الموضوع: سؤال لأهل الخبرهـ ؟ هل أحتاج للهدوء !!!

كيف عرف ها الميكانيكي ان البستم خربان ؟؟

البساتم مصممة انها تعيش فوق الثمان سنوات بدون اي مشاكل وبسواقة هادية بتظل عندك طول العمر ..

المهم .. الا صار صار والبستم تغير ..

حاجتين مهمتين

الأولى : انتبه للزيت !!! وغيره متى ما شفته بدأ يسود او كل 5000 كيلو (( تتغير بحسب نوع الزيت ))

الثانية : بما انك غيرت البستم وصار الا صار فعامل سيارتك وكانها جديدة لمسافة 1000 كيلو


طبعاً حاجة حبيت اضيفها .. بما ان المكيانيكي فك البستم فأكيد ان خرب وزنية البلوف واذا اختربت وزنيتها بتسمع اصوت اكثر في سيارتك ويمكن تلاحظ دخان ابيض وكانها مشنبرة ولكن في الحقيقة ان في خطأ في وزنية البلوف ..


-

سؤال .. انتبه لصرفية البنزين بعد استلامك السيارة من الورشة وشوف اذا تغيرت او لا ؟؟
سؤال .. بكم اخذت البستم ؟ (( فائدة لي ))

المشاركة الأصلية كتبت بواسطة JUVENTUS

طيب شدخل صرفية البنزين...تتوقع إنه فيه مشكله بتصير ولا كيف...:(

ما اتوقع مشكلة ولكن ممكن تكون وزنية البلوف خاطئة .. فلت ممكن

المشاركة الأصلية كتبت بواسطة قوه أكورد

اذا كانت تصرف بنزين كثير لازم تغير البواجي



قوه أكورد

زيادة صرفية البنزين احتمالاتها كثيرة .. ولا بجب ان نلقي المشكلة على البواجي على طول ..

عزيزي خالد أنا أأكد كلام الهادف

لازم السيارة تتمرن هذا كلام من واحد خبرة ( صار له نفس المشكلة:d)

وانا اقو لك كيف تمرنها :
عادي خذ الدايري عرض وطول الشرقي بعدين الجنوبي بعدين الغربي وبعدين الشمالي وبعدها
مر على التحلية ورحوا التحلية وبعدين شقر على أبعد مطعم وارجع البيت بس لازم تنسى شي ولا ما يصير ترجع البيت وبعدين روح الاستراحه وكذا كم مشوار وان شاء الله تتمرن في نص يوم
ههههههههههههه

وشوكرن

المشاركة الأصلية كتبت بواسطة JUVENTUS

بالعربي عادي أجي الشرقيه أو لا ...والله ماراح أسرع يعني 100سس80 سس90هههههههه يجي ولا مايجي...

حياك .. تقدر تجي .. ولكن لا تسرع وكذلك لا تحاول تثبت السرعة ..

يعني شوي 80 .. شوي 90 .. شوي 100 .. شوي 120 .. اعطيك صلاحية للـ 120 ..

حق تعطي البلوف والبستم انسيابية اكثر في الحركة على عدة سرعات وعدد دورات مكينة مختلف .. وهم لا تحاول انك ترص على الموتر كثير .. يعني سوق على اقل من مهلك وبهداوه ولا ترفع عدد دورات المكينة اكثر من 2500 RPM

طمن بالك .. عبي فل .. وغير الزيت .. شيك على كفراتك وضغطها .. ماي الرديتر لا تنساه .. والله يحيك عندنا في الشرقية ..

المشاركة الأصلية كتبت بواسطة accord 06

بس بسألك وشلون كان استعمالك للسياره اول ؟

المشكلة دي لها كم سبب ..

ممكن الأخ كان يقاوم كثير بسيارته ورجوله حارة على المكينة .. وبكذا يكون تسبب في تآكل الشنابر وبالتالي اصطدام البستم بجدار السلندر في وجود حرارة عالية والنتيجة كما نرى ..

ممكن كان مهمل للزيت وتغييره في مواعيده مما سبب تآكل الشنابر .... (( نفس تكمله الكلام الي فوق ))

غريبة المشكلة دي في سيارة ما تعدت الـ 200 الف .. اذكر صارت لي في سيارتي القديمة فورد ماركيز ولكن كانت الفورد وقت حدوث المشكلة ماشية 300 الف ..

ننتظر خالد ونشوف وش المصيبة الا كان مسويها ;)

^^^^^^^^^^^^^^^^^^

نشر الغسيل خخخخخخ:d

بصراحه انا عندي سي ار في 99 وواحد من الميكانيكي قالي ترتفع حرارتها بسبب البستم ونفس الكلام ,,,

انتظر الاخ كيف استخدامه !!! يمكن مثلي خخخخخ

ورشة الجنوب اسمحولي اقول ما عندها سالفه بقوه ومن تجربه بس الدعوه الشهره ولا ما عندك احد

واسعار مبالغ فيها صراحه فحمات اماميه يغيرونها 70 ريال
بينما ورش ثانيه 30 ريال واذا صرت رايق اركبها بنفسي

بالعربي عادي أجي الشرقيه أو لا ...والله ماراح أسرع يعني 100سس80 سس90هههههههه يجي ولا مايجي...

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

المشاركة الأصلية كتبت بواسطة كوكو كورد

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

وش دعوة تتخلى عن الرجال في اصعب ظروفه وتخليه على خط الشرقية يكلم نفسه ؟

وثانياً ليش السرعة ومستعجل على ايش ؟

المسافة بين الشرقية الرياض 380 كيلو ..

لو مشيت 80 طول الخط بتوصل في 4 ساعات و 45 دقيقة ..

ليش العجلة ؟؟

المشاركة الأصلية كتبت بواسطة كوكو كورد

الحمد لله على السلامة اولا واخيرا ...

معليش ماني راح معك تجمع الشرقية دام هذا ممشاك ... مرررررررررررررررة مايمديني ,.,,
بروح احجز على الخطوط ... ولا .... الاعضااااء وااااجد وخلق الله كثييير ...

خلك جاهز يوم الاربعاء العصر وانا اجي آخذك

;)