سؤال لأهل الخبرهـ ؟ هل أحتاج للهدوء !!!

**JUVENTUS** · 17-10-2007, 03:39 AM

السلام عليكم
صارت لي مشكله بالسيارهـ
والحمدلله وديتها لمكانيكي وتخلص يوم الأربعاء بالليل...
المشكله إللي فيها كانت المكينه تطلع صوت,وديتها مكانيكي وفتح المكينه ولقى البستم خربان,طبعا سويت خرط للسلندر وغيرت بستم واحد إللي كان خربان...!
الزبدهـ إذا طلعت سيارتي من الورشه عادي أمشي فيها وأصفط الطبلون...ولا أهدي وما أتعدى 100كلم زي السياره الجديدهـ...
وهل يصلح إني أمسك خط فيها أو لا...علما إني ماأتعدى 100 في الخط عشان أمن الطرق:d..
تكفون أبي الحل بسرررررررررعه عشان السياره بتطلع وودي أروح الشرقيه...:(

**قوه أكورد** · 17-10-2007, 03:51 AM

يصلح انك تمسك فيها خط بس انتبه

قوه أكورد

**الـمـسـافـر** · 17-10-2007, 03:52 AM

سلامات يالغالي ماتشوف شر المزيونه

والله اتوقع انك ترفق عليها احسن

والشباب يفيدونك اكثر

**JUVENTUS** · 17-10-2007, 03:55 AM

مشكورين على المرور:o

**الهادف** · 17-10-2007, 04:02 AM

كيف عرف ها الميكانيكي ان البستم خربان ؟؟

البساتم مصممة انها تعيش فوق الثمان سنوات بدون اي مشاكل وبسواقة هادية بتظل عندك طول العمر ..

المهم .. الا صار صار والبستم تغير ..

حاجتين مهمتين

الأولى : انتبه للزيت !!! وغيره متى ما شفته بدأ يسود او كل 5000 كيلو (( تتغير بحسب نوع الزيت ))

الثانية : بما انك غيرت البستم وصار الا صار فعامل سيارتك وكانها جديدة لمسافة 1000 كيلو

طبعاً حاجة حبيت اضيفها .. بما ان المكيانيكي فك البستم فأكيد ان خرب وزنية البلوف واذا اختربت وزنيتها بتسمع اصوت اكثر في سيارتك ويمكن تلاحظ دخان ابيض وكانها مشنبرة ولكن في الحقيقة ان في خطأ في وزنية البلوف ..

-

سؤال .. انتبه لصرفية البنزين بعد استلامك السيارة من الورشة وشوف اذا تغيرت او لا ؟؟
سؤال .. بكم اخذت البستم ؟ (( فائدة لي ))

**JUVENTUS** · 17-10-2007, 04:12 AM

مشكور على الرد

البستم سعرهـ 205 ريال والشنبر سعرهـ 153ريال

طبعا كنت أنا وهو وجميع المكانيكيه إللي بالصناعيه متفقين على إن المشكله بالتكايات حقت المكينه...
لاكن تفاجأت إن التكايات كويسه وفكينا المكينه ولقينا السلندر فيه تعرجات..سويت له خرط وغيرت البستم إللي يدخل فيه...

طيب شدخل صرفية البنزين...تتوقع إنه فيه مشكله بتصير ولا كيف...:(

**قوه أكورد** · 17-10-2007, 04:16 AM

اذا كانت تصرف بنزين كثير لازم تغير البواجي

قوه أكورد

**الهادف** · 17-10-2007, 04:22 AM

المشاركة الأصلية كتبت بواسطة JUVENTUS

طيب شدخل صرفية البنزين...تتوقع إنه فيه مشكله بتصير ولا كيف...:(

ما اتوقع مشكلة ولكن ممكن تكون وزنية البلوف خاطئة .. فلت ممكن

**الهادف** · 17-10-2007, 04:24 AM

المشاركة الأصلية كتبت بواسطة قوه أكورد

اذا كانت تصرف بنزين كثير لازم تغير البواجي

قوه أكورد

زيادة صرفية البنزين احتمالاتها كثيرة .. ولا بجب ان نلقي المشكلة على البواجي على طول ..

