رد مع اقتباسوين موقعك أخوي
سيارتي 2008 اكوووورد فزعتكم لأني جاهل بالسيارة
سيارتي اكورد موديل 2008 تحتاج توظيب قير. فزعتكم الله يرحم والديكم.
ياشباب اليوم الصباح وديت السيارة لصناعية ام الحمام عند ورشة رقم 20 متخصصين في الهوندا ، ورحت لعدة ورش ، أنا عندي صوت في السيارة حنة من بداية ما امشي الى سرعة تقريبا 60 فكشفوا على السيارة وطلع تهريب في طرنبة الدركسون فقام المهندس وجرب طرنبتين عنده وشغلت السيارة ومشيت وطلع الصوت فرجعة الورشة وركب لي طرنبتي الاساسية ، فرفع السيارة من تحت فقالي حط السيارة d وادعس ولف الطارة يسار ويمين مررره ولفيت وطلع صوت الحنة فقالي هذا من القير يحتاج توظيييييب او غير القير احسن لك. ((( مع العلم ان السيارة ماشية 190 الف وغيرت مرة وحدة الزيت من الوكالة والمرة الثانية غيرته في ورشة لكن الصوت طالع من قبل ما اغير عند الورشة مع العلم اني ماغيرت فلتر القير. )))
من يعرف لي ورشة شغلها ممتاز في التوظيب ومضمونه ؟ او قير نظيييييف مع العلم ان الصوت هذا له تقريبا سنة.
*
وين موقعك أخوي
انا ساكن في الرياض ــ حي حطين ــ
أخوي تأكد قبل تستعجل
وش اللي القير يحتاج توظيب !!!
مر الوكاله افضل واضمن
ابمر الوكالة بس والله اني متخوف.
مر الوكاله وانا اخوك ومانت خسران شي شف وش يقوولون ولا تستعجل .. الله ييسر اموورك
الله يسامحكم بس
يااخي انا مستعد احلف لك إن قيرك مافيه شي والصوت هو هذا صوت الطرمبه ومعروف وشائع سو اصلاح بـ200 ريال واشتر لك علبة زيت هوندا الأصلي الدركسون لأنه راح يرجع التهريب وحافظ على التعبئه كل ماحسيت بثقل او بصوت الحنه
نصيحه اقولها لك وقالوها لي
مو اي احد ولا اي بنشري ولا اي كهربائي ولا اي فني ولا اي مهندس يعرف للأكورد
هذي التصريفه يبي لهاا توظيف بطلوهاا من زماان روح الوكااله وانشب لهم ولاتجيب طاري القير وقول لهم بس صوت حننه وخلهم يشيكون على السيااره وشف وش راح يقولون لك
^^^
1+
اخوي الحل عندي اذا كانت الحنه الى سرعة تقريبا 70 وتختفي والهندي صادق ان الصوت من القير لكن ماعنده سالفه يوم يقولك لازم توضيب لأن واحد من اخوياي نفس مشكلتك عنده صوت حنه في طرمبة الدركسون وحنه في القير
المهم خويي غير طرمبة الدركسون وراحة حنة الدركسون وبقى حنة القير
خذت موتره او وديته لم ورشة 38 صناعية طريق العروبه وقابلت المهندس يوسف سوداني فاهم وخبره شرحتله الموضوع وركب معي وسمع الصوت وقال القير مايحتاج توضيب لكن فيه زي النحاسات في القير تاكلت وسارت ملسا عشان كذا يطلع الصوت وراح تكلفك القطع مع شغل اليد تقريبا 2900
وعلى فكره ترى الصوت هذا طلع لأنك راعي تدعيس ودعسه ثانيه كل اشوي
ملاحظه/ترى الصوت مايأثر على القير ولو تتركه سنين ماراح ياأثر
بس اذا الصوت مقروشك صلح اللي قلتلك وراح يختفي صوت الحنه ولا تنسى تغير طرمبة الدركسون لأنك لو صلحت حنة القير وتركت حنة الطرمبه ماراح تستفيد شي ولو تسوي اصلاح للطرمبه ماراح يروح الصوت لازم تغيير للطرمبه
التكلفه طرمبة دركسون 2800 شغل يد 100 =2900
شغل يد للقير مع القطع =2800
المجموع الكلي=5700:d سراحه اسعار معقوله <<<<اقول ان قلع بس:o
اتمنى اني افدتك
يعطيكم العافية الله يوفقكم ويسهل امركم في الدنيا والاخرة .
ضوابط المشاركة
مواقع النشر (المفضلة)