اغيثوني يا شباب

**ABODYYIC** · 20-11-2011, 10:49 AM

السلام عليكم

ببساطه عندي مراوح الرديتر تشتغل طول الوقت ماتفصل ابدا

في الشركه بجده فرع طريق المدينه غيرو حساس الحراره طلع مو هوا السبب وغيرو منظم تشغيل المراوح والمشكله ما انحلت

اخر شي اليوم بيركبو كمبيوتر جديد وهيشوفو منو المشكله او لا

الكمبيوتر قيمتو على كلام الموظف تقريبا 9000 الاف

امنتكم بالله الي يعرف ورشه ممتازه واحد مجربها يدلني عليها في مكه او جده وياريت يعطيني رقم جوال او ثابت

طبعا لو طلعت المشكله من الكمبيوتر اكيد ماراح اغيرو وراح ابيع ام السياره الي من يوم كملت اقل من سنتين معايا وهيا مطلعه عيني من مشاكلها وكل شويا وهيا بالشركه وانا في ايجار سارات باليوم والاربع ايام.

ارجو المساعده يا اخوان...............

**هاي الشرقية** · 20-11-2011, 12:31 PM

صراحة اول مرة تمر علي هالمشكلة بس لاتستعجل على البيع ولو جلسنا على اي مشكلة نبيع ماكان افتحوا الورش بس اذا تبي نصيحتي مر على ورشة ممتازة وان شاء الله مايقصرون معاك شباب الغربية انا مشكلتي الهوى شرقي

**ABODYYIC** · 20-11-2011, 01:02 PM

تسلم شرقاوي

انا منتظر رد الشركه وبعدين بوديها عند ابو عزام الي بجده

والله ييسر الامر.................

**ABODYYIC** · 20-11-2011, 02:07 PM

الخبر الاكيد

كلمت الموظف وقالي لما ركبو الكمبيوتر الجديد المرواح اشتغلت كالعاده يعني انحلت المشكله صارت تشتغل وتفصل عند الحاجه يعني الكمبيوتر لازم يتغير وسعره حوالي 8000 او 9000 الاف ريال ينطح ريال

والله مبلغ مو سهل

لاكن الحمدلله على كل حال

الحين بوديها عند ابو عزام واشوف يمكن الله ييسر الامر ويلقالها حل

والا ببيعها وافتك منها واطلق الاكورد وهوندا الى الابد واريح راسي...........

**هاي الشرقية** · 20-11-2011, 03:23 PM

الله يوفقك ورد لنا اخر قرار اتخذته

**al-5alahf** · 20-11-2011, 03:40 PM

تبي الصراااااحه عندي احساس انو مو من الكمبييوتر حق السيارهـ تدري ليش لانو الكمبيوتر مو بالساهل يروح الا اذا انتا لاعب في كهرباء السياره فاحس انهم بيلطخونك على الفاضي ويركبون واحد ويقوللك غيرناه عشان ..

تدفع الفلوس هو من خراب بسيط وهما عارفين وش هوا بس ما يبي يقوللك عشان تدفع لاكن شيل السيارهـ اخوي وديها بنفسكـ وانا اعتقد اذ المراوح تشتغل على طول معناتو سللك من اسلامـ المراوح الي متصله باي حساس يخص الحراره مفصول وانت شيك عليها

اما الكمبيوتر اخوي مي داخله مخي انو منوو وانتا شوف وقلنا وش سار معاكـ الله يسهل امرك

**ABODYYIC** · 20-11-2011, 05:17 PM

والله نفس احساسي

وانا مو مركب اي شي في السياره ابدا ابدا

بوديها انشاء الله عند او عزام في اقرب فرصه واعطيكم خبر وش صار معي

ومشكورين اجمعين والى اللقاء.........

**خفيف روح** · 21-11-2011, 01:26 AM

حت لوضرر من الكمبيوتر لاتبدله عادي خل المروح شغاله على طول ماتضر المروح وظيفته تبد اول ماتسخن سياره
بس راح طول في صباح اذ جيت تسخنه
في ناس كثيره عرفهم شابكين المروح مع سلف

**ABODYYIC** · 21-11-2011, 07:36 AM

خفيف الروح الله يطمنك بس ممكن تعرفني وش موديلات سياراتهم وكم لهم شابكين المراوح مع السلف.

