تقرير عن تركيب الحساسات للاكورد 2009 ( معلومات + صور + فديو )
بسم الله الرحمن الرحيم
اخباركم ياشباب ان شاء الله بخير
هذا موضوعي عن تركيب الحساسات للاكورد2009
وان شاء الله التقرير يكون كافي ووافي
الموضع مقسم لعده اقسام
مقدمه
شرح للبدايه
نوع الحساسات والقطع الموجوده داخل الكرتون
طريقه التركيب
فديو بعد التركيب
ملاحظات
طريقه الحصول على الحساسات
النهايه
مــــــــقــــــدمــــــــــه
طبعا الكل عارف ان الاكورد ( عندنا ) مابدات فيها الحساسات الا من 2010 فل فقط
وهذا من عيوب الاكورد بشكل عام وسبب لنا مشاكل الصراحه فمالك الا انك تركب كامرا او حساسات
طبعا الكامرا سعرها مع الشاشه يعتبر غالي مقارنه بالحساسات تقريبا 2000 ريال
مع انها تعطي شكل اكثر من رائع للسياره ومواصفاتها خياليه ورائعه
طبعا في يوم من الايام رحت للوكاله سالتهم عن الحساسات
سعرها مع التركيب تقريبا بــ 1500 ريال الصراحه سعر نار
فبحثنا عن حلول ودورنا حساسات في محلات الزينه وفي النت
المهم لقينا نوعيه
250 4 حساسات
300 6 حساسات
فقرر سليمان ( صاحب السياره ) :d
شراء النوع اللي يجي 6 حساسات
( صناعه تايوانيه ) واكثر من ممتاز ولايدخله الماء ولا شي
واترك لكم القصه كامله في هذا القرير:d
شــرحــ لــلــبدايــه
الخطوه الاولى رش الحساسات لولوي كلفت 50 ريال
الخطوه الثانيه خرق الصدام على مقاس الحساسات
طبعا جبنا اكورد 2010 فيها حساسات واخذنا المقاسات وكل شي كلفت 50 ريال
(داخل الكرتون يجي ريشه للدريل على مقاس الحساسات عشان القص يطلع 100%
لكن رحنا لورشه اضمن واحتياط عشان مانجيب العيد )
داخل الكرتون
الجهاز المنظم (يركب داخل الشنطه )
الحساسات
شاشه صغيره لعرض المسافه
الريشه للقص تجي على مقاس الحساسات (تركب للدريل)
لصاق 3M لتثبيت جهاز التنظيم في الشنطه
اسلاك التوصيل
--------------------------------------------------------
هذي صوره الحساسات يجي لونها ابيض
صوره الريشه
طريقه التركيب
بدايه تركيب الجهاز المنظم داخل الشنطه من الجهه اليسرى
لازم نشيل الفرشه اللي عليها عن طريق فك المسامير هذي
ثانيا تثبيت الجهاز المنظم بعد فك الفرشه
وتثبيته عن طريق لصاق 3M
وشبك اسلاك الحساسات في المنظم
بعدين توصيل اسلاك الجهاز المنظم على فيش لمبه الريوس
طبعا السلك الاصفر مانحتاجه
بعدين فك الصدام وتركيب الحساسات بالمكان المناسب وتوصيل اسلاك الحساسات من المنظم للحساسات
وتلصيقها باللصاق عشان تمسك زين
طبعا مافيه صور لاننا تعبنا بفك الصدام وتركيبه ونسينا التصوير
------------------------
بعد ماركبنا الصدام وثبتنا الحساسات يجي اهم خطوه
وهي تنظيم الاسلاك وتثبيتها بحيث ماتطيح او تبين بعدين ونحتاج للصاق عشان تطلع اوكي
بعدها تركيب الشاشه الصغيره داخل السياره طبعا تعبنا من التسليك ومد الاسلاك
واخر شي ركبنا الشاشه مقلوبه لان هذا انسب مكان لها
طبعا الشاشه تبين لك المسافه وكل شي الصراحه انها خيااال لكن مشكلتها انها مقلوبه:d
اخيرا صوره الحساسات بعد التركيب طبعا نفس مقاس الوكاله
نــــــــــــــهــــــايـــه الــــتـــركيب
------------------------------
فديو بعد التركيب
والشاشه ماتشتغل الا اذا حطيته على R وفيه تلاحظون بالفديو عداد للمسافه
[ame="http://www.youtube.com/watch?v=y0GPXgQvpjo"]http://www.youtube.com/watch?v=y0GPXgQvpjo[/ame]
ملاحظات
وقت التركيب ساعتين ونص
عدد الاشخاص 3
التكلفه الاجماليه 400 ريال
وقت كتابه التقرير ساعتين
بعد التركيب ولله الحمد مافيه اي سلك طالع عن مكانه ولا فيها اي مشاكل
يعني شغل نظيف 100% واحسن من الف وكاله :d
للحصول على نفس النوعيه هذي عندكم الرابط هذا
في النهايه شكرا خاااااااااص لسليمان التميمي
لانه هو صاحب الفضل الكبير بنجاح هذا التقرير
طبعا حنا طلبنا 6 حساسات لكن تركيب الامامي الصراحه يبيله وقت وتعب
فانشاء الله اذا تم التركيب نزلت الموضوع
في النهايه كلمه شكرا تكفي
واي استفسار او سوال انا جاهز
رد مع اقتباس
مواقع النشر (المفضلة)