**الوااافي** · 17-10-2007, 05:04 AM

عزيزي خالد أنا أأكد كلام الهادف

لازم السيارة تتمرن هذا كلام من واحد خبرة ( صار له نفس المشكلة:d)

وانا اقو لك كيف تمرنها :
عادي خذ الدايري عرض وطول الشرقي بعدين الجنوبي بعدين الغربي وبعدين الشمالي وبعدها
مر على التحلية ورحوا التحلية وبعدين شقر على أبعد مطعم وارجع البيت بس لازم تنسى شي ولا ما يصير ترجع البيت وبعدين روح الاستراحه وكذا كم مشوار وان شاء الله تتمرن في نص يوم
ههههههههههههه

وشوكرن

**JUVENTUS** · 17-10-2007, 03:38 PM

بالعربي عادي أجي الشرقيه أو لا ...والله ماراح أسرع يعني 100سس80 سس90هههههههه يجي ولا مايجي...

**الهادف** · 17-10-2007, 06:22 PM

المشاركة الأصلية كتبت بواسطة JUVENTUS

بالعربي عادي أجي الشرقيه أو لا ...والله ماراح أسرع يعني 100سس80 سس90هههههههه يجي ولا مايجي...

حياك .. تقدر تجي .. ولكن لا تسرع وكذلك لا تحاول تثبت السرعة ..

يعني شوي 80 .. شوي 90 .. شوي 100 .. شوي 120 .. اعطيك صلاحية للـ 120 ..

حق تعطي البلوف والبستم انسيابية اكثر في الحركة على عدة سرعات وعدد دورات مكينة مختلف .. وهم لا تحاول انك ترص على الموتر كثير .. يعني سوق على اقل من مهلك وبهداوه ولا ترفع عدد دورات المكينة اكثر من 2500 RPM

طمن بالك .. عبي فل .. وغير الزيت .. شيك على كفراتك وضغطها .. ماي الرديتر لا تنساه .. والله يحيك عندنا في الشرقية ..

**JUVENTUS** · 17-10-2007, 07:14 PM

^^^^^^^^^^^^
مشكووووور ريحتني بقوهـ
لو فيه مثلك 2 بالمنتدى كان الناس صارو جوعانين:dقصدي مرتاحين:d

**accord 06** · 17-10-2007, 09:41 PM

الحمد لله على سلامة سيارتك يا جوفنتوس

معليش جاي متأخر لاني مسافر .. لكن الهادف ما قصر

بس بسألك وشلون كان استعمالك للسياره اول ؟

غريبه تصير لك هالمشكله و سيارتك توها ماشيه حول الـ 70 الف

حتى الكوري يتعدا الـ 200 الف بدون مشاكل بالمكينه

**الهادف** · 17-10-2007, 09:49 PM

المشاركة الأصلية كتبت بواسطة accord 06

بس بسألك وشلون كان استعمالك للسياره اول ؟

المشكلة دي لها كم سبب ..

ممكن الأخ كان يقاوم كثير بسيارته ورجوله حارة على المكينة .. وبكذا يكون تسبب في تآكل الشنابر وبالتالي اصطدام البستم بجدار السلندر في وجود حرارة عالية والنتيجة كما نرى ..

ممكن كان مهمل للزيت وتغييره في مواعيده مما سبب تآكل الشنابر .... (( نفس تكمله الكلام الي فوق ))

غريبة المشكلة دي في سيارة ما تعدت الـ 200 الف .. اذكر صارت لي في سيارتي القديمة فورد ماركيز ولكن كانت الفورد وقت حدوث المشكلة ماشية 300 الف ..

