شوف اخوي انت تروح وترد على انك تبغى سيارة أمان وخط وعزل وفيها شاشة

انا رايي يمد الى التوريس صراحة وفيها كل مميزاتك اللهم الاتساع الداخلي ضيقة وسعرها حدود 140

اما الاكورد اذا شريتها ستة سلندر فما راح تآخذ الا الثبات يعني : تشغيل بزر مافيه - دخول ذكي مافيه - حساسات مافيه - تبترونيك مافيه - تشغيل الافلام على الشاشة مافيه لان شاشتها فقط gps - زينون مافيه - انوار عدسات مافيه - نظام صوتي متطور مافيه - حتى كمبيوتر رحلات الي صار في الاكسنت مافيه - ذاكرة تخزين مافيه- سيت الراكب كهربائي مافيه - مراية تعتيم جانبية مافيه - تشغيل عن بعد مافيه >>> اذا ليش تشتريها ؟! بتقولي ثبات بقولك اوكي ثبات وجودة لاني مجرب 2005 ماشاء الله بعتها وماشية 200 الف وديكوراتها الداخلية ثابتة جدا جدا وبدون اصوات وقليل تحصلها في السيارات .
لكن فيه سيارات تجمع الثبات والامان والتكنلوجيا المتقدمة ووسائل الترفيه المختلفة وعندك مثل سيارات فورد فمثلا التوريس والايدج ياخي يكفيك نظام فورد مايتتش بكبسة زر تقول ac يشتغل المكيف معاك تقوله 20c` على طول يحط لك الدرجة الي تبيها تقول له راشد الماجد يشغل لك راشد الماجد والكثير والكثير تطور تقني هاااااائل صراحة على السيارات

فكر جديا الآن زمن التطور وليس زمن الاكورد وفكر ايضا في الازيرا تلبي احتياجاتك كاملة ولاتقول لي كوري ، الكوري تطور مثلما تطور منتخب تايلاند وتعادل مع السعودية الي كانت صاحبة العرش الاسيوي