احلى اذا بتاخذ الفل. وعيوبها مقاعدها غير مريحه + صوت المكينه عند التسارع و بالنسبه لي السياره استخدمتها اكثر من سنه وماشي عليها 52000 الف كم والى الان الفحمات ما غيرتها ولا توجد اي مشكله ميكانيكيه او فنيه ولله الحمد..

اما الكامري فغنيه عن التعريف وبصراحه راسيه نوعا ما في الخط ومقاعدها مريحه تسارعها ممتاز لاني سافرت عليها مع احد اصدقائي ومره اخرى مع احد الكداده..

المهم الاستخاره وجرب السيارتين.. والله الموفق

وبعدين انتبه يا صاحب الموضوع اذا شريت كامري بتصير حقير في نظرة اخونا في الله .. بس عشان انبهك بس :d