أخوي شيك على سلك القير ممكن يكون مفصول و لا يبغاله تغيير و ما أنصحك تفك القير غير في الوكاله أو محل كبير معروف
السلام عليكم وؤحمة الله وبركاتة
كل عام وانتم بخير
المشكلة اليوم صارت معي السيارة صارت تدبل بنزين
بعدين وانا داعس بنزين القير يفصل وهو على d يعني كانة مفضي ووقفت السيارة وطفيت ورجعت شغلت ومشت وخمس دقايق ورجعت نفس المشكلة
مادري هل احد مرت علية المشكلة ؟
السيارة اكورد V6 2005
ماشية 87 الف
لاتوجد وكالة واقرب وكالة تبعد عني 400 كيلو ولايوجد فني يعرف للقير تبع السيارة
أخوي شيك على سلك القير ممكن يكون مفصول و لا يبغاله تغيير و ما أنصحك تفك القير غير في الوكاله أو محل كبير معروف
مشكور اخوي
يعني القير مايبيلة توظيب
شغل كهرباء
مشكلة مافى وكالة عندنا
انت وين ساكن
ممكن احد الاخوان يكون ساكن بمنطقتك ويدلك على كهربائي ممتاز او ميكانيكي شغله مضبوط
ممكن حساس القير او السلك
هو شي له علاقه بالقير والموتر توه جديد ماصك 100 الف كيلو
حاول تهتم قبل مايصير شي اكبر
التعديل الأخير تم بواسطة محمد بن عبد العزيز ; 15-10-2007 الساعة 01:23 PM
0
0
حياك الله اخوي
من الجوف وانا اخوك
فريت الصناعية كلها مالقيت احد يعرف للقير الياباني كلة امريكي
وناوي ارسلها لوكالة هوندا فى تبوك بس مادري هل الوكالة الى فى تبوك ممتازة وتعرف شغلها
ياليت الى من تبوك يسعفنا
هلا اخوي الحق على قيرك قبل يجيك الفلم الي صار لي
انا اول شي مثلك وخليتها تفضي تقريبا سبوع ساحب عليها ووديها صناعية العاصمه
ولعبو في القير اليمنيه كل يوم رايح للوكاله اشتري حساس لما طفرت
واخر شي قفلت معي وطقيت لي قير جديد بس والله تخسرررررررررررت مره
وانصحك ودها للوكاله لا يلعبون فيها الورش العاديه
اذا كان القير يفضي فمعناة عند كلتشات القير لازم توضيب واذا جلست فترة بتصير القير يفضي ثم يلقم وينتع معك نفس ماحصل لى ثم تتطور المشكلة لين تصير لازم ليك تغيير القير ولا تستطيع توضيبة وانصحك اذا كانت السيارة ماتعدت ثلاث سنوات رح للوكالة وحاول يغيرونة او يوضبونة مجاناً لانه يكون تحت الضمان واذا رفضوا الصيانه رح لمدير الفرع وحاول معة
اضني الشباااب ماقصرو معاااك نفس ماقالو روووح الوكاله او اقرب ورشه تصليح القير الاوتوماتييك وان شاء الله تنحل مشكلتك ....
يعطيكم العافية اخواني
السيارة وقفتها على طول بعد حدوث المشكلة
السيارة رح اشحنها على
وكالة تبوك
او
وكالة القصيم
ياليت الى من القصيم او تبوك يقولنا راية بالوكالة وشغل الورشة عندهم
ما يحتاج مثل ما قالوا الشباب تحتاج توضيب للقير والمكان الافضل بالتأكيد الوكالة ولكن الله يعينك على سعرهم ولكن يبقى الافضل والاضمن لك
الغريب ان المشكلة هذي تتكرر في الاكورد 6 سلندر فقط
تحياتي
لا كذا ولا كذا اسمع نصيحة من مجرب ولا تسمع من طبيب صارلك نفس الي صارلي
لا توضب من الوكالة احسن شي رح التشليح خذلك قير نظيف وبس
الله يعينك يالغالي بس لا تتأخر حاول ما تحركها الا الى الوكاله بس
السيارة تم شحنها الى القصيم اولاَ ساعرضها على الوكالة وشوف وش يقولون لي
ياليت من اهل القصيم يعلمونا بالورشات الزينة لو ماعجبتني الوكالة
يالله يا اهل القصيم شوفو شغلكم افزعو للرجال
وينك يابو عزوز فز كنك ذيب ونجز الرجال
توضيب هوندا يكلفك مو أقل من 5000 ريال للجير حق v6
وانصحك ماتوضبها الا بالوكالة لانها رايحه تكلفك نفس الشي برة ومافي ضمان كمان عشان قطع الغير لازم تتوفر
هونداميكانيك
مواقع النشر (المفضلة)