ننتظر خالد ونشوف وش المصيبة الا كان مسويها ;)

**قوه أكورد** · 17-10-2007, 09:52 PM

رح الشرقيه وبوجهي ان جا سيارك شي والله لا احلق شنبي ان كاني مني قد كلامي

قوه أكورد

**يامطنش** · 17-10-2007, 10:02 PM

:d
انا اعطيكم سواقت خالد بختصار ما يرحم السياره ابد الزيت يغير اذا تذكره او فكر فيه ديم على 200 قومات استهتار صدقوني من حقها اذا خربت

اسمحلي خالد لاكن ذا الواقع ولا تنساء سالفت البحر

**The Stig** · 18-10-2007, 12:58 AM

^^^^^^^^^^^^^^^^^^

نشر الغسيل خخخخخخ:d

بصراحه انا عندي سي ار في 99 وواحد من الميكانيكي قالي ترتفع حرارتها بسبب البستم ونفس الكلام ,,,

انتظر الاخ كيف استخدامه !!! يمكن مثلي خخخخخ

**JUVENTUS** · 18-10-2007, 01:19 AM

أقولكم السالفه ...
سيارتي لها الآن تقريبا سنه ...
كل أسبوع أروح للشرقيه ...بالضهر بالعصر أي وقت عااادي...
طبعا أروح وأرجع بنفس اليوم:d
والسرعه فوق 200كلم...
وبالنسبه للزيت وموية الريديتر والله محافظ على تغييرها بإستمرار...إلا مرهـ نسيته ومشيت 10000ألآف كيلو بدون تغيير:d
طبعا هذي المصيبه سببها التالي:
الإحتمال الأول / إني رحت القصيم والمدينه وأنا داعس أم البنزين مانزلتها عن 220 أبد ...
الإحتمال الثاني / إني مغير السيفون مو من الوكاله وشكله تجاري وكان هو السبب ...
(هذا كلام ورشة الجنوب إختصاصي هوندا المعروف)..ونصيحه لحد يقربه لأنه قالي غير المكينه

الله يعين ويسهل..
ثانكيو على إهتمامكم..

**يامطنش** · 18-10-2007, 01:54 AM

ورشة الجنوب اسمحولي اقول ما عندها سالفه بقوه ومن تجربه بس الدعوه الشهره ولا ما عندك احد

واسعار مبالغ فيها صراحه فحمات اماميه يغيرونها 70 ريال

بينما ورش ثانيه 30 ريال واذا صرت رايق اركبها بنفسي

**B Useful** · 18-10-2007, 11:01 AM

بالعربي عادي أجي الشرقيه أو لا ...والله ماراح أسرع يعني 100سس80 سس90هههههههه يجي ولا مايجي...

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

**الهادف** · 18-10-2007, 05:26 PM

المشاركة الأصلية كتبت بواسطة كوكو كورد

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

وش دعوة تتخلى عن الرجال في اصعب ظروفه وتخليه على خط الشرقية يكلم نفسه ؟

وثانياً ليش السرعة ومستعجل على ايش ؟

المسافة بين الشرقية الرياض 380 كيلو ..

لو مشيت 80 طول الخط بتوصل في 4 ساعات و 45 دقيقة ..

ليش العجلة ؟؟

**م م و السعوديه 5 5 7** · 19-10-2007, 02:42 AM

الحمدلله على سلامة اكوردك ياجوجو
صراحة ما ألومها وكويس انها جت على كذا

عندي سؤال صغينوووون نسيت لا اسألك في كرسي الاعتراف
اتمنى تجاوبني عليه :d
س\من اللي معلمك السواقة:p:p؟

**B Unique** · 19-10-2007, 07:07 AM

المشاركة الأصلية كتبت بواسطة كوكو كورد

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

خلك جاهز يوم الاربعاء العصر وانا اجي آخذك

;)