انطباعي عن سيارتي بعد الـ 100 الف
السلام عليكم ورحمة الله وبركاته
قبل يومين بحمد الله كملت سيارتي الـ 100 الف ماشاء الله تبارك الله
انطباعي عنها بعد مرور 3 سنوات من الاستخدام ...
السياره يعلم الله اني احط فيها كل شهرين مبلغ وقدره اسعار القطع الاستهلاكيه طارت وصارت خياليه والصيانه العن والعن
وامكن الاندكروزر ارخص من قطع الاكورد في بعض الامور
المشاكل اللي تواجهني اصوات الديكور المعروفه خصوصا الشنطه وديكور الباب المزعج
اصوات طقطقه تحت السياره مع المطبات
صوت طقه بالدركسون اذا كسرت الطاره
صوت قوي زي كذا " كررررررر " اذا شغلت السيارة اذا كانت بارده بالصباح من المكينه
الرجه والحذفه تعبتني كل شوي ترجع لي وصوت صفير مع الفرامل حتى بعد خرط الهوبات وتغيير الاقمشه
صوت طقطقه ااذا ضغطت فراامل
صوت تنسيم بالمكيف
العزززل جدا جدا جدا جدا سيء وتعبان امكن الددسن احسن منه...ا من 90 وصوت الهواء من كل مكان يجيني
حتى الهواء يدخل علي من ازرار القزاز
الباب الخلفي خربان مايفتح الا من برى .. العزم سيء ومينفع بريال غيرت الفلاتر ونظفت البخاخات والدعوه زي ماهي
الصراحه ميزة الاكورد الرساوة بما اني راعي خطوط ..مافي زي الاكورد ماشاء الله تبارك الله
بالنهاية ..لو رجع في الزماااان ماراح اشتري اكورد
لكن تظل افضل من غيرها من نفس الفئه
والحمدلله على كل حــــــال
تحياتي لكم ... محمد
رد مع اقتباس
مواقع النشر (المفضلة)