**خفيف روح** · 21-11-2011, 07:23 PM

المشاركة الأصلية كتبت بواسطة abodyyic

خفيف الروح الله يطمنك بس ممكن تعرفني وش موديلات سياراتهم وكم لهم شابكين المراوح مع السلف.

معي سفك 96 تقريبن سنتين

وكسنت 2001 خمس سنوات والحصلت ولا مشله

**بلال العلمي** · 21-11-2011, 10:00 PM

السيارة من صنع البشر واللي صاير عندك هو خطأ صنع بشر ونااااادر ما يصير في الهوندا

عموما دام الوكالة غيروا الكمبيوتر ولقوا ان المشكلة من الكمبيوتر فابيك تسوي شي واحد فقط

ابيك تعيد برمجة كمبيوتر السيارة فقط قيمتها 250 ريال وانا متأكد انها راح تشتغل معك مضبوط

**ABODYYIC** · 22-11-2011, 08:53 AM

اخوي بلال العلمي قصدك اعمل اعادة ضبط في الشركه او ايش بالظبط وشاكر لك........

ولو قصدك اني افصل اصباع البطاريهواشبكه مره ثاني بعد كم دقيقه انا سويتها اكثر من مره والا تغير شي..

انتظر ردك..........

**خفيف روح** · 23-11-2011, 12:16 AM

المشاركة الأصلية كتبت بواسطة بلال العلمي

السيارة من صنع البشر واللي صاير عندك هو خطأ صنع بشر ونااااادر ما يصير في الهوندا

عموما دام الوكالة غيروا الكمبيوتر ولقوا ان المشكلة من الكمبيوتر فابيك تسوي شي واحد فقط

ابيك تعيد برمجة كمبيوتر السيارة فقط قيمتها 250 ريال وانا متأكد انها راح تشتغل معك مضبوط

طيب الوكاله ليه ماسوتله برمجه من اول
ولل دور مصلحته الوكاله مادين

**بلال العلمي** · 23-11-2011, 06:02 PM

المشاركة الأصلية كتبت بواسطة abodyyic

اخوي بلال العلمي قصدك اعمل اعادة ضبط في الشركه او ايش بالظبط وشاكر لك........

ولو قصدك اني افصل اصباع البطاريهواشبكه مره ثاني بعد كم دقيقه انا سويتها اكثر من مره والا تغير شي..

انتظر ردك..........

ايه سوي اعادة برمجة في الشركة ادخل وقول لهم ابي اعيد البرمجة فقط قيمة البرمجة 250ريال تقريبا

**بلال العلمي** · 23-11-2011, 06:03 PM

المشاركة الأصلية كتبت بواسطة خفيف روح

طيب الوكاله ليه ماسوتله برمجه من اول
ولل دور مصلحته الوكاله مادين

اذا البرمجة اشتغلت مع الرجال وصلح معه كل شي هنا السؤال هذا يوجه للشركة نفسها بشكل رسمي

**خفيف روح** · 24-11-2011, 02:19 AM

المشاركة الأصلية كتبت بواسطة بلال العلمي

اذا البرمجة اشتغلت مع الرجال وصلح معه كل شي هنا السؤال هذا يوجه للشركة نفسها بشكل رسمي

هاذ الي ابي اوصله الوكاله ماله عذر ماتسويله برمجه من اول
علطول تقوله بدل كمبيوتر
ونصحه يروح فرع ثاني عشان ماتكابر الوكاله

**ABODYYIC** · 26-11-2011, 08:46 AM

اتصلت على الشركه واتاكدت انهم عملو اعادة برمجه بس المشكله ما انحلت الله المستعان.

وكلمت ورشة ابو عزام وقلي دام الشركه غيرت الكمبيوتر وطلع منه المشكله فا ما عندي حل ثاني.

انا بطنش المشكله مالي غير كذا صعب ادفع حول 10 الاف عشان كمبيوتر والسياره ماتستاهل اصلا الف مو عاد 10 الاف.

الشكر الجزيل لكل من شارك بالموضوع وحاول يقدم المساعده وجزاكم الله خير......