الموضوع: وش افضل انواع اكورد 2011

السلام عليكم.


ياشباب ابي مساعدتكم انا ناوي باذن الله اشتري سيارة واول خيار لي اكورد 2011

وحدي85 الف بالكثيير فياليت تقولون لي الانواع المتاحة بهاذا المبلغ ووش افضل الصالات او المعارض اللي تبيعها وهل تنصحوني فيها؟

اخووي نصيحة روح المعارض وبتلقى الا تباه

بالمبلغ الا معك جدييييييدة 2011 و2012

ممكن تحصل بهذه القيمة

سبيشل ( نص فل )

موديل 2011

هذا اذا حصلت

2012 نص فل قيمتها حدود 89 بالمعارض تصل الى 91

ماقصرت ياخوي البرنس على مرورك اليوم رحت لمعارض الشفاء ماحصلت الا معرضين فقط؟! تبيع اكورد ولاحصلت الا 2012 فل كامل ونص فل "( نص فل بـ 93 )واسوا المواصفات فيها مافيها حساسات وجنوطها ما اعجبتني وصناعتها امريكي وفوق كذا ب93 وسالت عن 2011 قال ماهي موجوده وحاولت اطلبها ورفضوا؟؟؟! فياليت اللي عنده معلومه يفيدنا

اخوي 2011 ماتحصل لانها يابانيه و2012 امريكيه

وقطع غيار هوندا صارت تنصنع في دول غير اليابان وصارت ارخص

الامريكيه معي وماشيه زي العسل..

اللي معك 2012 ؟؟ واللي يعلرف عن الاكيورا شيئ ياليت يفيدني؟

مشكلة الكلام المتداول عن ( الأكورد ) إنها صناعة أمريكية ( وش فيها الصناعة الامركية ) ... تدري ليه لأن حقين المعارض يذمون فيها علشان يمشون سوق الـ ( 2011 اليابانية ) وبعدها يقولون ( 2012 الأمريكية ) ما فيه مثلها وبطله و ممتازه و و و و و و ، ونفس الكلام إذا جاء موديل ( 2013 ) :d

يعني حركة تجارية بحته ... وعلى فكرة الأكورد لما صارت تصنع في أمريكا ( تلافوا جميع العيوب ) مثل مشكلة طرمبة الدركسون و كليبرات الفرامل الخلفية ، وزادوا وسائل الآمان بحيث صارت الايرباقات 6 بدلاً من 2 .. لأن مصانع السيارات بشكل عام في أمريكا قمة في الصرامة فيما يخص وسائل الآمان .
وحبيت أضيف إن ( المرسيدس ) يصنعوا بعض فئات سياراتهم في ( الصين ) يعني لو قالوا .. اشتر مرسيدس بس ترا صناعتها ( صينية ) وش بتقول .... يعني كلمة ( أمريكي ) أقوى حتى في النطق ، مع إن الجودة نفس الشيء حسب ما يطلب من الشركة الأم

فالكلام المتداول مأخوذ خيره ... ( ولو كل واحد أرخى أذنه لوكالة يقولون ) ... ما أشترى لا مرسيدس ولا هوندا ولا غيرها .
وسلامتكم .

اشكركم يالغلا معلومات مفيدة انا عندي اكورد 2007 الدفعه الأخيرة الحمد لله ماشفت اي عيب فيها الهوندا بصفه عامه يبغالها محافظه

حاول تمر على معارض النسيم

اخبر قبل كم يوم مريت هناك مليان اكوردات جديدة

عندك صالة السبر ، معرض الفلاح ، والمعارض الي قدام معرض الفلاح مدري وش اسمهم صراحه

وفيه الموزع حق هوندا "العمودي"

الدائري الشرقي مخرج 11 ع الخدمه

للمعلوميه ٢٠١٢ خاليه من العيوب المصنعيه ١٠٠٪ وافضل من الموديلات السابقه
وانصحك ستاندر الامريكي٢٠١٢ افضل من نص فل ٢٠١١

من قريب ولد عمي اشترى 12 سبيشل ب91وخمس مع اللوحات ماشاء الله تبارك الله من معرض نساح بالشفا

ال11 يابانية وفيه لون لؤلؤي
ال12 امريكية وزادوا فيها الايرباقات ويقولون تلافوا مشاكل الدركسون والفرامل

اما الجنوط 11 و 12 نفس بعض في الفل كامل والسبيشل 12 مثلهم ايضا
عكس السبيشل 11 شكل غير والجنط 16


الحساسات ماتجي الا ((للفل كامل 2010 و 2011 ))فقطططط
والمكيف الخلفي في جميع الفئات من 2010 وفوق

لو تحاول تجمع 5الاف بتقدر تجيب 2012 سبيشل
اما الفل مخمل ممكن حدود 96الف

وكانك بتشوف ال2011 اذكر قبل شهر او اثنين موجوده في معارض النسيم

ماقصرتوا والله يجزاكم خير وكل كلامكم صراحة مقنع وجميل وان شاء الله يدبر باقي المبلغ واخذ سبيشل 2012