مشكلة ليس لها حل موجودة في كل أكورد

**محجوب** · 21-10-2007, 03:13 PM

كيفكم يا شباب المنتدى عساكم طيبين

...

الموضوع وما فيه اني لاحظت مشكلة عندي في الاكورد

....وبعد ما لاحظتها صرت اشوفها في كل الاكوردات تقريبا

المشكلة هي زجاج الاكورد...لاحظت ان كل مرة اظلل السيارة ..بعد مدة تبدأ خطوط طولية بالظهور على التظليل ..وكل ما طالت مدة التظليل قبل لا اغيره تزيد قوة الخطوط لدرجة اني اقدر اتحسسها بيدي... وكل مرة اغير التظليل نفس المشكلة... اخر مرة تهورت ورحت ظللت عند شركة بـ1000 ريال

قلت لأنه مضمون وعازل ممكن ما تظهر فيه الخطوط...وبعد فتره تفاجأت بنفس الخطوط ظهرت عندي:p ورحت للشركة قالو ما نبدل التظليل لأن هذا موب عيب في التظليل هذا من السيارة:(

طبعا انا اتكلم عن زجاج الجوانب ;)

فيا شباب... اللي يعرف حل لهالمشكلة او على الاقل يعرف وش سببها يشاركنا بمعلوماته

وسلامتكم..

**accord 2007** · 21-10-2007, 04:10 PM

غريبه يامحجوب توك اللي تكتشف المشكله

تناقشنا عن هاذيه المشكله كثيراً وتوصلونا الى انك تغير جلد القزاز اللتي داخل الباب
وسبب المشكله ان الجلده ضيقه وذرات الغبار المتجمع داخل الجلده تسبب هاذي الخدوش والخطوط

واذا حبيت تستفيد اكثر هذا رابط لاحد الاعضاء يشتكي من نفس المشكله

أرعـــــــــــــــــــــــــــــــــــــــــــــــ ــــص هــــــــــــــــــــــــــــنــــــــــــــــــــ ــا

وهذا رابط اخر فيه نقاش وحل للمشكله

أرعـــــــــــــــــــــــــــــــــــــــــــــــ ــص هــــــــــــــــــــــــــــــــنــــــــــــــــ ــا

تـــــح ـــــــــــيــــــــــــــاتــــــــــي لـــــــــلــــكــــــ

**الأكور** · 21-10-2007, 04:46 PM

على فكرنه ترون انا قابلت واحد فاهم في الأشياء هذي وقالي هذا مو عيب مصنعي هذا بالعكس يدل جودة الصناعه وهذي في المرسيدس أيضا مو بس في الأكورد ,,,

**Classic Design** · 21-10-2007, 06:40 PM

أنا واجهت نفس المشكلة بس شوف إذا جيت تظلل لا تشيل البلاستيك اللي يجي مع التظليلة خله آخر شيء بعد ما تركب التظليلة على الزجاج شله

**k.o.k.i** · 21-10-2007, 07:19 PM

ظلل من برا ولا راح تطلع الخطوط

جربت ومشى الحال

**BLK** · 21-10-2007, 07:40 PM

وش حال الي مضلل حراري بأكثر من 2000 ريال

المشاركة الأصلية كتبت بواسطة الأكور

وقالي هذا مو عيب مصنعي هذا بالعكس يدل جودة الصناعه وهذي في المرسيدس أيضا مو بس في الأكورد ,,,

الحين جودة صناعة تسبب خدش زجاج

**sea_storm** · 21-10-2007, 08:02 PM

هالمشكلة كأنها بدت تطلع عندي بالسيفيك كماااان..

وقررت اني اشيل التظليل كله وخلها بدووون ...

**محجوب** · 22-10-2007, 05:23 AM

accord 2007 ...معليش...بس انا من زمان مكتشف المشكلة ..لكن ما شفت موضوع عنها فقلت خلني اكتب واحد ...ويمكن الموضوع اللي عطيتني رابطه ما شفته لأني ما كنت متابع المنتدى على ايامه...على العموم مشكور على الرد جزيل الشكر

باقي الاعضاء...مشكورين على المرور وما قصرتوا

سلام..