زيت القير

[5aled]

السلام عليكم ورحمة الله وبركاته

اخواني بغيت عيار زيت القير لاني يوم شفته لقيته على النتقطة الاولى قبل كلمة هوت HOT

وقريت في موضوع ثاني انه لازم يكون على النقطة الثانية يعني ناقص وبقوة

الرجاء يا شباب احد يفيدني بالعيار هل هو صحيح او لا

[المباشر]

وعليكم السلام ورحمة الله وبركاته

علشان نفيدك بالحل السليم والصحيح نحتاج منك شويه معلومات مثل

1- كم ماشي الموتر ؟؟

2- متى تم تغيير الزيت آخر مره ؟؟

[5aled]

وعليكم السلام ورحمة الله وبركاته

علشان نفيدك بالحل السليم والصحيح نحتاج منك شويه معلومات مثل

- كم ماشي الموتر ؟؟ حول 94 الف

2- متى تم تغيير الزيت آخر مره ؟؟ قبل 20 الف كيلو

[ابو بريه]

عليكم السلام ورحمة الله وبركاته
اخوي فيه طريقتين لقياس القير

1- السياره طافيه لها فتره مثل وقت الصباح قبل الدوام تعاير الزيت يكون العيار على النص
2- السياره شغالة او انك جاي من مشوار تعاير الزيت يكون في اعلى العيار max

[nasser1430]

عيار زيت القير في الهوندا يفحص لما يكون الزيت حار .... وتلاحظ إن العيار مكتوب عليه ( hot ) فقط ، يعني تعاير الزيت إذا كنت جاي من مشوار طويل شوي ( من مسافة ممشى 15 إلى 25 كيلو وفوق ) خاصةً في فصل الشتاء لأن الجو يأثر على حرارة الزيت ... سواءاً المكينه أو القير .

أنا عندي في الأكورد لما أعاير الزيت والسيارة طافيه من وقت طويل يكون الزيت على نصف العيار ... أما بعد ما أمشي مشوار طويل شوي زي ما ذكرت فيكون العيار على الحد الأعلى ... وهذا شيء طبيعي ومناسب للقير حتى ما يتأثر القير ولا يصير فيه ترشيح من الصوف أو وجه القير .
فشوري عليك أمشى على السيارة مسافة حتى يحمى زيت القير ثم عايره إذا كان على خط ال( HOT ) العلوي أو أقل بشوي ... زد عليه حتى يوصل الخط الأعلى .

بس أهم شيء (( زيت قير هوندا الأصلي قيمته تقريباً 38 ريال للعلبة واحد لتر )) .... إنتبه تعبيه زيت اي سي ديلكو أو زيت ثاني ترا يعدم عليك القير ... واحتمال يضرب عليك القير .

وسلامتك