انا اشوف إن القير ماله دخل بموضوعك
التفتفه من البواجي او تحتاج تنظيف الثروتل بدي فقط فقط
صوت الريوس الله يعينك هذي طرمبة الدركسون مشكلة في هوندا منذ الأزل
السلام عليكم
أنا أعاني من مشكلتين في السيارة :-
الاولى وهي الشد وتم إصلاحه اليوم ولله الحمد. وراح الصوت كامل.
الثانية : هي عندما امشي بالسيارة من بداية ما امشي الى ان تتغير النمرة الاولى يطلع صوت ( أشبهه بصوت الريوس ) ثم يختفي الصوت بعد التغيير الرابع ويطلع معي تفتفة في الدركسون الى سرعة 60 تقريبا لكن التفتفة ماهي دايمه وتحصل عند اللفات ، لكن اذا وضعت القير على وضع (nأو P) يختفي الصوت ، فرحت اليوم لكم ورشة قالوا لي من علبة الدركسون وناس قالوا انه من القير ، لكن رحت لورشة الجنوب اللي في الصناعية القديمة وقالي المهندس ان الصوت هذا من علبة الدركسون والقير، يقول تحتاج ان تغير علبة الدركسون ، وتوظب القير !!!!!!!
** علبة الدركسون تهرب زيت **
وش الحل ياشباب ....*
انا اشوف إن القير ماله دخل بموضوعك
التفتفه من البواجي او تحتاج تنظيف الثروتل بدي فقط فقط
صوت الريوس الله يعينك هذي طرمبة الدركسون مشكلة في هوندا منذ الأزل
الله يعطيك العافية المشكلة ان صوت الريوس هو اللي رفع ضغطي وأسمع الصوت من جهة السواق
انا متخوف من القير بسسسسسس الصوت اسمعه في الجهة اليسرى والطرنبة ابغيرها لانها تهرب للأسف.
لكن البواجي مغيرها.
تحياتي*
يمكن انت تقصد صوت الحنه هذي الحنه طبيعيه بالأكورد احس إن فيك وسوسه
ترا القير وش يخربه قير الأاكورد مايخرب بالسهوله
انت تتكلم عن 2008 يومياا تقااوم فيها انت مثلا وإلا تطعس
لا يلعبوا عليك اصحاب الورش ويقلون جربوكس
ولو مره الشك لعب فيك روح الوكالة افحص السيارة اضمن ;)
شوف الصوت هذا من الطرمبة حتى لو طنشتها راح تلاحظ بعد كذا يوم ان الطارة بدات تثقل عشان كذا الله يعينك تغيرها طبعا فيه حلول موقته مثل تغيير الاصلاح بس ماراح يطول بالنسبة لتفتفة نظف البخاخات والثروتل بدي وشيك على حساس منظم الهواء
الطارة عندي ماهي ثقيلة حصل فيها ثقل وعبيت زيت وراح الصوت لكن الصوت هذا من قبل مايطلع الثقل في الطارة.
دلوني ياشباب تكفووووووون.
وينكم ياشباب تكفوووون
حبيبي صوت الحنة من طرمبة الدركسيون الأن شيك على الدودة و شوف اذا فيها تهريب اذا فيها روح الوكالة و اشتري اصلاح للطرمبة و الدودة وشفلك ورشة ممتاز ( اذا انت في الرياض انصحك بورشة الضمان في الصناعية القديم ) المهم بعد الاصلاح ان شاء الله امورك تصير تمام بس اهم شي ان الطارة مهي ثقيلة او متغيرة عليك بعد ما عبيت زيت .
طلعت المشكلة من القير والله يعين يبيله توظيب.
والله موديل 2008 من عيوبها هالقير الله لايرده
والله انا زيكم اعاني من هالحنه :d حتى الشباب اذا ركبو معاي قطعو فيني يقولون مسقط مكينة ددسن بموترك ~من الحنه بس سالت وقالو طبيعية الحمد لله ?!
اما الدركسون سويت اصلاح بس مارجع زي اول صار ثقيل شوي وقالوا للي بعد عادي ~ كل شيء عادي عند هالوكالة ؟!
بس اللي مالقيت له حل هالقساوة اللي بالموتر شكلي باشيل المراتب واحط اربع كراسي كنب من ايكيا والله ظهري جاهـ رومتيزم من المطبات والحفر بالشرقية ؟! احس اني راكب شيول بعض الاحيان؟!
والسلام عليكم السلام :d
احاب اقولك شي العيب ماهو من السياره او الموديل العيب من الوكاله عندي موديل 2008غيرنا الزيت بالوكاله وكتشفت بعد شهر ان الزيت ناقص كثير وبغى يروح القير وعندي موعد معهم يوم الاربعاء السياره ماشيه فوق 100 الف ونقص الزيت بيضر القير مستقبلآ
الزبده اي يشخص يغير الزيت وخصوصا القير يشيك اليوم الثاني على منسوب القير يتاكد لايتوهق
مواقع النشر (المفضلة)