سيارتي اكورد موديل 2008 تحتاج توظيب قير. فزعتكم الله يرحم والديكم.
ياشباب اليوم الصباح وديت السيارة لصناعية ام الحمام عند ورشة رقم 20 متخصصين في الهوندا ، ورحت لعدة ورش ، أنا عندي صوت في السيارة حنة من بداية ما امشي الى سرعة تقريبا 60 فكشفوا على السيارة وطلع تهريب في طرنبة الدركسون فقام المهندس وجرب طرنبتين عنده وشغلت السيارة ومشيت وطلع الصوت فرجعة الورشة وركب لي طرنبتي الاساسية ، فرفع السيارة من تحت فقالي حط السيارة d وادعس ولف الطارة يسار ويمين مررره ولفيت وطلع صوت الحنة فقالي هذا من القير يحتاج توظيييييب او غير القير احسن لك. ((( مع العلم ان السيارة ماشية 190 الف وغيرت مرة وحدة الزيت من الوكالة والمرة الثانية غيرته في ورشة لكن الصوت طالع من قبل ما اغير عند الورشة مع العلم اني ماغيرت فلتر القير. )))
من يعرف لي ورشة شغلها ممتاز في التوظيب ومضمونه ؟ او قير نظيييييف مع العلم ان الصوت هذا له تقريبا سنة.
*
التعديل الأخير تم بواسطة اكووووورد2008 ; 12-11-2011 الساعة 08:31 PM
لا تستعجل وأنا أخوك ..... يمكن اللي قال لك توظيب قير يكون غلطان
تبي شوري ... روح لورشة ثانية أو ودها للوكالة وأسأل عن مهندس ( سوداني ) اسمه ( أحمد حجازي ) مهندس ممتاز جداً وأخلاقه عالية ( مشاء الله تبارك الله عليه ) وتقدر تقول عنه خبره ... أعرض عليه الموتر بدون ما تقول بأصلح شيء بس إستشاره وشف وش يقول لك ( مجرد إستشاره ما راح يأخذون عليك ولا ريال ) .
وإن شاء الله إنه ما يكون في إجـــازة أو مهوب موجود ... وبالتوفيق إن شاء الله .
انا اقول لاتستعجل في التوظيب يليت تذكر متى غيرت الزيت اول مره وثاني مره عند كم كيلو وهل انت مالكها الشخصي ؟؟انا مادري عن الحنه لكن اشوف ان المسافه بين تروس القير المجال اللي بينها صار اكبر لاجل كذا تسمع صوت الحنه ..
يعطيك العافية يا ناصر امر الوكالة بكرى والله يعين.
اخوي مبارك انا اخر مره غيرت زيت القير تقريبا على 60 الف عند الوكالة ثم غيرته في الورش شفط تقريبا على 100 الف
لكن الصوت قبل ما اغير عند الورشة يعطيك العافية.
شكرًا للجميع.
غير الورشة وبعدين ترى مو شرط الطرمبات الي عنده نظيفة يمكن كلها خربانات انا اقول واتحمل الي اقول قدام اعضاء المنتدى الصوت من طرمبة الدركسون روح التشليح واشرط عليه تكون نظيفة وادعيلي
[QUOTE=اكووووورد2008;553776]ياشباب اليوم الصباح وديت السيارة لصناعية ام الحمام عند ورشة رقم 20 متخصصين في الهوندا ، ورحت لعدة ورش ، أنا عندي صوت في السيارة حنة من بداية ما امشي الى سرعة تقريبا 60 فكشفوا على السيارة وطلع تهريب في طرنبة الدركسون فقام المهندس وجرب طرنبتين عنده وشغلت السيارة ومشيت وطلع الصوت فرجعة الورشة وركب لي طرنبتي الاساسية ، فرفع السيارة من تحت فقالي حط السيارة d وادعس ولف الطارة يسار ويمين مررره ولفيت وطلع صوت الحنة فقالي هذا من القير يحتاج توظيييييب او غير القير احسن لك. ((( مع العلم ان السيارة ماشية 190 الف وغيرت مرة وحدة الزيت من الوكالة والمرة الثانية غيرته في ورشة لكن الصوت طالع من قبل ما اغير عند الورشة مع العلم اني ماغيرت فلتر القير. )))
من يعرف لي ورشة شغلها ممتاز في التوظيب ومضمونه ؟ او قير نظيييييف مع العلم ان الصوت هذا له تقريبا سنة.
*شوف يالغالي ادخل على الموضوع هذا وشوف كلام اخونا خلوود1233نفس مشكلتك
http://www.hondaarabia.com/club/t52379/
الله يوفقكم والله استفدت من كلامكم
الف شكر لكم الله يوفقك ويسهل امركم في الدنيا والاخرة ..
ضوابط المشاركة
رد مع اقتباس
مواقع النشر (المفضلة)