صبرت 5 أيام ... باقي يوم واحد ... أصـبـــــــــر .... أكيد ما قالوا لا تغسلها إلا بعد 6 أيام إلا علشان اللمعه ما تروح من بودي موترك .
وسلامتك
اخواني ربي يحفطكم من كل مكروه بادخل بالموضوع مباشرة مريت محل تلميع يوم الاثنين وقلت خلني ادلع الهنادي شوي ولمعتها بس اول ماجيت اطلعها قالي العامل لاتغسلها الا بعد سته ايام بس المشكلة صار البدي كله غبار ودي اغسلها اليوم يعني بيكون مر على التلميع خمسة ايام عادي ولا لازم اصبر الى ستة ايام وربي يوفقكم
صبرت 5 أيام ... باقي يوم واحد ... أصـبـــــــــر .... أكيد ما قالوا لا تغسلها إلا بعد 6 أيام إلا علشان اللمعه ما تروح من بودي موترك .
وسلامتك
اقلها غسلها اليوم في اخر الليل عشان تكون مقاربه للسته ايامـ :d وفي نفس الوقت تكون نضيفه مع بدايه الاسبوع والناس دومات
موضوعك يحتاج للتفكير والتأني ,,قبل اي اتخاذ قرار متهور ومتسرع
ما اقدر اقول لك رأيي اخاف آخذ شي بذمتي
ولكن كنصيحة فقط راجع نفسك قبل ماتغسل السياره قد تندمون ,,,!
فكر فيهاا واحسبهاا زين هذي فيهاا لمعه وبودي وسته ايام ,,
انت صبرت خمسه ايام ,,وخمسه ايام مش قليله كثيره جدا وانت صبرت ونلت
وباقي يوم تحمل يخووك تحمل ولا تغسلهااا موضوعك اثر فيني كثير وحسيت فيك لأني اخوك المسلم
حاول تلهي نفسك وتتذكر الأشياء الحلوه والإيجابيه بحياتك حتى يمر اليوم لا تتذكر الاشياء السلبيه
وراح يمر هاليوم وانا قلبي معك ,,
واتمنى إنك تأخذ القرار الصحيح
انا ماا اقدر اجبرك على شي ولا احد يقدر يجبرك على شي إذا انت تبي تغسلها قبل ستة ايام وانت صبرت خمسه ايام بلياليها العجاااف
محد يقدر يقول لك
حنا على اعصابنا وطمناا عنك يالغلاا وعن موضوعك المهم ياهاي
حاول تدخل منتديات وتسأل بعد مافيهاا شي سجل وشارك عندهم ونزل موضوع قول لهم انا لمعت السياره وقالوا لي لازم ستة ايام وانا صبرت خمسه ايام وابي اغسلهاا
صدقني راح يتفاعلون معك لأن من جد موضوعك مأثر بشكل كبير بعالم السيارت ومهم جدا
اتمنى لك التوفيق اخوي وطمننا عنك وانا راح اسأل عن موضوعك وارد لك خبر
تحياتي وخالص تقديري
غسلها بعد 6 ايام مثل ماقالوا لك
ثانياً : اتمنى تغيير عنوان الموضوع لانه لايمت للمضمون باية صله وبامكانك الترحيب في بداية موضوعك حتى يتسنى للباحث عن الفائده وجود ما يبحث عنه
واتمنى الجديه في طرح المواضيع !!
شكرا لك
سبحان الله وبحمده سبحان الله العظيم
تم تغيير عنوان الموضوع ليتناسب مع محتواه
الرجاء الاهتمام بالعنوان لكي تستفيد من طرحك للموضوع ويكون القارى على بينه عشان يدخل ويفيدك
..
....
فديتكم وربي ماقدرت اصبر وغسلتها صارحة تذكرت اول ماخطبتها اسف:o اقصد اول ماطلعتها من الوكالة وربي يسعدكم ويسعد العضو فيصل 60700وربي كبدي طلعت من الضحك اشكرك على طرحك الموضوع بشكل رائع وسخرية بنفس الوقت اهنيك
ههههههههههههههههههه
كل هالكلام كوم وكلام الاخ فيصل كوم ثاني
يابن الحلال تصدق كادت ان تنفجر كلوتي من القهقهه
وسراحه أضم صوتي لصوتك وأقول للأخ اللي منزل الموضوع
يرحم امك وبصلاتك وبصيامك وأمانه معك دام انك ماسمعت النصيحه وغسلتها اجل لأعاد تلمعها
لاني اخوك المسلم الثاني وماأتمنى لك الخساره
وربي ماتسوى علي اني لمعتها خلاص ياهووووووووووووووووووو :o
مواقع النشر (المفضلة)